Македонија
Регионален семинар за мигрантската криза

Регионален оперативен семинар за управување со миграционите движења и борба против криминалните мрежи што ја поттикнуваат илегалната имиграција во Југоисточна Европа, ќе се одржи во среда во Скопје.
Македонски експерти и експерти од соседните земји: Албанија, Босна и Херцеговина, Хрватска, Грција, Косово, Црна Гора и Србија, ќе ја истакнат во текот на следните два дена потребата за зацврстување на соработката на хуманитарен и безбедносен план.
Овој семинар треба да овозможи запознавање преку размена на информации и потврдени практични постапки на експертите за истрага коишто се специјализирани во областа на борбата против организираните мрежи на шверц и нелегална имиграција, како и за истражните техники и откривањето на фалсификувани патни документи и за споделување на собраните податоци и размена на конкретни оперативни искуства. /крај/со/ст
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Советот за етика во медиумите ги осуди заканите кон новинарката Мери Јордановска

Советот за етика во медиумите на Македонија (СЕММ) го осудува односот на застапникот на раководството на 1 ТВ Бојан Јовановски кон новинарката на „Макфакс“, Мери Јордановска по повод нејзините критики за емисијата „Инсајдер“ емитувана на оваа телевизија.
„Таквите критики единствено може да се разберат како закани кон новинарката и нејзината критичка проценка за начинот на којшто работат други медиуми, нешто што како носител на професијата таа апсолутно смее да го прави и е дозволиво со Законот за медиуми. Ваквите притисоци врз новинарите, било директни или индиректни, сериозно може да влијаат врз начинот на којшто ја остваруваат својата дејност, изборот на сториите за кои што известуваат и начинот на којшто ќе обработуваат прашања од јавен интерес“, се наведува во осудата што преку соопштение ја упати Советот за етика во медиумите.
Слободата на изразување, велат од СЕММ, подолго време била на удар на голем број на моќници кои се обидувале да воспостават контрола врз работата на новинарите и медиумите. Притоа цензурата, како што додаваат, била и ќе остане непримерен облик на загрозување и ограничување на слободата на изразување во новинарската професија.
„Токму општествената положба на новинарската професија е индикатор за проценка на степенот на кој е загарантирана слободата на изразување, мислење, информирањето, критиката или воопшто постоење на слободен и демократски живот. Притисоците и заканите кон новинарите мора да се разгледаат и од аспект на фактот дека државата подолго време се соочува со пад на слободата на изразување во споредба со други региони во светот, како и во однос на препораките од релевантни домашни и меѓународни тела и организации дека сѐ уште треба да се работи во оваа сфера во потенцијалните земји – членки на ЕУ“, заклучува Советот за етика во медиумите во соопштението.
Македонија
МАН: Законот за медиумите постои за заштита на новинарите, а изнесувањето невистини е клевета

Законот за медиумите го штити новинарот во изнесување на своето мислење, а изнесувањето невистини е клевета, истакнува Македонската асоцијација на новинарите (МАН) преку соопштение по заканите што застапникот на менаџментот на телевизијата „1ТВ“, Бојан Јовановски, ги упати врз новинарката на „Макфакс“, Мери Јордановска.
„МАН го поздравува ставот на редакцијата на ‘Макфакс’ и Групацијата Клип медија кои
целосно застануваат зад својата новинарка Мери Јордановска и како и досега, и во иднина
ќе ѝ гарантираат слобода на изразување и мислење осудувајќи ги сите обиди за закани и
влијанија од страна. Воедно, МАН потсетува дека клевета е изнесувањето невистини, особено ако тие се јавно изнесени. Во случајот на Бојан Јовановски, тој вчера на социјалните мрежи напиша дека во тек се преговори за соработка меѓу ‘1ТВ’ и ‘Макфакс’, а за кои редакцијата на ‘Макфакс’ јавно се произнесе дека се невистинити“, се вели во соопштението на МАН.
Јовановски на социјалните мрежи директно ја прозва Јордановска поради нејзини критики за емисијата „Инсајдер“, која се емитуваше на оваа телевизија.
Македонија
Крилото на Гаши од Беса стана Алтернатива

Со одлука на Централното собрание на крилото предводено од Африм Гаши, овој дел од Беса формира нова партија која ќе го носи името Алтернатива.
Со тоа Беса останува да ја води Билал Касами.
Расколот во Беса настана по локалните избори кога движењето се подели на две партиски крила.
- Истражувања3 месеци
(ВИДЕОИСТРАЖУВАЊЕ) Како Груевски го купуваше имотот на ВМРО-ДПМНЕ
- Истражувања3 месеци
Во дворот на МЗТ ќе се гради фабрика за преработка на медицински отпад, паника кај околните фирми
- Истражувања1 месец
(ВИДЕО) Градоначалничката на Арачиново со службени пари купувала суџук, мирисливи свеќи, пилешки гради и дрвени лажици
- Проверка со факти3 месеци
Заев прифаќа амнестија за 27 април, а тврдеше дека нема да има
- Истражувања2 месеци
Фондот за иновации прво одобрил грант од 200 илјади евра на сопругот, па ја вработил сопругата
- Проверка со факти2 месеци
(Видео) Шекеринска: Нема да се пазариме со амнестија
- Проверка со факти2 месеци
(Видео) Макрадули: Популизмот не помага при решавање со загадувањето
- Македонија2 недели
Скандалозна распределба на пари во култура – има за тетовски, нема за скопски џез-фестивал