Сервисни информации
Првпат македонски натпреварувач на Олипмијадата на боречките вештини
Најдобрата спортистка во Македонија за изминатата година, каратистката Наташа Илиевска ќе учествува на престижниот Фестивал на боречките вештини, кој во сабота ќе започне во Пекинг
Олимписките игри на боречките вештини се одржуваат на секои четири години, на распоредот има вкупно 13 дисциплини: Карате, Вушу, Кик-бокс, Бокс, Борење, Аикидо, Џудо, Џиу-џицу, Кендо, Мутаи, Самбо, Сумо и Таеквондо. Наташа Иливеска ќе биде првиот спортист од Македонија која ќе учествува на Олимпијадата за боречки вештини. Илиевска поканата за учество ја доби како втора на светската карате листа, според бројот на освоени поени во изминативе две години. Наташа Илиевска во сабота ќе пристигне во Пекинг, каде по четиридневна аклиматизација ќе ја има првата борба. Илиевска е актуелна европска вицешампионка и европска универзитетска првенка во карате
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно со сончеви периоди
Времето денеска ќе биде променливо облачно со сончеви периоди. Ќе дува засилен, повремено силен ветер (над 60 km/h) од југоисточен правец, особено долж Повардарието. Кон крајот на денот и во текот на ноќта ќе има врнежи од дожд, кои наместа ќе бидат поројни и проследени со ретки грмежи. Минималната температура ќе биде во интервал од 3 до 8, а максималната ќе достигне од 15 до 20 степени.
Во Скопје ќе биде променливо облачно со сончеви периоди. Ќе дува умерен до засилен ветер од југоисточен правец. Минималната температура ќе се спушти до 6, а максималната ќе достигне 18 степени.
Во четврток претпладне ќе има врнежи од дожд, наместа поројни и проследени со ретки грмежи. Ќе дува засилен, повремено силен ветер од југозападен правец (над 60 km/h).
Во текот на денот облачноста ќе се намали и потоа следува период на сончево и топло време со пораст на температурата.
Македонија
134 санкционирани возачи во Скопје
Секторот за внатрешни работи Скопје во текот на вчерашниот ден (23.03.2024) продолжи со контролите во областа на сообраќајот.
На територија на град Скопје изречени се вкупно 134 мерки, меѓу кои за возење повеќе од дозволената брзина 43 санкции, 13 мерки за возење без возачка дозвола, седум санкции за возење под дејство на алкохол, 11 мерки за некористење сигурносен појас…
Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.
Македонија
Утре без струја населба и село Радишани
Од ЕВН Македонија АД информираат дека на ден 25.03.2024 година (понеделник) без електрична енергија ќе останат: во периодот од 09.10 до 14.30 часот, корисниците од населба Радишани и село Радишани (општина Бутел).