Региони
Над 30.000 лица се очекува да го проследат фрлањето на крстот во Охридското езеро
Богата културно уметничка програма и бројни активности ќе го одбележат годинешното петдневно одбележување на празникот Богојавление Водици, кое се очекува да го проследат над 30.000 охриѓани и гости од земјата и странство.
Како што јави во петокот Ohridnews, sе очекуваат гости од Србија, Бугарија, Албанија, Грција и цела Македонија.
Програмата ќе започне на 16 јануари, петок, во 19 часот со настап на голем број културно- уметнички друштва од градот. Следниот ден, на 18- ти јануари на градскиот плоштад со почеток во 20 часот концерт ќе одржи Каролина Гочева.
Во недела, 18- ти јануари, согласно традицијата и строгиот пост нема да има музички манифестации, ќе се одржат неколку настани меѓу кои- доделувањето на Светската награда за хуманизам која годинава ќе му биде доделена на претседателот на меѓународниот пен центар, Џон Ралстон Соул, во 19 часот во Куќата на Уранија. Претходно, на плоштадот ќе цртаат младите уметници од ликовната колонија Битолски Монмартр, а во 20 часот ќе биде прикажан документарен филм „ Водици во Охрид“, информира на денешната прес конференција градоначалникот Никола Бакрачески.
На 19 јануари, утрото во 7 часот во сите парохиски цркви ќе се одржат свети литургии, а во 9 часот, пред чинот на осветување на езерските води, на централниот плоштад ќе настапат градски хорови, при што традиционално ќе се делат топла ракија, плашици и пача . Осветувањето на водите и фрлање на светиот крст ќе биде во 10 часот, а од 11 часот присутните ќе слушаат староградски рефрени изведени од ансамблот Билјана Јуниор.
Целта е специфичноста на одбележувањето на овој празник ја видат што повеќе гости и сметам дека успеавме и Охрид на Водици станува центар на православието на Балканот. Од година во година бројот на гостите е поголем . Нашите сознанија се дека Охрид ќе биде полн во текот на петте дена. Ќе направиме се со цел сите да видат дека Охрид е навистина свет град, рече Митко Пендов од здружението Богојавление кое по 14 пат е дел од организацијата на одбележувањата по повод празникот.
Истиот ден, на 19- ти јануари во 14 часот ќе се изврши и масовно покрстување на Сараиште. На 20 јануари, во 14 часот предвидено е капењето на рибарите и фрлањето на бурињата со вино, на што ќе претходи и настапот на староградските тајфи, а на малиот плоштад традиционално ќе се дели рибна чорба во чија подготовка годинава освен учениците и наставниот кадар од средното угостителско училиште, се придружува и хотел- ресторанот Тино.
Во 17 охридски хотели деновите околу Водици сместувањето ќе чини од 10 до 25 евра, а попуст од 30% за услугите најавиле голем број охридкси ресторани. /крај/он/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Опасен отпад детектиран во близина на скопското село Орман
При редовна обиколка од страна на Државниот инспекторат за животна средина на територијата на Општина Ѓорче Петров, на 10 октомври лоцирано е одлагање на згура од преработка на акумулаторски батерии на во близина на селото Орман. Станува збор за опасен отпад во количина од околу 500 до 600 тони.
„Според затекнатата состојба на теренот, а според Листата на видови на отпад (Сл.Весник на РМ бр.100/2005) се работи за отпад со шифра 10 04 – Отпад од пирометалургија на олово,10 04 01*- троски од примарно и секундарно производство, која според класификацијата спаѓа во класата на опасен отпад“, информираат од Државниот инспекторат.
Сопствениците на катастарската парцела на која се наоѓа отпадот со решение од Државниот инспекторат се задолжени да извршат неговата дислокација во рок од 30 дена од издавање на решението.
Граѓаните на социјалните мрежи бараат одговорност и одговор од каде доаѓа отпадот и кој е виновникот за неговото одложување токму на оваа локација која е во непосредна близина на реката Лепенец и населените места Волково и Орман.
Македонија
ЦУК: Активни два пожари, вчера регистрирани 26 пожари
Активни се два пожари од вкупно 26 на отворен простор што се регистрирани вчера во државава, информира утрово Центрот за управување со кризи (ЦУК).
-Активни се пожарите во Општина Македонски Брод, село Белица под Солунска Глава, каде што гори ретка борова шума, сува трева и грмушки и во Општина Чашка кај село Крива Круша, каде што гори сува трева и папрат, се наведува во соопштението.
Изгаснатите 24 пожари од вкупно 26 во последното деноноќие биле во:
– Општина Гази Баба, кај клучка кај Арачиново (каде што горела трска);
– Општина Аеродром. покрј ул.„Ѓорѓи Капчев“ (отпадоци);
– Општина Бутел, кај населбара „Кучевишка Бара“ (сува трева);
– Општина Илинден, кај с.Бунарџик (сува трева);
– Општина Новаци, кај с.Бач (сува трева);
– Општина Прилеп, 5 пожари, кај Индустриско училиште (сува трева), с.Селце (сува трева), с.Големо Коњари (сува трева), с.Новоселани (сува трева) и кај Прилепско Езеро (сува трева, грмушки и шума); – Општина Долнени, помеѓу селата Рилево и Сливје (сува трева);
– Општина Кривогаштани, 3 пожари, кај с.Локвени (сува трева), помеѓу Кривогаштани и Врбјни (сува трева) и помеѓу с.Кривогаштани и с.Светомитрани (сува трева);
– Општина Гевгелија, кај с.Ѓавато (сува трева); – Општина Велес, с.Иванковци (сува трева);
– Општина Чашка, с.Стари Град (сува трева и трње);
– Општина Штип, помеѓу конфекција Албатрос и Штипска млекара (сува трева и грмушки);
– Општина Куманово, 2 пожара, с.Карабичани (сува трева) и с.Романовце (стрниште);
– Општина Старо Нагоричане, 2 пожара,: с.Кокино (сува трева и борови гранки); с.Никуљане (стрниште);
– Општина Крива Паланка, с.Луке (букова шума и сува трева) и во – Општина Кратово: с.Татомир (каде што горела сува трева).
Македонија
ЦУК: Во последното деноноќие имало 10 пожари на отворено
Во текот на вчерашниот ден, според извештаите во Секторот за операции и координација во Центарот за управување со кризи (ЦУК), во државата во последното деноноќие имало регистрирано вкупно 10 пожара на отворено, до утрово како активен се уште се води само еден.
– Активен се води се уште пожарот што изби од 13:00 часот помеѓу селата Римница и Бибај, во месноста „Рибничка Планина“ во Општина Маврово – Ростуше, со којшто се зафатени високи пасишта, смреки, папрат, поедини стебла од бука, ела и шума.Заради напристпаноста за возилапожарникарите од ТППЕ Гостивар не интервенирале. Во можност биле само од Националниот парк „Маврово“ да интервенираат со 5 вработени. Пожарот е локализиран, но се уште има чад во внатрешноста. Лицата кои интервенирале се повлекле од терен во после 18:40 часот. Во утринските часови повторно екипите од националниот парк е планирано да извидат и да интервенираат на истиот тешкопристапен терен – информираат од ЦУК.
Изгаснати биле девет пожари на отворено, во:
– Општина Новаци, два пожара, во период од 14:00 до 14:40 часот, со едно ПП возило и три пожарникари интервенирале на запалена ниска вегетација во атарот на селата Лознани и Тополчани и од 15:15 до 18:55 часот, со едно ПП возило и три пожарникари интервенирале на запалена слама во с.Далбеговци;
– Општина Могила, во период од 22:30 до 00:10 часот, со едно ПП возило и два пожарникара интервенирале на запалена ниска вегетација и стрниште во с.Ношпал;
– Општина Прилеп, два пожара, од 14:35 до 15:15 часот, со четири пожарникари и две ПП возила интервенрале на запалена ниска вегетација на патот кон с.Селце и во период од 15:15 до 16:15 часот, со едно ПП возило и три пожарникари интервенирале на запалена ниска вегетација во атарот на с.Ерековци;
– Општина Тетово, два пожара, 16:47 до 17:15 часот, со три пожарникари и едно ПП возило интервенирале на запалена ниска вегетација во нас.Малеадри и од 13:22 до 14:22 часот, со едно ПП возило и два пожарникара интервенирале на запалена ниска вегетација покарај ул. „Илинденска“;
– Општина Велес, во период од 19:30 до 21:20 часот, со едно ПП возило и три пожарникари интервенирале на запалена ниска вегетација и стрниште на површина од два хектара во атарот на с.Мустафино;
– Општина Дојран, пожарникарите од ТППЕ Гевгелија дека во период од 12:20 до 14:00 часот, со едно ПП возило и три пожарниакри заедно со Доброволно ПП друштво „Дојран“ со едно ПП возило и три пожарникари интервенирале на запалена ниска вегетација на површина од половина хектар во с.Фурка и во
– Општина Гази Баба, пожарникарите од БППЗ на Град Скопје во период 19:15 до 21:00 часот, со едно ПП возило и три пожарникари интервенирале на запалени отпадоци на површина од половина хектар во с.Страчинци.