Региони
Галичките сирења на фестивалот во Бра, Италија
Познат низ светот како „Cheese“, Фестивалот на сирење кој се одржува во Бра-Пиедмонт Италија, е еден од најголемите настани во светот кои се посветени на сирењето. Овој фестивал е од суштинско значење не само за Италија, туку за целиот свет и е опишан како најголема колекција на квалитетни сирења.
Секоја втора година, во средината на септември во организација на Слоу Фуд се одржува овој четири дневен настан. Започнувајќи од денес, 18 до 21 септември се очекуваат околу 150.000 љубители на сирење, овчари, експерти, новинари да бидат дел од овој настан.Улиците на Бра ќе бидат поплавени од производители кои се дојдени да ги промовираат своите производ,и а се под закана од неизбежните пазарни сили.Оваа година фестивалот се фокусира на производите од кревките екосистеми на планините загрозени од индустрискиот развој. Овчарите и мајсторите за сирење кои живеат и работат секој ден на планините во Европа се соочуваат со критична ситуација и се под ризик да се изгубат некои вековни култури. Зголемениот индустриски развој осиромаши голем дел од населението и многу традиционални техники за сирење се замрени. Но и покрај овие проблеми, планините се уште претставуваат дом на едно неверојатно наследство на сирење. Благодарение на биодиверзитетот кој изобилува со извонредно богатство, практиката на изнесување на добитокот на испаша, свежо измолзеното млеко како и употребата на занаетчиски техники создаваат производи со уникатен квалитет.„Посетата на еден фестивал посветен исклучиво на сирењата, производ кој се прави од „иста“ суровина но чиј краен резултат може да варира во илјадници различни производи, секој со посебен изглед, вкус и приказна е искуство кое може да се доживее само на фестивалот во Бра. Затоа посетата на овој фестивал од страна на неколку производители и експерти од Македонија ја сметаме за доста важна и очекувам истата да даде резултати во понатамошното спроведување на проектот Заштита и промоција на традиционалните сирења од фарма“, изјави координаторот на проектот Елена КаровскаВо текот на овие четири дена ќе се истражуваат проблемите со кои се соочуваат производителите од планинските региони, како и пронаоѓање на решенија за истите преку конференции, дебати и состаноци. На Cheese 2015 ќе се даде посебно значење како да се дојде до согласност на европските хигиенски регулативи а притоа да не се загрози локалното знаење и традиција. Справувањата со прашањата за флексибилност и хигиенски мерки е важна тема каде производителите секојдневно се соочуваат со тешкотии кои се поврзани со строгите хигиенски правила.Во Турција и Македонија постои тенденција да дојде до спроведување на регулативите од страна на владите без соодветно разбирање на самите регулативи при што малите производители ги жртвуваат своите производи. Како дел од програмата Еразмус + координиран од Универзитетот во Ардахан, кој имаат за цел да го зачуваат занаетчискиот начин на производство, сугерирајќи флексибилни примени на прописите за хигиена, земајќи ги во предвид традиционалните техники и докажувајќи дека производите од сирово млеко за една нација се безбедни за потрошувачите. Овие точки ќе се стават на дискусија на конференцијата на 21 септември на која ќе се вмешаат Шпанија, Турција и Македонија. Еден дел од конференцијата ќе биде посветен на сирењата од Мавровско-Реканскиот регион (галичкиот кашкавал и бело дебарско сирење) кои воедно се и прв президиум на Слоу Фуд во Македонија. Покрај друго, преку дегустација својата улога ќе ја добие и биеното сирење кое ќе не претставува со својата автентичност од Македонија.Слоу Фуд во свој стил, како и сите настани така и на Cheese ги обединува задоволството со добра храна, подигање на свеста и одговорноста во нејзиното рационално користење како и заштита на животните. На ова издание на Cheese во фокусот ќе биде Шпанија со зачудувачки број на сирења достапни за дегустација, покажувајќи им на посетителите дека има и повеќе од сирењето Манчего. Со повеќе од 200 видови на сирења, Шпанија ќе биде почестен гостин на Cheese 2015./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Опасен отпад детектиран во близина на скопското село Орман
При редовна обиколка од страна на Државниот инспекторат за животна средина на територијата на Општина Ѓорче Петров, на 10 октомври лоцирано е одлагање на згура од преработка на акумулаторски батерии на во близина на селото Орман. Станува збор за опасен отпад во количина од околу 500 до 600 тони.
„Според затекнатата состојба на теренот, а според Листата на видови на отпад (Сл.Весник на РМ бр.100/2005) се работи за отпад со шифра 10 04 – Отпад од пирометалургија на олово,10 04 01*- троски од примарно и секундарно производство, која според класификацијата спаѓа во класата на опасен отпад“, информираат од Државниот инспекторат.
Сопствениците на катастарската парцела на која се наоѓа отпадот со решение од Државниот инспекторат се задолжени да извршат неговата дислокација во рок од 30 дена од издавање на решението.
Граѓаните на социјалните мрежи бараат одговорност и одговор од каде доаѓа отпадот и кој е виновникот за неговото одложување токму на оваа локација која е во непосредна близина на реката Лепенец и населените места Волково и Орман.
Македонија
ЦУК: Активни два пожари, вчера регистрирани 26 пожари
Активни се два пожари од вкупно 26 на отворен простор што се регистрирани вчера во државава, информира утрово Центрот за управување со кризи (ЦУК).
-Активни се пожарите во Општина Македонски Брод, село Белица под Солунска Глава, каде што гори ретка борова шума, сува трева и грмушки и во Општина Чашка кај село Крива Круша, каде што гори сува трева и папрат, се наведува во соопштението.
Изгаснатите 24 пожари од вкупно 26 во последното деноноќие биле во:
– Општина Гази Баба, кај клучка кај Арачиново (каде што горела трска);
– Општина Аеродром. покрј ул.„Ѓорѓи Капчев“ (отпадоци);
– Општина Бутел, кај населбара „Кучевишка Бара“ (сува трева);
– Општина Илинден, кај с.Бунарџик (сува трева);
– Општина Новаци, кај с.Бач (сува трева);
– Општина Прилеп, 5 пожари, кај Индустриско училиште (сува трева), с.Селце (сува трева), с.Големо Коњари (сува трева), с.Новоселани (сува трева) и кај Прилепско Езеро (сува трева, грмушки и шума); – Општина Долнени, помеѓу селата Рилево и Сливје (сува трева);
– Општина Кривогаштани, 3 пожари, кај с.Локвени (сува трева), помеѓу Кривогаштани и Врбјни (сува трева) и помеѓу с.Кривогаштани и с.Светомитрани (сува трева);
– Општина Гевгелија, кај с.Ѓавато (сува трева); – Општина Велес, с.Иванковци (сува трева);
– Општина Чашка, с.Стари Град (сува трева и трње);
– Општина Штип, помеѓу конфекција Албатрос и Штипска млекара (сува трева и грмушки);
– Општина Куманово, 2 пожара, с.Карабичани (сува трева) и с.Романовце (стрниште);
– Општина Старо Нагоричане, 2 пожара,: с.Кокино (сува трева и борови гранки); с.Никуљане (стрниште);
– Општина Крива Паланка, с.Луке (букова шума и сува трева) и во – Општина Кратово: с.Татомир (каде што горела сува трева).
Македонија
ЦУК: Во последното деноноќие имало 10 пожари на отворено
Во текот на вчерашниот ден, според извештаите во Секторот за операции и координација во Центарот за управување со кризи (ЦУК), во државата во последното деноноќие имало регистрирано вкупно 10 пожара на отворено, до утрово како активен се уште се води само еден.
– Активен се води се уште пожарот што изби од 13:00 часот помеѓу селата Римница и Бибај, во месноста „Рибничка Планина“ во Општина Маврово – Ростуше, со којшто се зафатени високи пасишта, смреки, папрат, поедини стебла од бука, ела и шума.Заради напристпаноста за возилапожарникарите од ТППЕ Гостивар не интервенирале. Во можност биле само од Националниот парк „Маврово“ да интервенираат со 5 вработени. Пожарот е локализиран, но се уште има чад во внатрешноста. Лицата кои интервенирале се повлекле од терен во после 18:40 часот. Во утринските часови повторно екипите од националниот парк е планирано да извидат и да интервенираат на истиот тешкопристапен терен – информираат од ЦУК.
Изгаснати биле девет пожари на отворено, во:
– Општина Новаци, два пожара, во период од 14:00 до 14:40 часот, со едно ПП возило и три пожарникари интервенирале на запалена ниска вегетација во атарот на селата Лознани и Тополчани и од 15:15 до 18:55 часот, со едно ПП возило и три пожарникари интервенирале на запалена слама во с.Далбеговци;
– Општина Могила, во период од 22:30 до 00:10 часот, со едно ПП возило и два пожарникара интервенирале на запалена ниска вегетација и стрниште во с.Ношпал;
– Општина Прилеп, два пожара, од 14:35 до 15:15 часот, со четири пожарникари и две ПП возила интервенрале на запалена ниска вегетација на патот кон с.Селце и во период од 15:15 до 16:15 часот, со едно ПП возило и три пожарникари интервенирале на запалена ниска вегетација во атарот на с.Ерековци;
– Општина Тетово, два пожара, 16:47 до 17:15 часот, со три пожарникари и едно ПП возило интервенирале на запалена ниска вегетација во нас.Малеадри и од 13:22 до 14:22 часот, со едно ПП возило и два пожарникара интервенирале на запалена ниска вегетација покарај ул. „Илинденска“;
– Општина Велес, во период од 19:30 до 21:20 часот, со едно ПП возило и три пожарникари интервенирале на запалена ниска вегетација и стрниште на површина од два хектара во атарот на с.Мустафино;
– Општина Дојран, пожарникарите од ТППЕ Гевгелија дека во период од 12:20 до 14:00 часот, со едно ПП возило и три пожарниакри заедно со Доброволно ПП друштво „Дојран“ со едно ПП возило и три пожарникари интервенирале на запалена ниска вегетација на површина од половина хектар во с.Фурка и во
– Општина Гази Баба, пожарникарите од БППЗ на Град Скопје во период 19:15 до 21:00 часот, со едно ПП возило и три пожарникари интервенирале на запалени отпадоци на површина од половина хектар во с.Страчинци.