Македонија
Рим: Македонскиот државен врв горд по канонизацијата во света на Мајка Тереза
Граѓаните на Македонија треба да се горди што имаат сограѓанка која стана светица, и идните генерации треба да земат пример од делата на Мајка Тереза, оценува во изјавите за медиумите државниот врв и другите членови на македонската државно–црковна делегација кои во неделата присуствуваа на прогласувањето за света на оваа добитничка на Нобеловата награда за мир родена во Скопје.
Во состав на бројната македонската делегација, покрај претседателот Ѓорге Иванов, беа и премиерот Емил Димитриев, министрите за надворешни работи и за култура, Никола Попоски и Елизабета Канческа Милевска, лидерите на ВМРО-ДПМНЕ и СДСМ, Никола Груевски и Зоран Заев, претставници на Католичката црква во Република Македонија и на Македонската православна црква – Охридска архиепископија, како и претставник на фамилијата на Мајка Тереза.
„Ние треба да сме горди затоа што имаме сограѓанка светица. Треба да сме горди за нејзиното дело, на сето тоа што го направила. Ние кои живеееме на истиот простор истото да го направиме, да ја продолжиме таа енергија што ја имала целиот свој живот, со истиот интензитет и намера да се шири добрина, помош и утеха“, порача шефот на државата Иванов од Ватикан.
Претседателот Иванов истакна дека тоа треба да го прават и сите наши соседи бидејќи на Балканот, како што рече, се потребни повеќе лица кои знаат тоа да го почитуваат, но и да го продолжуваат затоа што сета тајна, како што рече, е во давањето помош на тој што има потреба.
„Веројатно Мајка Тереза би била среќна да го славиме нејзиното дело, милосрдието и помошта, затоа што секој што сака да ѝ оддаде почит треба да дава на тие што имаат потреба, да им понуди надеж и милосрдие на безнадежните“, рече Иванов и додаде дека нејзината мисија, сето тоа што го научила во своето детство, во својот живот во Скопје, како микрокосмос на различни религии и идентитети, го спроведувала и промовирала насекаде.
Иванов оцени дека ова е историски ден, со историски настан, канонизација на Мајка Тереза за светица, на кој присуствуваше македонската државно–црковна делегација заедно со другите делегации. Како што рече „Ова е ден кога целиот свет слави, на плоштадот беа присутни луѓе од сите континенти, сите луѓе кои го продолжуваат делото на Мајка Тереза“.
Иванов за медиумите рече дека македонската делегација, која имаше почесно место на церемонијата имала куса средба со поглаварот на Римокатоличката црква, папата Франциск, кој потврдил дека ќе ја посети Македонија, иформираа од неговиот кабинет .
„Канонизацијата на Мајка Тереза е голем настан за Република Македонија и за македонскиот народ. Денеска добивме уште еден светец по потекло од Македонија, што самото посебе ја покажува големината на настанот“, рече премиерот Емил Димитриев. Според него, присуството во Ватикан на македонската делегација е одраз на почит на нејзината големина. Премеирот потврди дека делегацијата имала куса средба со папата Франциск која е искористена уште еднаш да ја реафирмираат поканата за негова посета на Македонија, пренесе МИА .
„Во овие моменти на, условно кажано, политичка криза која Македонија ја држи подолг период убава беше приликата да се сетиме на делата на Мајка Тереза и за можноста тие вредности да ги споделиме во овие моменти кога имаме силна политичка битка меѓу политичките партии дека сепак хуманоста, добродетелта, почитувањето едни со други, вредности што ги промовираше Мајка Тереза, апсолутно би ни помогнале во надминување на оваа политичка криза, бидејќи нејзината помош не беше условена ниту од вера, ниту од боја на кожата, ниту од раса“, проача Димитриев и додаде дека нејзината космополитска димензија беше круна на сето она што таа го има направено за човештвото и дека ќе биде поука за идните генерации да земат пример од делата што ги правеше Мајка Тереза.
Челникот на владејачаката партија ВМРО-ДПМНЕ, до неодамнешен премиер Никола Груевски, пак, поведе иницијатива за востановување одликување „Oрден за заслуги Мајка Тереза“, во чест на нејзиното животно дело.
„Овој ден е историски, неповторлив и беше исклучителен настан. Ми беше огромно задоволство што бев тука во Ватикан на овој значаен чин. Иницијативата која ја покренав денеска е резултат на неколкумесечни размислувања и разговори со еден почесен конзул. Јас сум голем почитувач на делото на Мајка Тереза и конзулот исто така. Имавме долги разговори на оваа тема вклучувајќи ја темата за ордените. Поразговарав и со други луѓе да ја тестирам идејата и се одлучив денеска пред да се прогласи за светица да ја објавам и да дадам одредени објаснувања како тоа го замислувам. Таа идеја може да се надгради и прошири. Мајка Тереза е планетарна личност. Таа е од Скопје, но припаѓа на целиот свет. Како премиер сум патувал во многу држави и сум се уверил дека секаде знаат за неа и за нејзиното дело, нејзините активности, животот и нејзината жртва. Кога бев во Хонгконг гувернерот кој ме прими на разговор, во себе носеше календар со Мајка Тереза. Кога бев во Катар, министерот за енергетика на Катар ми зборуваше за Мајка Тереза“, рече Груевски за телевизијата НОВА.
„Идејата за воспоставување на врачување на орден ќе биде добра за секого. Ќе биде добра за дополнителна афирмација на животот и делото, жртвата и филозофијата на живеење на Мајка Тереза. Ќе биде афирмација и за Република Македонија. Ќе биде момент кога Македонија ќе се спомне ќе се поврзе со личност која во светот има големи заслуги. Мојата иницијатива е тоа да биде за жена за високи достигнувања во различни области. Ордените обично во светот ги собираат мажите и добро е да има еден орден за жена. Мислам дека ќе биде голема чест за секој кој ќе ја заслужи и прими оваа награда“, појасни Груевски./крај/мф/
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таравари од централниот митинг во Струга: Зголемување на минималната плата до 800 евра за борба против имиграцијата
Кандидатот за претседател од редовите на ВЛЕН, Арбен Таравари, ја изрази својата заложба за борба против имиграцијата преку зголемување на минималната плата во нашата земја. Во рамките на идната влада се планира зголемување на платите и до 800 евра, со што ќе се создадат нови можности младите мажи и жени да останат и да придонесат за развојот на државата.
Преку грантови за технологија и иновации, Таравари рече дека владата има за цел да ги поддржи нивните креативни идеи, фокусирајќи се на развојот на земјата како атрактивна алтернатива за младите.
„Иселувањето кај нас е над секоја норма, бројките се алармантни. Не можеме да останеме рамнодушни на оваа ситуација. Така како следна влада на ВЛЕН ќе донесеме одлука за покачување на платите. Ќе се заложиме минималната плата до крајот на нашиот прв владејачки мандат да биде 800 евра. Преку грантови за технологија и иновации, ќе ги поддржиме младите мажи и жени со нивните креативни идеи, кои првенствено служат за нашиот развој како држава. Ова ќе биде дополнителна причина да ја гледаат иднината овде со нас, недалеку од нивните домови, недалеку од нивниот роден град“, рече Арбен Таравари на централниот митинг во Струга.
Македонија
(Видео) Силјановска -Давкова: На 9 мај ќе го славиме Денот на победата над фашизмот и Денот на Европа, но ќе славиме и за Македонија
„На 9-ти мај ќе го прославуваме Денот на победата над фашизмот и Денот на Европа! На 9-ти мај, ќе ја славиме Македонија како твоја и Македонија како горда! Ви ветуваме дека ќе докажеме дека нема да ве срамиме, дека нема да ги заборавиме државните и нациолнални интереси, кои тие не само што ги заборавија, туку и ги погазија! Молам за доверба!“, рече Горданa Силјановска -Давкова, кандидат за претседател на Македонија.
„Верувајте ми, има моменти во историјата! А таков е овој, кога мора да сме заедно! Кога како никогаш досега, потребна ни е вашата поддршка! Без вас не може да направиме единство! Без вас Македонија не може да биде ниту твоја, ниту горда! Без вас не може да дојдеме до победа! Вие го имате првиот и последниот збор! Ви веруваме!
Денес е Денот на светското културно наследство. Охрид е незаменлив и ценет, драгоцен дел од него. Охрид е споменик и дом на европското христијанство! Да го чуваме! Не заборавајте: Без Охрид, Македонија нема да биде почитувана!
Час поскоро, активирајте го универизтетот на Плаошник! Оваа власт не знае што е култура, за неа културата е бизнис. Ако започна изградбата во времето на ВМРО-ДПМНЕ, мора да доврши.
Во насока на јакнење на културниот туризам ќе покренам организирање на меѓународен форум – Плаошник форум, на кој ќе се дискутира соработката на цивилизациите, религиите и културите. Сето ова во соработка со УНЕСКО и Министерството за култура! Упатувам порака дека: Плаошник може да биде центар на дијалог на цивилизациите! Дијалог на религиите! Центар на културен дијалог! Затоа сум горда на него!“, додаде Горданa Силјановска -Давкова.
Македонија
Мицкоски: Повикувам на обезбедување на македонско национално единство, обзнанувам мораториум и запирање на сите напади кон партиите Левица и ЗНАМ
Нашето име е ВМРО-ДПМНЕ, ВМРО – демократска партија за македонско национално единство. Тоа е многу силно име, кое не само заради историското ВМРО и континуитетот на кој се повикуваме како идеја и организација која ја славиме и која е нераскинлив дел од македонското национално движење и можеби најзначајна за македонскиот национален идентитет, туку истовремено и поради обврската и одговорноста која и вториот дел од името ја носи со себе, рече претседателот на ВМРО-ДПМНЕ, Христијан Мицкоски од големиот народен митинг во Охрид, од каде што традиционално ВМРО-ДПМНЕ ја почнува кампањата за парламентарните избори.
Мицкоски посочи дека долго време таа обврска и одговорност како да се одбегнуваше, а понекогаш и се занемаруваше и никогаш како сега не било важно како сега да се случи обединување, да се обезбеди национално единство.
„Мојата прва иницијатива за обезбедување на македонско национално единство ќе ја започнам со тоа што сакам да обзнанам мораториум во нападите кон партиите Левица и ЗНАМ. Ова го чувствувам како потреба на македонскиот народ но, и како моја обврска да се обидам да ја реализирам идејата за национално единство во моменти кога таа и е најпотребна на Македонија“, рече Мицкоски.
Додаде дека со Левица и ЗНАМ, ВМРО-ДПМНЕ има свои разлики по повеќе прашања и од идеолошка но и од принципиелна природа, но смета дека во моментов, најважно за Македонија е да се фокусираат на оние кои што ја киднапираа државата од граѓаните.
„Но, ценам дека во моментов најклучно за иднината на земјата е да се фокусираме на оние кои ја киднапираа Македонија од рацете на граѓаните. Разидувањата сигурно ќе продолжат, но мора да наоѓаме заеднички јазик без разлика на лични и партиски суети и интереси. Од нив не очекувам да го направат истото. Дури можеби и ќе ме нападнат за овој гест, можеби некои оправдано ќе кажат дека задоцнет, но и покрај тоа, како и да се однесуваат споменатите партии, ние како партија ќе опстоиме на нашиот збор“, порача Мицкоски.