Градоначалникот на Град Скопје, Орце Ѓорѓиевски извести дека од денеска започнува најмасовната еко-акција на Балканот, Генералка викенд, која годинава ќе мобилизира десетици илјади волонтери од 80 општини, повеќе од 600 организации, јавни институции, приватни компании и над 250 државни институции.

„Особена чест ми е што денес сме заедно со претседателката на Република Македонија, Гордана Сиљановска-Давкова, со госпоѓа Рози Мицкоска, амбасадорот на Австрија Мартин Памер, министерот за животна средина и просторно планирање, Муамер Хоџа, како и заменичката Ане Лашкоска.

Денешниот настан е силна порака. Порака дека чистата животна средина е заедничка одговорност, дека секој од нас има улога во изгледот на својата улица, своето маало, својот град и својата држава.

Освен во Скопје, оваа голема акција се спроведува на 500 локации ширум Македонија. Тоа покажува дека кога постои волја, кога постои организација и кога постои љубов кон татковината, можеме да направиме голема промена.

За нас, како Град Скопје, чистотата на главниот град е еден од најважните приоритети. Скопје е лицето на Македонија. Скопје е дом на стотици илјади граѓани, град во кој секојдневно живееме, работиме, се движиме, ги растеме нашите деца и ги пречекуваме нашите гости“, кажа градоначалникот.

„Додека Општина Аеродром од буџетот издвојува 36 милиони денари, и ги префрла на приватна фирма за „одржување“ на урбана опрема, реалноста на терен нè удира во лице: искршени канти, уништени клупи и опасни детски игралишта“, посочува советничката од Левица, Слободанка Ќириќ.

„Од друга страна, пак, на сајтот на општината сѐ е под конец, средено, ново, искосено, искроено, уредено. Очигледно е дека градоначалникот Митески, за да ја прикрие сопствената неспособност, креира лажна стварност.

Водењето на општина не е исто што и лепење плакати. Митески можеби бил добар во извршување партиските задачи, но функцијата градоначалник не бара ПР и празни ветувања туку капацитет и вистинска работа“, велат од Левица Аеродром.

Од ЕВН Македонија АД известуваат дека поради зафати во електродистрибутивната мрежа, денеска без електрична енергија ќе останат:

· од 08.00 до 15.00 часот, дел од корисниците од село Раштак, општина Гази Баба.