Региони
Дебар доби повеќенаменско игралиште
Во рамките на „ Проектот за изградба на 100 повеќенаменски игралишта низ целата држава“ денеска во Дебар, беше предадено во употреба повеќенаменско игралиште.
На свеченоста присуствуваа министерот за информатичко општество и администрација Иво Ивановски, директорот на Агенцијата за млади и спорт Марјан Спасески, заменик генералниот секретар на Владата Тахаир Хани, градоначалникот Ружди Љата, пратеници, претставници на инситуции и граѓани.
„Огромно задоволство ми е што денеска го промовираме овој објект кој е резултат на една добра соработка меѓу локалната власт и Владата. Ова претставива посебен пример дека може да се соработува, да се изнајдат сили и да се придонесе младите во Дебар, без оглед на која национална или верска припадност се, да им се даде простор онака како што заедно живеат, така и заедно да спортуваат, да бидат добри, здрави и успешни. Ако животот ги разделува луѓето, спортот е тој кој ги обединува“, рече градоначалникот Љата, упатувајќи апел до Владата да инвестира повеќе во овој регион во секој сегмент.
Директорот на Агенцијата за млади и спорт Марјан Спасески покрај другото соопшти уште една добра вест за дебрани, а тоа е изградбата на тениско игралиште, што ќе значи опфат на Дебар во проектот за изградба на 120 тениски игралишта во државава.
„Верувам дека во иднина ова место ќе биде вистински дом на спортот и ќе претставува одлична поддршка за реализација на спортските активности на општината и на клубовите. Верувам дека младите своето слободно време ќе го помуинуваат тука, натпреварувајќи се меѓу себе и учејќи ги вредностите на спортот и почитта кон противникот“, рече Спасески.
Според него, поевеќенаменското игралиште ќе може да се користи за мал фудбал, кошарка, серва, ракомет и други игри. Тоа е е 34-то по ред од 100-те кои се предвидени да се изградат во целата држава.
„Владата продолжува да инвестира во вакви повеќенаменски игралишта, продолжува да инвестира во 180 спортски сали, да ивестира во 120 тениски игралишта, продолжува да инвестира во 50 фудбалски игралишта. Сето ова го правиме со цел да можат младите генерации, идните генерации да се грижат за своето тело,да имаат можност каде да спортуваат, да имаат можност каде да се развиваат правилно и да можат оние кои се најталентирани да продолжат да градат своја кариера со што ќе го претставуваат не само Дебар, не само овој региот, туку и Македонија, бидејќи спортистите се најдобри амбасадори на својата земја во светот, рече Ивановски.
Тој нагласи дека на ова повеќенаменско игралиште ќе се создаваат мултикултурни друштва, ќе се создава дружење меѓу Македонците, Албанците, Турците, Бошњаците, меѓу кој било што живее тука и ќе го користи овој терен.
„Сепак ние сме Македонија која што сме мултикултурно општество, каде со години се докажуваме дека сме едни од подобрите, каде што можеме да им докажеме на сите оние наши непријатели дека во Македонија има соживот меѓу Муслиманите и Христијаните, меѓу Албанците, Македонците и Турците дека не постои надворешен фактор кој може тој соживот да го наруши“, рече Ивановски.
Заменик-генералниот секретар на Владата Тахир Хани очекува дека младите во Дебар сега кога имаат услови слободното време повеќе да го посветат на спорот, заедно да спортуваат, да другаруваат и да постигнуваат резултати.
Новото повеќенаменско игралиште се наоѓа во населбата „Венец два“ со димензии 45×28 метри и е изградено според светски стандарди. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Опасен отпад детектиран во близина на скопското село Орман
При редовна обиколка од страна на Државниот инспекторат за животна средина на територијата на Општина Ѓорче Петров, на 10 октомври лоцирано е одлагање на згура од преработка на акумулаторски батерии на во близина на селото Орман. Станува збор за опасен отпад во количина од околу 500 до 600 тони.
„Според затекнатата состојба на теренот, а според Листата на видови на отпад (Сл.Весник на РМ бр.100/2005) се работи за отпад со шифра 10 04 – Отпад од пирометалургија на олово,10 04 01*- троски од примарно и секундарно производство, која според класификацијата спаѓа во класата на опасен отпад“, информираат од Државниот инспекторат.
Сопствениците на катастарската парцела на која се наоѓа отпадот со решение од Државниот инспекторат се задолжени да извршат неговата дислокација во рок од 30 дена од издавање на решението.
Граѓаните на социјалните мрежи бараат одговорност и одговор од каде доаѓа отпадот и кој е виновникот за неговото одложување токму на оваа локација која е во непосредна близина на реката Лепенец и населените места Волково и Орман.
Македонија
ЦУК: Активни два пожари, вчера регистрирани 26 пожари
Активни се два пожари од вкупно 26 на отворен простор што се регистрирани вчера во државава, информира утрово Центрот за управување со кризи (ЦУК).
-Активни се пожарите во Општина Македонски Брод, село Белица под Солунска Глава, каде што гори ретка борова шума, сува трева и грмушки и во Општина Чашка кај село Крива Круша, каде што гори сува трева и папрат, се наведува во соопштението.
Изгаснатите 24 пожари од вкупно 26 во последното деноноќие биле во:
– Општина Гази Баба, кај клучка кај Арачиново (каде што горела трска);
– Општина Аеродром. покрј ул.„Ѓорѓи Капчев“ (отпадоци);
– Општина Бутел, кај населбара „Кучевишка Бара“ (сува трева);
– Општина Илинден, кај с.Бунарџик (сува трева);
– Општина Новаци, кај с.Бач (сува трева);
– Општина Прилеп, 5 пожари, кај Индустриско училиште (сува трева), с.Селце (сува трева), с.Големо Коњари (сува трева), с.Новоселани (сува трева) и кај Прилепско Езеро (сува трева, грмушки и шума); – Општина Долнени, помеѓу селата Рилево и Сливје (сува трева);
– Општина Кривогаштани, 3 пожари, кај с.Локвени (сува трева), помеѓу Кривогаштани и Врбјни (сува трева) и помеѓу с.Кривогаштани и с.Светомитрани (сува трева);
– Општина Гевгелија, кај с.Ѓавато (сува трева); – Општина Велес, с.Иванковци (сува трева);
– Општина Чашка, с.Стари Град (сува трева и трње);
– Општина Штип, помеѓу конфекција Албатрос и Штипска млекара (сува трева и грмушки);
– Општина Куманово, 2 пожара, с.Карабичани (сува трева) и с.Романовце (стрниште);
– Општина Старо Нагоричане, 2 пожара,: с.Кокино (сува трева и борови гранки); с.Никуљане (стрниште);
– Општина Крива Паланка, с.Луке (букова шума и сува трева) и во – Општина Кратово: с.Татомир (каде што горела сува трева).
Македонија
ЦУК: Во последното деноноќие имало 10 пожари на отворено
Во текот на вчерашниот ден, според извештаите во Секторот за операции и координација во Центарот за управување со кризи (ЦУК), во државата во последното деноноќие имало регистрирано вкупно 10 пожара на отворено, до утрово како активен се уште се води само еден.
– Активен се води се уште пожарот што изби од 13:00 часот помеѓу селата Римница и Бибај, во месноста „Рибничка Планина“ во Општина Маврово – Ростуше, со којшто се зафатени високи пасишта, смреки, папрат, поедини стебла од бука, ела и шума.Заради напристпаноста за возилапожарникарите од ТППЕ Гостивар не интервенирале. Во можност биле само од Националниот парк „Маврово“ да интервенираат со 5 вработени. Пожарот е локализиран, но се уште има чад во внатрешноста. Лицата кои интервенирале се повлекле од терен во после 18:40 часот. Во утринските часови повторно екипите од националниот парк е планирано да извидат и да интервенираат на истиот тешкопристапен терен – информираат од ЦУК.
Изгаснати биле девет пожари на отворено, во:
– Општина Новаци, два пожара, во период од 14:00 до 14:40 часот, со едно ПП возило и три пожарникари интервенирале на запалена ниска вегетација во атарот на селата Лознани и Тополчани и од 15:15 до 18:55 часот, со едно ПП возило и три пожарникари интервенирале на запалена слама во с.Далбеговци;
– Општина Могила, во период од 22:30 до 00:10 часот, со едно ПП возило и два пожарникара интервенирале на запалена ниска вегетација и стрниште во с.Ношпал;
– Општина Прилеп, два пожара, од 14:35 до 15:15 часот, со четири пожарникари и две ПП возила интервенрале на запалена ниска вегетација на патот кон с.Селце и во период од 15:15 до 16:15 часот, со едно ПП возило и три пожарникари интервенирале на запалена ниска вегетација во атарот на с.Ерековци;
– Општина Тетово, два пожара, 16:47 до 17:15 часот, со три пожарникари и едно ПП возило интервенирале на запалена ниска вегетација во нас.Малеадри и од 13:22 до 14:22 часот, со едно ПП возило и два пожарникара интервенирале на запалена ниска вегетација покарај ул. „Илинденска“;
– Општина Велес, во период од 19:30 до 21:20 часот, со едно ПП возило и три пожарникари интервенирале на запалена ниска вегетација и стрниште на површина од два хектара во атарот на с.Мустафино;
– Општина Дојран, пожарникарите од ТППЕ Гевгелија дека во период од 12:20 до 14:00 часот, со едно ПП возило и три пожарниакри заедно со Доброволно ПП друштво „Дојран“ со едно ПП возило и три пожарникари интервенирале на запалена ниска вегетација на површина од половина хектар во с.Фурка и во
– Општина Гази Баба, пожарникарите од БППЗ на Град Скопје во период 19:15 до 21:00 часот, со едно ПП возило и три пожарникари интервенирале на запалени отпадоци на површина од половина хектар во с.Страчинци.