Скопје
Ќе се изработи основен проект за Јужен булевар
По речиси пет години од потпишувањето на договорот за изградба на подземната сообраќајница, Градот Скопје распиша оглас за избор на проектантска куќа што ќе го изработи основниот проект и основниот сообраќаен проект со вклучена ревизија за булеварот „Македонија“ (поранешен Јужен булевар).
Проектната документација за капиталниот зафат се однесува на трасата од кружната крстосница со улиците „Костурски херои“ и „Митрополит Теодосиј Гологанов“ до раскрсницата со улиците „11 Октомври“ и „Борис Трајковски“. Изработката на проектната документација е проценето дека ќе чини 6,2 милиони денари, без вклучен ДДВ. Можноста за доставување на понуди од компаниите е отворена до 15 февруари, за кога е закажано и нивното јавно отворање.
Подземната сообраќајница зад трговскиот центар „Рамстор“ треба да ја гради турската компанија „Лимак“, која во 2012 година го купи земјиштето за изградба на надземен комплекс со површина од околу 300.000 метри квадратни. Како обврска од договорот, турски „Лимак“ е должен да ја изгради трасата под земја во должина од 800 метри. Сообраќајницата ќе започнува со кружен тек кај зградата на поранешна НИП „Нова Македонија“, додека од тунелот ќе се излегува кај Стара рампа каде што е предвиден и вториот кружен тек. Подземната сообраќајница ќе се состои од шест коловозни ленти што треба да го намалат бројот на возила во строгиот центар на Скопје, овозможувајќи ја опцијата за брз транзит во правецот исток-запад./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)
Скопје
Санкционирани 229 непрописно паркирани возила на територијата на општина Центар
ЈП Паркинзи на општина Центар и општина Центар во соработка со Сообраќајната полиција-Скопје во текот на една недела санкционираа 229 непрописно паркирани возила кои го попречувале нормалното и безбедно одвивање на сообраќајот.
„Во периодот од 15.04. до 21.04.2024 година, со помош на специјалните возила „Пајак“ на ЈП ПОЦ отстранети се 123 непрописно паркирани возила, а со поставување на механичко средство „Блокатор“ санкционирани се 106 возила кои биле затекнати на резидентни паркиралишта, а не биле корисници-резиденти на секторот во којшто биле паркирани“, велат од ПОЦ.
ЈП ПОЦ и општина Центар секојдневно водат грижа за да го доведат во ред сообраќајниот хаос настанат од непрописно паркираните возила на територијата на Општина Центар. Потсетуваме на почитување на сообраќајните правила од страна на секој учесник во сообраќајот со цел одржување на ред и безбедност на улиците, се додава во соопштението на ПОЦ.