Скопје
ДУИ незадоволна од планот за поставување крст во општина Бутел
Советниците на ДУИ во општина Бутел јавно во петокот на прес-конференција го изразија своето „крајно незадоволство“, но и како што велат, и незадоволството на целокупната албанска популација во скопската Општина Бутел, за „нелегалната и провокативна“ одлука на Советот на општината за изградба на „непропорционален гигантски крст во оваа мултиетничка и мултирелигиска општина“, велат од ДУИ.
Советниците на ДУИ во општина Бутел јавно во петокот на прес-конференција го изразија своето „крајно незадоволство“, но и како што велат, и незадоволството на целокупната албанска популација во скопската Општина Бутел, за „нелегалната и провокативна“ одлука на Советот на општината за изградба на „непропорционален гигантски крст во оваа мултиетничка и мултирелигиска општина“, велат од ДУИ.
„Ја информираме јавноста но и државните и меѓународните институции дека воопшто не e почитувана легалната процедура во Советот како и Бадентеровото двојно мнозинство кое е законска обврска во овој случај. Преку оваа реакција сакаме уште еднаш да истакнеме дека ние немаме ништо против верските симболи, и тоа сме го докажале со фактот што во општина Бутел само во овој период се изградени неколку православни цркви и за тоа никој од нас не спорел“, се вели во соопштението на ДУИ.
„Меѓутоа, во конкретниот случај јасно се гледа дека се работи за отворена провокација кон 50 процентната неправославна популација во оваа општина. Во овој случај од страна на јавно прокламирани антиалбански центри, како што е Светскиот Македонски Конгрес со поддршка и на дел од политиката се злоупотребува верата за политички реваншизам. Ова носи исклучително голем ризик, не само за соживотот помеѓу етничките и верските заедници во оваа Општина, туку и во целата држава“, порачуваат од ДУИ.
„Затоа, уште еднаш јавно бараме од градоначалникот и советниците во општина Бутел, сериозно да ја преиспитаат оваа незаконска и ризична одлука и оваа отворена провокација кон неправославните граѓани во општина Бутел. Во спротивно, ние нема да сносиме одговорност доколку овој случај влијае негативно на меѓуетничките и меѓуверските односи“, велат од партијата./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)
Скопје
Санкционирани 229 непрописно паркирани возила на територијата на општина Центар
ЈП Паркинзи на општина Центар и општина Центар во соработка со Сообраќајната полиција-Скопје во текот на една недела санкционираа 229 непрописно паркирани возила кои го попречувале нормалното и безбедно одвивање на сообраќајот.
„Во периодот од 15.04. до 21.04.2024 година, со помош на специјалните возила „Пајак“ на ЈП ПОЦ отстранети се 123 непрописно паркирани возила, а со поставување на механичко средство „Блокатор“ санкционирани се 106 возила кои биле затекнати на резидентни паркиралишта, а не биле корисници-резиденти на секторот во којшто биле паркирани“, велат од ПОЦ.
ЈП ПОЦ и општина Центар секојдневно водат грижа за да го доведат во ред сообраќајниот хаос настанат од непрописно паркираните возила на територијата на Општина Центар. Потсетуваме на почитување на сообраќајните правила од страна на секој учесник во сообраќајот со цел одржување на ред и безбедност на улиците, се додава во соопштението на ПОЦ.
Скопје
Неколку скопски општини денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електро дистрибутивната мрежа, без електрична енергија ќе останат делови од општините Шуто Оризари, Кисела Вода, Гази Баба и Чучер Сандево.
· од 08:00 до 10:00 часот, корисниците од улиците: Брсјачка Буна и Пелагонија. (Општина Шуто Оризари)
· од 09:00 до 12:00 часот, корисниците од село Усје. (Општина Кисела Вода)
· од 09:00 до 14:00 часот, корисниците од улиците: Пржино и Пандо Кљашев. (Општина Кисела Вода)
· од 09:00 до 15:00 часот, корисниците од ул. бр. 1 во с. Црешево, поточно објектите на патот кон с. Смиљковци. (Општина Гази Баба)
· од 10:30 до 12:30 часот, корисниците од делови од улиците: Македонско Косовска Бригада и Шуто Оризари. (Општина Шуто Оризари)
· од 12:30 до 13:30 часот, корисниците од селата: Кучевиште, Побожје, Бродец, Малино, Танушевци и Брест. (Општина Чучер Сандево)