Македонија
Шилегов очекува Протугер и Ставрески да сведочат пред Анкетната во четврток
Откако на неколку минути пред почетокот на седницата на Анкетната комисија за прислушуваните разговори, од владејачката ВМРО-ДПМНЕ сооштија дека премиерот Никола Груевски нема да дојде поради службен пат во Израел, иако требаше да сведочи, претседателот на комисијата Петре Шилегов најави дека за утре очекува да се појават планираните сведоци Мартин Протугер и Зоран Ставрески.
Министерот за финансии и вицепремиер Ставрески, пак, најавил дека не може да дојде утре, туку побарал да сведочи на 17-ти декември, што за Шилегов не е прифатливо затоа што ги пробивало зададените рокови за сослушување на првите шестмина сведоци предложени по тројца од ВМРО-ДПМНЕ и од СДСМ, чие сослушување требаше да заврши на 15-ти декември.„Во текот на денешниот ден Анкетната комисија за скандалот со незаконски прислушкуваните разговори не супеа да усвои дневен ред со цел да биде одржана седница на Анкетната комисија . Напоменувам дека оваа седница беше најавена уште на 3-ти декември со завршувањето на втората комисија и на денешниот дневен ред требаше да бидат сослушани предложените од листите на ВМРО-ДПМНЕ и СДСМ“, рече Шилегов. Тој констатира и дека премиерот Никола Груевски не се обратил писмено до Анкетната комисија иако тоа требало да го направи до 7-ми декември, а министерот Зоран Ставрески се обратил денеска, давајќи термин надвор од термините коишто беа посочени во писменото барање и јавното усно барање до Анкетната комисија. Антонио Милошоски, од ВМРО-ДПМНЕ тврдеше дека двајца функционери досега доставиле известување дека нема да можат да присуствуваат, а повика Комисијата да ги има предвид обврските на предложените сведоци од кои едниот денеска е на службен пат.Членот на Комисијата од ВМРО-ДПМНЕ Павле Саздов рече дека сведоците и да биле во можност да дојдат, немало услови да започне седницата, бидејќи не се исполнети сите деловнички услови.„И да беше тука премиерот, ние денеска немаше да можеме да ја започнеме седницата. Не се исполнети деловничките услови за водење на оваа Комисија дека сите членовите поканети од ВМРО-ДПМНЕ ќе даваат изјави на затворена седница, вие како претседател ги немате преземено сите мерки тоа да го овозможите. Секретарот на Комисијата, вашиот советник, членови на оваа Комисија, вклучително и техничкиот персонал немаат безбедносен сертификат, согласно тоа барам оваа точка да ја ставите на дневен ред“, рече Саздов.Според членовите на ВМРО-ДПМНЕ, прво треба да се побараат безбедносни сертификати на сите членови на Комисија и техничките служби, да се побара и Извештај од УБК за скандалот врз основа на која би се испрашувале сведоците, а до петок, предложи пратеничката Владанка Авировиќ, да се утврдат овие прашања и термините за посета во институциите, со цел поефикасно работење на Комисијата. „Барањето на ВМРО ДПМНЕ денеска да се стават точки на дневен ред е надвор од планот и програмата бидејќи планот и програмата на Анкетната комисија предвидуваат одржување на посебни седници на државните институции поврзани со скандалот со прислушувањето и беше во фунцкија да се обели валканиот образ на Никола Груевски за неговото непојавување на сослушување пред Анкетната комисија“, рече Шилегов.Анкетната комисија без оглед на поведението на ВМРО ДПМНЕ ќе продолжи со своите секојдневни активности, а за утре е свикана нова седница, каде на дневен ред ќе биде сослушување на сведоците Мартин Протугер, како првопосочен од листата на СДСМ, со оглед на тоа што Груевски денеска не се појави пред Анкетната комисија и Зоран Ставрески како второпредложен од страна на ВМРО ДПМНЕ. „СДСМ стои на располагање на ВМРО ДПМНЕ на посебна седница да се разгледуваат нивните барања и да се формираат посебни работни групи со цел да се посетат овие институции којшто денеска беше побарано“, рече Шилегов.Според него, тоа што ВМРО ДПМНЕ одбрала во Анкетната комисија да стави лица коишто се директно инволвирани во прислушуваните разговори и имаат конфликт на интереси, доведува до тоа тие да немаат ниту личен, ниту политички интерес Анкетната комисија да разговара и за нивните прислушувани разговори.„Како претседател на комисијата тврдам дека можеме да ги исполниме сите закоски предвидени услови за затворање на седницата и работење на седниците иако напоменувам не постои договор за затворање на седниците. Желба е на ВМРО ДПМНЕ да се затворат седниците кога ќе сведочат нивните високи фунцкионери, СДСМ со таквата желба не се согласува и ќе сториме се што е во рамките на нашата законска и деловничка меѓутоа и политичка моќ да избегнеме затворено сведочење на Никола Груевски и врхушката околу него“, додаде Шилегов.Инаку, ВМРО-ДПМНЕ предложи поинаков дневен ред во кој бараше формирање работна група која ќе ја посети УБК, барање до МВР да отвори внатрешна истрага за прислушувањето и обезбедување безбедносни сертификати за сите членови на комисијата и за техничкиот персонал. Но и овој предлог не доби мнозинство од најмалку 9 гласа, бидејќи СДСМ и ДУИ беа против, а ДПА и независната пратеничка, воздржани./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДПМНЕ сака да не врати назад во времето на Хунзите и Скопје 2014, велат од СДСМ
Ништо не е променето во ДПМНЕ, оценуваат од владејачката СДСМ.
„На митинзите на ДПМНЕ и Силјановска е истата кореографија од времето кога се носеа Хунзи и кога им се правеше пречек на скопскиот аеродром, а граѓаните Македонци се претставуваа како нивни големи наследници.
Тоа е истото време на грабежот од Скопје 2014 и историскиот инженеринг на ДПМНЕ“, додаваат од СДСМ.
Според нив, ДПМНЕ е истата режимска партија.
Со ДПМНЕ, како што велат, е можно само враќање назад во изолација и режим, во темното минато на недемократските процеси и далеку од ЕУ.
Македонија
Мицкоски: Преземам иницијатива за создавање на национално единство, и запирање на сите напади кон Левица и ЗНАМ, државата е одземена од народот
„ВМРО-ДПМНЕ – ВМРО Демократска партија за македонско национално единство, тоа е многу силно име, кое не само заради историското ВМРО и континуитетот на кој се повикуваме како идеја и организација која ја славиме и која е нераскинлив дел од македонското национално движење и можеби најзначајна за македонскиот национален идентитет, туку истовремено и поради обврската и одговорноста која и вториот дел од името ја носи со себе. Долго време таа обврска и одговорност како да се одбегнуваше, некогаш занемаруваше, некогаш впрочем и попусти беа обидите да се оствари, но обиди иако неуспешни имало“, кажа претседателот на ВМРО-ДПМНЕ, Христијан Мицкоски на вчерашниот митинг во Охрид.
Тој нотираше дека сака да успее во тоа, да создаде македонско национално единство.
„Мојата прва иницијатива за обезбедување на македонско национално единство ќе ја започнам со тоа што сакам да обзнанам мораториум и запирање на сите напади кон партите Левица и ЗНАМ. Ова го чувствувам како потреба на македонскиот народ, но и како моја обврска да пробам да ја реализирам идејата за национално единство во моменти кога тоа и е најпотребно на државата, во моменти кога државата е одземена од народот и во рацете на неколкумина корумпирани политичари од ДУИ со неколкумина корумпирани политичари од СДСМ кои се седнати во скут кај овие од ДУИ“, рече Мицкоскит.
ПИстакна дека Македонија мора да се обединува по сите основи, за тоа да се случи мора да се почне од некаде, и нема подобар период од тоа, тој процес да започне токму сега.
„Ќе има во иднина моменти кога националното единство ќе е неопходно, исто како што ќе има моменти кога ќе се прејде на едно граѓанско единство без разлика на етничката припадност, затоа што ова, е земја на сите граѓани кои живеат во нејзе и сите ние граѓаните од различни етнички заедници сме нераскинлив дел и столб на оваа држава и на нејзината иднина“, заклучи тој.
Неговата порака е дека нема откажување од граѓаните, нема откажување од единството помеѓу сите, затоа што само така заедно сложни со силата и капацитетот на сите, сме иднината на ова земја, порача Мицкоски.
Македонија
Маричиќ: Оваа Влада ги покачи пензиите за 50 проценти и ветуваме дека во наредниот мандат просечната пензија ќе биде од 500 евра
Меѓународниот секретар на СДСМ и кандидат за пратеник, Бојан Маричиќ, оствари средба со граѓаните пензионери од Изборната единици 1, каде што тој е дел од листата на Социјалдемократскиот сојуз и Коалицијата за европска иднина.
Маричиќ јавно се обврза дека како член на наредната Влада што ќе ја предводи СДСМ ќе продолжи да работи за пензионерите да имаат убав и достоинствен живот.
„Оваа Влада ги покачи пензиите за 50% и ветуваме дека во наредниот мандат ќе биде просечна пензија од 500 евра. Исто така се обврзуваме на зимски регрес од 3000 до 6000 денари за секој пензионер, а најмногу ќе добиваат оние со најниски пензии. Исто така ветуваме енергетски пакет од 1500 денари месечно во текот на грејната сезона за оние пензионери на кои најмногу им треба“, вети Маричиќ.
Тој нагласи дека пензионерите тоа го заслужуваат.
„Без вашата генерација и без влогот кој што го дадовте немаше да имаме држава. Токму затоа сме дожни и обрзани да работиме пензионерите да имаат мирни и спокојни пензионерски денови и мирно да ги гледаат своите деца и внуци како растат. А како растат внуците така нека растат и пензиите“, нагласи Маричиќ на средбата со тетка Верица и пензионерите од Карпош.
Меѓународниот секретар на СДСМ и кандидат за пратеник, Бојан Маричиќ, порача дека тој, СДСМ и Коалицијата за европска иднина „не се откажуваат од подобриот животен стандард за спокоен живот за пензионерите“.