Скопје
Трајановски: Успешно се справивме со првиот снежен бран
Градоначалникот на Град Скопје, Коце Трајановски во четврток го посети пунктот на ЈП „Улици и патишта“ во Кисела Вода, каде е лоциран и пункт на зимската служба на Град Скопје.
Екипите на зимската служба на Град Скопје се на терен и од почетокот на снежните врнежи беа фрлени 165 тони сол на градските булевари и улици.
„Градот Скопје е подготвен за одржување на градските улици и булевари на подрачјето на Скопје, во зимски услови. Екипите се на терен од почетокот на снежните врнежи и со 24 возила се работи на расчистување на булеварите и улиците коишто се во надлежност на Градот. Сметам дека успешно се справивме со првиот бран на врнежите на снегот и сите булевари и улици коишто се во наша надлежност се расчистени и проодни. Покрај коловозот, активно се работи на расчистување на тротоарите и јавните површини, каде на терен работат 116 работници и механизација од ЈП „Комунална хигиена“ и 70 работници од ЈП „Паркови и зеленила“. Дополнително, на терен работат и 70 работници од ЈП „Водовод и канализација“ кои работат на чистење на сливниците“, рече градоначалникот Трајановски.
Градот Скопје им препорачува на возачите да возат внимателно и да се придржуваат на условите на коловозите.
„Апелираме до граѓаните, куќните совети и сопствениците на деловните објекти да се придржуваат до законската обврска за чистење на снегот од приодите до нивните објекти“, порачуваат од град Скопје. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)
Скопје
Санкционирани 229 непрописно паркирани возила на територијата на општина Центар
ЈП Паркинзи на општина Центар и општина Центар во соработка со Сообраќајната полиција-Скопје во текот на една недела санкционираа 229 непрописно паркирани возила кои го попречувале нормалното и безбедно одвивање на сообраќајот.
„Во периодот од 15.04. до 21.04.2024 година, со помош на специјалните возила „Пајак“ на ЈП ПОЦ отстранети се 123 непрописно паркирани возила, а со поставување на механичко средство „Блокатор“ санкционирани се 106 возила кои биле затекнати на резидентни паркиралишта, а не биле корисници-резиденти на секторот во којшто биле паркирани“, велат од ПОЦ.
ЈП ПОЦ и општина Центар секојдневно водат грижа за да го доведат во ред сообраќајниот хаос настанат од непрописно паркираните возила на територијата на Општина Центар. Потсетуваме на почитување на сообраќајните правила од страна на секој учесник во сообраќајот со цел одржување на ред и безбедност на улиците, се додава во соопштението на ПОЦ.