Скопје
Денови на Франкофонијата во Македонија
Во саботата и неделата на повеќе места во Македонија, како и на неколку локации во главниот град Скопје, се одржуваат низа активности во чест на одбележувањето на 20-ти март, односно Меѓународниот ден на Франкофонијата.
Во Младинскиот културен центар под мотото „Франкофонијата ти отвора врати!“ денеска и утре ќе се одржуваат голем број на активности во рамки на манифестацијата „Денови на Франкофонијата во Македонија“.
Манифестацијата „Денови на Франкофонијата во Македонија“ за отворена ја прогласија градоначалникот на Град Скопје, Коце Трајановски и амбасадорката на Франција во Македонија, Лоранс Оер.
„Град Скопје како главен град на Република Македонија, е полноправна земја членка на Меѓународната организација на франкофонијата од 2006 година и ги поддржува и споделува францускиот јазик, култура и вредности. Во рамките на оваа организација Град Скопје негува пријателски односи со повеќе меѓународни франкофонски градови, мрежи на градови, асоцијации, здруженија и организации. Град Скопје е збратимен со француските градови Дижон и Рубе со кои негува успешна соработка“, рече градоначалникот Трајановски.
Амбасадорката Оер на отворањето на манифестацијата изјави дека франкофонијата во Македонија има долга традиција и се заблагодари на Градот Скопје за поддршката на активностите на француската амбасада и Францускиот институт во Скопје.
Таа се осврна на застапеноста и развојот на франкофонијата во Македонија, каде настава на француски јазик се одвива во основни и средни училишта во повеќе општини, на работењето на билингвална паралелка во средното училиште „Орце Николов“, како и континуираната соработка во областа на размена на ученици.
Во рамки на одбележувањето на „Денови на Франкофонијата во Македонија“ ќе се одржат голем број на интерактивни работилници и забавни активности за средношколци и студенти. Во холот на МКЦ пред присутните се претставија франкофонските компании и оператори во Македонија, а предавање на тема „Франкофонијата и глобализацијата“ одржа на Ив Монтене, специјалист по геополитика и менаџер.
Во сабота навечер во 20:30 часот во Младинскиот културен центар (МКЦ) концерт ќе одржи групата Фолтин, додека активностите во недела продолжуваат во трговскито центар „Рамстор“, каде во 11 часот ќе се одржи Саем на франкофонски оператори во Македонија./крај/мф/ст
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)
Скопје
Санкционирани 229 непрописно паркирани возила на територијата на општина Центар
ЈП Паркинзи на општина Центар и општина Центар во соработка со Сообраќајната полиција-Скопје во текот на една недела санкционираа 229 непрописно паркирани возила кои го попречувале нормалното и безбедно одвивање на сообраќајот.
„Во периодот од 15.04. до 21.04.2024 година, со помош на специјалните возила „Пајак“ на ЈП ПОЦ отстранети се 123 непрописно паркирани возила, а со поставување на механичко средство „Блокатор“ санкционирани се 106 возила кои биле затекнати на резидентни паркиралишта, а не биле корисници-резиденти на секторот во којшто биле паркирани“, велат од ПОЦ.
ЈП ПОЦ и општина Центар секојдневно водат грижа за да го доведат во ред сообраќајниот хаос настанат од непрописно паркираните возила на територијата на Општина Центар. Потсетуваме на почитување на сообраќајните правила од страна на секој учесник во сообраќајот со цел одржување на ред и безбедност на улиците, се додава во соопштението на ПОЦ.
Скопје
Неколку скопски општини денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електро дистрибутивната мрежа, без електрична енергија ќе останат делови од општините Шуто Оризари, Кисела Вода, Гази Баба и Чучер Сандево.
· од 08:00 до 10:00 часот, корисниците од улиците: Брсјачка Буна и Пелагонија. (Општина Шуто Оризари)
· од 09:00 до 12:00 часот, корисниците од село Усје. (Општина Кисела Вода)
· од 09:00 до 14:00 часот, корисниците од улиците: Пржино и Пандо Кљашев. (Општина Кисела Вода)
· од 09:00 до 15:00 часот, корисниците од ул. бр. 1 во с. Црешево, поточно објектите на патот кон с. Смиљковци. (Општина Гази Баба)
· од 10:30 до 12:30 часот, корисниците од делови од улиците: Македонско Косовска Бригада и Шуто Оризари. (Општина Шуто Оризари)
· од 12:30 до 13:30 часот, корисниците од селата: Кучевиште, Побожје, Бродец, Малино, Танушевци и Брест. (Општина Чучер Сандево)