Региони
Буковецот како заштитен македонски производ
„Буковка”, „Буковец”,„Буковска пипер” … Буковка е зачин кој го има насекаде, ама кога зборуваме за Буковска пипер-тоа е зачин што во посебни услови го произведуваат жителите на селото Буково и сега е на пат да биде заштитен како македонски производ.
„Кога ќе им кажевме на производителите дека планираме да го заштитиме нивниот производ не гледаа бледо. Денес со помош на Слоу Фуд, креирајќи Президиум, успеавме да го претставиме и на меѓународно ниво преку саемите на Тера Мадре, а воедно и го заштитивме во рамките на организацијата, што обработува еден добар дел од постапката за заштита и на државно ниво”, вели проект координаторот Елена Каровска.
Се трошат премногу пари за плаќање на скапи реклами кои служат за промовирање на производи каде се убедуваат потрошувачите дека се работи за традиционални производи. Денес постои цел пазар на “традиционални производи” иако само дел или воопшто не го имаат традиционалното во нив.
Кога на еден производ му се гарантира квалитетот тој се издвојува од другите кои се слични на него, а воедно се нерегистрирани и незаштитени. Со тоа се создава еден посебен поглед на потрошувачите кон тој производ.
Големиот број на традиционални производи претставуваат важен сегмент при секојдневниот избор на потрошувачите кои се на пат да бидат конкурентни но и во предност во однос на европската индустрија. Важен елемент за секое културно наследство претставува токму традиционалниот производ од таа област.
Отварањето на националните граници и глобализацијата доведоа до мешање на културите и традициите на народите. Слоу Фуд уште од самиот почеток работи за заштита на производите и местото од каде потекнуваат. Заштитените ознаки не претставуваат гаранција само за квалитетот туку и за автентичноста за производот, а со тоа консументите добиваат сигурност дека некупуваат фалсификуван производ.
„Потекнувам од место од каде потекнува и еден производ надалеку познат и го носи името на моето родно место. Се работи за производ кој го има под неколку називи: “Буковка”, ”Буковец”,“Буковска пипер” … Буковка е зачин кој го има на секаде, ама кога зборуваме за Буковска пипер-тоа е зачин што во посебни услови го произведуваат жителите на селото Буково. Долги години наназад се обидуваме да најдеме начин да ги разрешиме овие дилеми кај луѓето, па можам да кажам дека во последно време сме на правиот пат”, изјави претставникот на „Президиум Буково”, Горан Здравески.
И во Македонија мисијата на Слоу Фуд е насочена токму кон заштита и промоција на традиционалните производи кои сеуште во голем дел се присутни на скромната македонска трпеза.
Пастрмајлиите од Источна Македонија се дел од македонската кујна. Кога спомeнуваме Штип, прво на памет ни паѓа – Пастрмајлија. Штипјани за нивниот специјалитет велат: “Штом дојде зима, пастрмајлија да си апнам со црвено винце најубаво оди”. Специфично, меко, лесно за јадење. Исто така пастрмајлија се прави и во Велес, но и двете се разликуваат по начинот на подготовка.
Во поглед на заштита на производите и нивно појавување на пазарот како единствени со своја традиција и свои техники во петок ќе се одржи конференција за заштита на квалитет на традиционалните производи со почеток од 10 часот Дом на култура: „Иван Мазов Климе“,Кавадарци,
Организатор е Слоу Фуд Македонија со поддршка на Министерство за земјоделство, шумарство и водостопанство, ФАО (Светска организација за храна и земјоделство) и Слоу Фуд Интернационал. Домаќини се Општина Кавадарци и Слоу Фуд Тиквеш./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Опасен отпад детектиран во близина на скопското село Орман
При редовна обиколка од страна на Државниот инспекторат за животна средина на територијата на Општина Ѓорче Петров, на 10 октомври лоцирано е одлагање на згура од преработка на акумулаторски батерии на во близина на селото Орман. Станува збор за опасен отпад во количина од околу 500 до 600 тони.
„Според затекнатата состојба на теренот, а според Листата на видови на отпад (Сл.Весник на РМ бр.100/2005) се работи за отпад со шифра 10 04 – Отпад од пирометалургија на олово,10 04 01*- троски од примарно и секундарно производство, која според класификацијата спаѓа во класата на опасен отпад“, информираат од Државниот инспекторат.
Сопствениците на катастарската парцела на која се наоѓа отпадот со решение од Државниот инспекторат се задолжени да извршат неговата дислокација во рок од 30 дена од издавање на решението.
Граѓаните на социјалните мрежи бараат одговорност и одговор од каде доаѓа отпадот и кој е виновникот за неговото одложување токму на оваа локација која е во непосредна близина на реката Лепенец и населените места Волково и Орман.
Македонија
ЦУК: Активни два пожари, вчера регистрирани 26 пожари
Активни се два пожари од вкупно 26 на отворен простор што се регистрирани вчера во државава, информира утрово Центрот за управување со кризи (ЦУК).
-Активни се пожарите во Општина Македонски Брод, село Белица под Солунска Глава, каде што гори ретка борова шума, сува трева и грмушки и во Општина Чашка кај село Крива Круша, каде што гори сува трева и папрат, се наведува во соопштението.
Изгаснатите 24 пожари од вкупно 26 во последното деноноќие биле во:
– Општина Гази Баба, кај клучка кај Арачиново (каде што горела трска);
– Општина Аеродром. покрј ул.„Ѓорѓи Капчев“ (отпадоци);
– Општина Бутел, кај населбара „Кучевишка Бара“ (сува трева);
– Општина Илинден, кај с.Бунарџик (сува трева);
– Општина Новаци, кај с.Бач (сува трева);
– Општина Прилеп, 5 пожари, кај Индустриско училиште (сува трева), с.Селце (сува трева), с.Големо Коњари (сува трева), с.Новоселани (сува трева) и кај Прилепско Езеро (сува трева, грмушки и шума); – Општина Долнени, помеѓу селата Рилево и Сливје (сува трева);
– Општина Кривогаштани, 3 пожари, кај с.Локвени (сува трева), помеѓу Кривогаштани и Врбјни (сува трева) и помеѓу с.Кривогаштани и с.Светомитрани (сува трева);
– Општина Гевгелија, кај с.Ѓавато (сува трева); – Општина Велес, с.Иванковци (сува трева);
– Општина Чашка, с.Стари Град (сува трева и трње);
– Општина Штип, помеѓу конфекција Албатрос и Штипска млекара (сува трева и грмушки);
– Општина Куманово, 2 пожара, с.Карабичани (сува трева) и с.Романовце (стрниште);
– Општина Старо Нагоричане, 2 пожара,: с.Кокино (сува трева и борови гранки); с.Никуљане (стрниште);
– Општина Крива Паланка, с.Луке (букова шума и сува трева) и во – Општина Кратово: с.Татомир (каде што горела сува трева).
Македонија
ЦУК: Во последното деноноќие имало 10 пожари на отворено
Во текот на вчерашниот ден, според извештаите во Секторот за операции и координација во Центарот за управување со кризи (ЦУК), во државата во последното деноноќие имало регистрирано вкупно 10 пожара на отворено, до утрово како активен се уште се води само еден.
– Активен се води се уште пожарот што изби од 13:00 часот помеѓу селата Римница и Бибај, во месноста „Рибничка Планина“ во Општина Маврово – Ростуше, со којшто се зафатени високи пасишта, смреки, папрат, поедини стебла од бука, ела и шума.Заради напристпаноста за возилапожарникарите од ТППЕ Гостивар не интервенирале. Во можност биле само од Националниот парк „Маврово“ да интервенираат со 5 вработени. Пожарот е локализиран, но се уште има чад во внатрешноста. Лицата кои интервенирале се повлекле од терен во после 18:40 часот. Во утринските часови повторно екипите од националниот парк е планирано да извидат и да интервенираат на истиот тешкопристапен терен – информираат од ЦУК.
Изгаснати биле девет пожари на отворено, во:
– Општина Новаци, два пожара, во период од 14:00 до 14:40 часот, со едно ПП возило и три пожарникари интервенирале на запалена ниска вегетација во атарот на селата Лознани и Тополчани и од 15:15 до 18:55 часот, со едно ПП возило и три пожарникари интервенирале на запалена слама во с.Далбеговци;
– Општина Могила, во период од 22:30 до 00:10 часот, со едно ПП возило и два пожарникара интервенирале на запалена ниска вегетација и стрниште во с.Ношпал;
– Општина Прилеп, два пожара, од 14:35 до 15:15 часот, со четири пожарникари и две ПП возила интервенрале на запалена ниска вегетација на патот кон с.Селце и во период од 15:15 до 16:15 часот, со едно ПП возило и три пожарникари интервенирале на запалена ниска вегетација во атарот на с.Ерековци;
– Општина Тетово, два пожара, 16:47 до 17:15 часот, со три пожарникари и едно ПП возило интервенирале на запалена ниска вегетација во нас.Малеадри и од 13:22 до 14:22 часот, со едно ПП возило и два пожарникара интервенирале на запалена ниска вегетација покарај ул. „Илинденска“;
– Општина Велес, во период од 19:30 до 21:20 часот, со едно ПП возило и три пожарникари интервенирале на запалена ниска вегетација и стрниште на површина од два хектара во атарот на с.Мустафино;
– Општина Дојран, пожарникарите од ТППЕ Гевгелија дека во период од 12:20 до 14:00 часот, со едно ПП возило и три пожарниакри заедно со Доброволно ПП друштво „Дојран“ со едно ПП возило и три пожарникари интервенирале на запалена ниска вегетација на површина од половина хектар во с.Фурка и во
– Општина Гази Баба, пожарникарите од БППЗ на Град Скопје во период 19:15 до 21:00 часот, со едно ПП возило и три пожарникари интервенирале на запалени отпадоци на површина од половина хектар во с.Страчинци.