Скопје
Денови на енергетска ефикасност на Град Скопје
Презентацијата на динамо-велосипеди (полнење на мобилни телефони), како и презентации на средношколки проекти во развој, мапата за велосипетски патеки и на апликацијата Патувај зелено, се одржаа во вторникот во Средното училиште„Боро Петрушевски“, во рамки на Деновите на енергетска ефикасност на Град Скопје.
„Градот Скопје денеска со организирањето на Деновите на енергетика ја потврдува намерата за реализација на проектите од областа на енергетската ефикасност. Свесни сме се повисоките трошоци за енергија, важноста за сигурно снабдување со енeргија, како и климатските промени предизвикани од ирационални користење на енергијата. Тоа е во согласност со сопствените оперативни планови, кои ќе придонесат за намалување на потрошувачката на фосилни горива за затоплување, намалување на емисиите на стакленички гасови и промоција за користење обновливи извори на енергија“, истакана скопксиот градоначалник Коце Трајановски.
Тој информираше дека со овој настан почнуваат Деновите на енергетска ефикансност 2014 кои финансиски ги поддржа ГИЗ (Германското друштво за интернационална соработка).
Градот ќе изврши промоција на апликацијата green route (патувај зелено) и на велосипедските патеки во Скопје.
На 26.11 2014 година, во Младинскиот културен центар ќе се изврши проекции на едукативни филмови за граѓаните и директорите на училиштата и културните институции и професори кои работат на тематика на заштита на природата и енергетска ефикасност, а на 27.11.2014 год свечено се пушта во употреба новата реконструирана фасада на СУГС Јосип Броз Тито, која по пат на кофинансирање од УНДП целосно е реконструирана-
Градот Скопје во изминатиот период замени над 95% на уличните светилки кои се под ингеренција на Град Скопје со натриумови светилки (енергетски ефикасни) и изврши економично регулирање на топлински станици (систем со второстепена регулкација), речиси во сите објекти кои се под негованадлежност. Исто така, гасифицирани се две средни училишта, а во тек е изведбата за гасификација на уште две училишта, заменете се старите прозорци со ПВЦ прозорци речиси во сите средни училишта кои се под ингеренции на Град Скопје, направена е целосна реконструкција на фасадата, промена на старите прозорци со нови ПВЦ и промена на кровната конструкција на СУГС Јосип Броз Тито, како мерки за енергетска ефикасност на објекти.
Градоначалникот Трајновски посочи дека Градот Скопје може да се пофали и дека е еден од првите градови во Југоисточна Европа кој има централно регулирање на сообраќајот, 100% нови автобуси во Јавното сообраќајно претпријатие со кои ќе се заштедат големи количества гориво и ќе се зголеми квалитетот на воздухот во Градот. Како приоритет го посочи проектот и заложбата за развивање на свеста кај граѓаните за користање на велосипедите како превозни средства проширувајќи ги постојните велосипедски патеки и градејќи нови, и исто така, посочи дека досега Градот има изградено велосипетски патеки во должина од 60 километри по главните сообраќајници и околу 20 километри на двете страни од кејот на реката Вардар, и дека по завршувањето на планираните сообрајни решенија во 2017 година, граѓаните ќе можат непречено возејќи велосипед да стигнат до која сакат дестинација во градот.
Директор на канцеларијата на ГИЗ за Македонија и Косово, Џејмс Макбет, истакна дека Град Скопје е прв град во кој се организираат вакви денови и се надева дека тој ќе биде огледало од кој другите градови ќе учат за ваква организација. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
В недела посебен сообраќаен режим во Скопје
Министерството за внатрешни работи известува дека на 31.3.2024 (недела), со почеток во 9 часот, поради одржување атлетска трка на 10 км, со траса на движење од долниот паркинг на Средно Водно по регионалниот пат (Р2138) до паркингот на манастирот „Св. Пантелејмон“ и обратно, Единицата за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.
Министерството за внатрешни работи апелира до граѓаните да ги почитуваат наредбите што ги издаваат полициските службеници на сообраќајниците на кои ќе се одвива настанот.
Скопје
Герасимовски: Центар со стратешки план ќе ги дефинира приоритетите за енергетска транзиција
Потребна е стратегија и патоказ за да имаме одржлив процес за енергетска транзиција во Општина Центар, ова е заклучокот од денешната работилница што се одржа во Енергетската канцеларија во локалната самоуправа. На работилницата на која учествуваа експерти, претставници на невладини организации, преставници на Општината и општинското претпријатие Енергија центар, соговорниците дискутираа за актуелните проекти во доменот на енергетиката, зелената агенда, животна средина и др.
Градоначалникот Герасимовски презентираше до каде е Општината во процесот на енергетска трансформација и транзиција. Тој потенцираше дека фотоволтаичната централа поставена на градинката Пепелашка минатото лето дава одлични резултати во намалување на трошоците за електрична енергија, а следно е поставување на централа врз покривот на ООУ ,,Киро Глигоров”. Наша цел е да поставиме фотоволтаични системи на сите основни училишта, но засега почнуваме прво со ООУ „Киро Глигоров“. Мораме да бидеме претпазливи и внимаваме на секој детаљ. Засега сме во процес на јавен тендер и фирмите учесници треба да ги исполнат критериумите.
Вангел Андрески, директор на Енергија Центар ја потенцираше улогата на првото вакво претпријатие во државата за производство и продажба на електрична енергија од обновливи извори.
„Со поддршка на Фондацијата „Фридрих Еберт“ успеавме да формираме вакво претпријатие, а процесот беше макотрпен и понекогаш фрустрирачки, со многу докуменатција, барања за куп дозволи по разни институции. Сега кога веќе започнавме со работа се соочивме со нов проблем, а тоа е потреба од едукација и подигање на свеста на граѓаните за придобивките на фотоволтаиците и нивната безбедност за корисниците, истакна Андрески, зборувајки за проектот кој се планира за ООУ ,,Киро Глигоров”.
Експерите се согласија дека иднината е токму во енергетската транзиција и трансформација која треба да почне од локално за да се прошири на национално ниво. Заштедите, но и бенефитите за животната средина се од непроценлива важност за воведување на вакви „зелени“ енергетски системи, но за разлика од другите држави во ЕУ и регионот, ние сме се уште во пионерска фаза.
Сите заштедени средства, велат експерите, по теркот на европските држави, понатаму треба да се влеваат во проектите од доменот на животната средина, преку субвенции за здрав и еколошки начин на живот на граѓаните.
Денешната работилница ,,Патоказ за енергетска транзиција – дефинирање на стратешки пристап кон одржлива иднина на Општина Центар” се организираше под покровителство и соработка со Фондација Фридрих Еберт, невладината Гринер и Општина Центар.
Скопје
Едукативен мото-настан утре во Кисела Вода
Утре, со почеток во 11 часот, пред салата Расадник, ќе се одржи едукативен мото-настан од отворен карактер „Сите возиме, но некои знаат“.
На присутните од страна на лиценцирани инструктори ќе им бидат презентирани важноста за техничка исправност на моторното превозно средство (мопед, скутер, мотор), правилната употреба на безбедносна опрема за возење, како и справување во реални ситуации на улица.
„Преку дружење со претставници и членови од мото-клубови, автошколи и здруженија ќе се изврши едукација за безбедно возење во и надвор од урбани средини, за брзината како фактор за општа безбедност и за намалувањето на загаденоста на воздухот преку користење електрични превозни средства“, велат од Општина Кисела Вода.