Скопје
Јакимовски: Општина Карпош врши засилена заштита од жолтица
Општина Карпош врши засилена заштита од жолтица и е подготвена за безбеден почеток на учебната година. Во десетте основни училишта и градинки на територија на општина Карпош се врши дезинфекција, дезинсекција и дератизација, како превенција од епидемијата на жолтица, изјави во понеделник градоначалникот Стевчо Јакимовски.
„Ги задолжуваме сите родители кои што за прв пат носат деца во нашите градинки задолжително да донесат потврда за направен брис од грло и од нос, како и лекарска потврда дека не се разболени од оваа заразна болест. Во исто време сите оние кои што се повеќе од една недела отсутни од било која друга причина (одмор и сл.) исто така ќе треба да донесат иста потврда. Онаму каде што имаме ризични делови од Општината, се договоривме, ние како локална власт ќе организираме со лекарска екипа да се земе брис од тие деца, за да се направи контрола да евентуално некој не е заразен со жолтица“, изјави Јакимовски.
Според информациите на Заводот за здравствена заштита, досега се заразени околу 10-тина жители на општина Карпош, но мора да се заштитат и останатите граѓани за бројот да не продолжи да расте, додаде првиот татко на Општината.
По почетокот на учебната година, доколку се пријави отсуство од една недела на одреден ученик, без разлика дали се работи за боледување или годишен одмор, општина Карпош ќе воведе задолжителна мерка за носење на лекарска потврда за земен брис од грло и нос.
Градоначалникот Јакимовски нагласи дека повисоки заштитни мерки ќе се преземат во училиштата кои бројат ученици од 800 до 1000, каде превенцијата од епидемијата на жолтица треба да преовладува подолгорочно и позасилено. Тој додаде дека е задолжителна контролата на миење раце, а општината ќе одобри покрај постојните и дополнителни средства од буџетот за обезбедување на хигиенски средства.
Инаку по повод воведување засилени превентивни мерки за заштита од епидемијата на жолтица првиот човек на Општината денес одржа подолг состанок со директорките на сите десет основни училишта во Општината и на четири градинки. На надлежните во овие установи веќе им е дадена наредба за генерално чистење на училиштата и градинките.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Арсовска изврши увид во завршните градежни работи на реконструкција на водоводната мрежа на улицата Антон Попов
Градоначалничката на Град Скопје, Данела Арсовска заедно со претставници од Секторот за планирање и уредување при Град Скопје и скопското јавно претпријатие „Водовод и канализација“ извршија увид во завршните градежни работи на реконструкција на водоводната мрежа на улицата Антон Попов во општината Гази Баба.
Со изведбата на водоводните приклучоци на овој потег кои се поврзуваат со постојната водоводна мрежа со профил од 150 милиметри, се решава повеќедеценискиот проблем на жителите со честите прекини во водоснабдувањето поради застареноста на системот, а се решаваат загубите на вода и трошоци за поправките на дефектите на водоводната мрежа, велат од Град Скопје.
Изведбата на овој проект претставува дел од програмата на градоначалничката Данела Арсовска за обновување на градската мрежа, во децениски заборавените населени места, што претставуваше и долгогодишно барање на жителите од тој дел на градот, се додава во соопштението на Град Скопје.
Скопје
Скопје викендов со изменет режим на сообраќај поради одржување на предизборни митинзи
Поради одржување митинг од изборната кампања за претседателските избори 2024 година на 21 април (недела) во 13.00 часот пред седиштето на Европската унија на ул.„Св. Кирил и Методиј“ во Скопје, Единицата за безбедност на патниот сообраќај при СВР Скопје ќе преземе мерки за посебен режим на сообраќај на оваа улица почнувајќи од 19:00 часот на 20 април (сабота) до 21.00 часот на 21 април (недела), соопштуваат од МВР.
Притоа, за сообраќај ќе биде затворена ул.„Св.Кирил и Методиј“ на потегот од крстосница со булевар „Кочо Рацин“ до крстосница со булевар „Св. Климент Охридски“.
Исто така, на 21 април во 20.00 часот на плоштад „Македонија“ во Скопје ќе се одржи митинг од изборната кампања за претседателските избори 2024 година.
Од тие причини, Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
За таа цел, МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвиваат настаните
Скопје
Советот на Општина Центар даде зелено светло за бесплатни тренинзи на јуниорите на КК Работнички во салата на ООУ ,,Коле Неделковски’’
На денешната 35. Седница на Советот на Општина Центар е усвоен предлогот на градоначалникот Горан Герасимовски за користење на училишната спортска сала во ООУ ,,Коле Неделковски” за потребите на младите кошаркари на КК Работнички, без надоместок, додека не биде реновирана салата во Градски парк.
На советниците градоначалникот Герасимовски им појасни дека се работи за исклучителна ситуација која ќе трае само додека не се создадат услови за одржување тренинзи во реновираното здание и дека оваа одлука е наменета само за јуниорскиот тим.
,,Ова не е одлука за првиот тим на Работнички туку за младинскиот клуб на КК Работнички бидејќи во моментот кога ќе почне да се реновира салата, тие ќе немаат простор за тренинзи. Знаеме каква е финасиската ситуација на младинскиот тим. Истиот функционира и од спортскиот ваучер што го доделува Владата, кој за жал доцни. И поради тие причини и поради тоа што самиот тим е сопственост на Општината, ние мораме да се грижиме за клубот и за младинците што таму тренираат и играат. Затоа мислам дека барањето е издржано и очекувам советниците да се согласат” истакна Герасимовски.
Предлог одлуката за користење на спортската сала во ООУ ,,Коле Неделковски” без надоместок од страна на КК Работнички за 2024 година е усвоен со 21 гласа ЗА, ниеден глас против и без воздржани.
Одлуката беше донесена откако КК Работнички-Скопје побара од Општината, како акционер, да добие тренинг термини во основните училишта за својот младински тим, поради реновирање на салата.
,,Како наш единствен акционер, сопственик и воедно сопственик на основните училишта во општината ве замолуваме да ни дозволите нашите младинци да тренираат во една од салите на школите кои се во ваша надлежност, стои во дописот на КК Работнички-Скопје испратен до Општина Центар.