Македонија
Град Скопје бара трпение додека траат градежните работи на улиците и булеварите
Град Скопје продолжува да гради со засилено темпо и ја почна летната градежна офанзива за изградба и реконструкција на градските улици и булевари. Во периодот градежни работи има на 11 локации во градот, во неколку скопски општини, велат од оваа институција.
Потсетуваат дека градежните работи се во тек на: булеварот АСНОМ, од булеварот Гоце Делчев до влезот во Ќерамидница, на должина од 300 метри, на улицата Васко Карангелевски, на потегот од булеварот Јане Сандански до булеварот Трета македонска бригада, на должина од 1.000 метри, и на раскрсницата на улицата Скупи и булеварот 8 Септември, раскрсницата на булеварот 8 Септември и булеварот Никола Карев и раскрсницата на булеварот Никола Карев и булеварот Словенија (капиталниот проект за изградба на два кружни тека, подвозници и надвозници кај Момин Поток).
Се гради, како што велат од Град Скопје, и на булеварот Борис Трајковски, на потегот од Пинтија до Драчево, на должина од 2.000 метри, улицата Лука Геров, на потегот од кружниот тек кај пожарната до улицата Волковска, на должина од 1.800 метри, булеварот Киро Глигоров, од булеварот АСНОМ до булеварот Александар Македонски, на должина од 500 метри, има изградба и пробивање на улицата Есенинова, од булеварот Борис Трајковски до булеварот Трета македонска бригада и на улицата Индира Ганди, втора фаза до обиколницата, на должина од 800 метри.
Во наредните денови, според најавите од оваа институција, треба да почне и реконструкцијата на: булеварот Митрополит Теодосиј Гологанов, на потегот од булеварот Свети Климент Охридски до кружниот тек кај Католичката црква, на должина од 530 метри, улицата Бутелска, на потегот од улицата Александар Урдаревски до обиколницата, на должина од 850 метри, булеварот Кузман Јосифовски – Питу, на потегот од новата железничка станица до булеварот Кочо Рацин, булеварот Крсте Мисирков, на потегот од булеварот Кузман Јосифовски – Питу до булеварот Гоце Делчев, на должина од 650 метри.
Град Скопје со благодарност до граѓаните што имаат разбирање и трпение кое е неопходно за во исто време да се реконструираат толку голем број улици и булевари во разни општини. Екипите што работат на реконструкциите се трудат да ги изведуваат брзо, во рекордно кратки рокови, со внимателно планирање на привремените сообраќајни режими за да се обезбеди оптимална брзина и безбедност за сите учесници во сообраќајот, напоменуваат од таму.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ: Мицкоски и ДПМНЕ немаат план ниту визија, со нив нема членство во ЕУ
„Мицкоски и ДПМНЕ немаат план, ниту визија за иднината, кристално е јасно дека со нив нема членство во ЕУ.
Мицкоски и ДПМНЕ како иднина, на граѓаните им нудат враќање во минатото, во изолација, режим, неизвесност.
Граѓаните сакаат напред, сакаат членство во ЕУ, повисок животен стандард, поголеми плати и пензии, сакаат да живеат во европска Македонија.
Затоа, на изборите ќе го дадат својот глас за европска иднина со СДСМ и Димитар Ковачевски“.
Соопштение на СДСМ
Македонија
ВМРО-ДПМНЕ: Овие избори се последна шанса за Македонија
„СДС ја фрли Македонија во хаос. Институциите се парализирани, апатија и разочараност ги тиштат граѓаните.
Корупцијата е распространета во секоја пора на општеството. Во Македонија со СДС услугите кои треба да ги пружи државата на граѓанинот станаа мисловна именка. Лотариска среќа е ако може некој да извади пасош и лични документи, пациентите не се сигурни каква терапија добиваат, се заработува бескрупулозно на грбот на најранливите, непотизам насекаде, правда никаде, не само младите туку и сѐ повозрасни размислуваат да ја напуштат земјата не гледајќи веќе ниту систем, ниту ред, СДСМ е сведена на измеќар и соучесник во сите скандали, се срамиме од нивните недостоинствени настапи низ светот, иднината и подобриот живот се далечен.
На врвот на листите на корупција, мизерија и немаштија сме. За 7 години колку што се на власт СДС и ДУИ ја презадолжија државата, го урнисаа системот и криминалот го направија столб на своето функционирање.
Ова не е Македонија што народот ја сака и ја заслужува. Овие избори се последна шанса за спас. Шанса во која може да се верува, избор во кој мора сите граѓани да учевствуваат. Македонија е едноставно одземена. Но, промените се можни и се на дофат.
Промените се во твои раце! Македонија повторно ќе биде твоја!“.
Соопштение на ВМРО-ДПМНЕ
Македонија
СДСМ: На овие избори одлучуваме за европска иднина на татковината, нема откажување
На овие избори одлучуваме за европска иднина на татковината. Граѓаните сакаат европски стандарди дома, сакаат развиена држава со подобри услови за живот.
На граѓаните им е доста од делби и поделби, не сакаат враќање назад во изолација и незивесност, сакаат и заслужуваат да живеат во европска Македонија, со европски животен стандард, велат од СДСМ.
„СДСМ и Коалицијата за европска иднина имаат конкретен план, волја и знаење, за исполнување на стратешката цел – членство на ЕУ.
Членство во ЕУ, не заради остварување на европски сон, туку заради европски животен стандард, поголеми плати, пензии, подобро здравство, образование, правда. Само со членство во ЕУ се можно суштински и темелни промени во македонското општество“, се додава во нивното соопштение.
Затоа, како што додаваат не смееме да се откажеме. Оценуваат дека патот до ЕУ е тежок но тој е вистинскиот и дека нема откажување од иднината.