Скопје
Бесплатен превоз до Миладиновски рид за „Ден на дрвото“
Општина Илинден и годинава активно ќе се вклучи во акцијата за пошумување во рамките на проектот „Ден на дрво-засади ја својата иднина” што ќе се реализира по 14-ти пат, во среда, 3ти декември.
Годинава ќе се пошумува Миладиновски рид, во населено место Миладиновци на површина од 10 хектари, каде што ќе бидат засадени 35.000 садници.
„За успешна реализација на акцијата ги покануваме сите граѓани, месните заедници, спортските клубови, невладините организации, училиштата, јавните комунални претпријатија, стопaнските субјекти… да земат активно учество и заедно да придонесеме за збогатување на шумскиот фонд“, велат од Општина Илинден.
За таа цел во среда ќе биде организиран бесплатен превоз: од ОУ „Гоце Делчев“ – нас. Илинден; од ОУ „Ристо Крле“ – н.м. Кадино; од Дељадровци и Мршевци и од Средното општинско стручно училиште „Илинден“.
Поаѓањето ќе биде од 09 и 11 часот.
Во досегашните 13 акции на територија на Општина Илинден на површина од околу 600 хектари беа засадени 1.400.000 садници.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)
Скопје
Санкционирани 229 непрописно паркирани возила на територијата на општина Центар
ЈП Паркинзи на општина Центар и општина Центар во соработка со Сообраќајната полиција-Скопје во текот на една недела санкционираа 229 непрописно паркирани возила кои го попречувале нормалното и безбедно одвивање на сообраќајот.
„Во периодот од 15.04. до 21.04.2024 година, со помош на специјалните возила „Пајак“ на ЈП ПОЦ отстранети се 123 непрописно паркирани возила, а со поставување на механичко средство „Блокатор“ санкционирани се 106 возила кои биле затекнати на резидентни паркиралишта, а не биле корисници-резиденти на секторот во којшто биле паркирани“, велат од ПОЦ.
ЈП ПОЦ и општина Центар секојдневно водат грижа за да го доведат во ред сообраќајниот хаос настанат од непрописно паркираните возила на територијата на Општина Центар. Потсетуваме на почитување на сообраќајните правила од страна на секој учесник во сообраќајот со цел одржување на ред и безбедност на улиците, се додава во соопштението на ПОЦ.