Скопје
Кисела Вода до крајот на 2015 година ќе добие репрезентативен Дом на културата
Министерот за култура Елизабета Канческа-Милевска заедно со градоначалникот на Кисела Вода Билјана Беличанец-Алексиќ, во понеделник го посетија објектот на старото кино во таа општина, кој се реконструира и адаптира во нов мултифункционален објект Дом на култура.
Се планира објектот да биде целосно завршен до крајот на 2015 година.
Министерката Канческа-Милевска изјави дека се почитува динамиката во однос на изградбата на Домот на културата. Појасни дека првата и втората фаза се целосно завршени и веќе се оди кон третата фаза односно бетонирање, поставување челична конструкција.
„Овој објект ќе биде од огромно значење за сите граѓани на Кисела Вода. Во овој објект порано се сеќавам на времето доаѓавме често, следевме голем број на филмски претстави бидејќи ова беше кино сала. Со изградбата на овој мултимедијален објект мислам дека ќе има најразлични содржини, една побогата културна понуда во Кисела Вода“, рече Канческа-Милевска.
Овој проект, посочи, се наоѓа во програмата на Владата и на Министерството за култура и во соработка и заедничко инвестирање и со општината Кисела Вода планираме објектот до крајот на 2015 година да биде целосно завршен токму во одбележувањето на големиот јубилеј од постоењето на општината.
„Финансиите се обезбедени и оваа година во буџетот на Министерството за култура“, истакна министерката Канческа Милевска и им се заблагодари на градоначалничката на Кисела Вода за нејзиното огромно залагање во изградбата на објектот, на тимот во општината и во Министерството за следење на динамиката на градежните активности, како и на фирмата која ја работи целосната реконструкција.
Потенцира дека во објектот ќе има прекрасна сала и покрај постоечките 140 седишта се очекува да има зголемување до 170 седишта и додаде дека станува збор за мултимедијален простор каде ќе има и посебна библиотека, читачка сала…
Градоначалничката Беличанец-Алексиќ рече дека ставена е кровна конструкција на објектот. Идејата, посочи таа, беше што поскоро да се затвори објектот за да може и во зимски услови градежните работи да се одвиваат во неговиот внатрешен простор за да може да се стигне со реализација до крајот на 2015 година, кога Кисела Вода слави 60 години од постоењето.
„Ваков репрезентативен објект заслужува оваа општина како најстара со оглед на фактот дека во моментов сигурно има над 70.000 жители. Очекуваме во иднина овој простор да биде заживеан онака како што заслужува. Имаме некакви првични идеи како би функционирал“, додаде Беличанец-Алексиќ. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Арсовска изврши увид во завршните градежни работи на реконструкција на водоводната мрежа на улицата Антон Попов
Градоначалничката на Град Скопје, Данела Арсовска заедно со претставници од Секторот за планирање и уредување при Град Скопје и скопското јавно претпријатие „Водовод и канализација“ извршија увид во завршните градежни работи на реконструкција на водоводната мрежа на улицата Антон Попов во општината Гази Баба.
Со изведбата на водоводните приклучоци на овој потег кои се поврзуваат со постојната водоводна мрежа со профил од 150 милиметри, се решава повеќедеценискиот проблем на жителите со честите прекини во водоснабдувањето поради застареноста на системот, а се решаваат загубите на вода и трошоци за поправките на дефектите на водоводната мрежа, велат од Град Скопје.
Изведбата на овој проект претставува дел од програмата на градоначалничката Данела Арсовска за обновување на градската мрежа, во децениски заборавените населени места, што претставуваше и долгогодишно барање на жителите од тој дел на градот, се додава во соопштението на Град Скопје.
Скопје
Скопје викендов со изменет режим на сообраќај поради одржување на предизборни митинзи
Поради одржување митинг од изборната кампања за претседателските избори 2024 година на 21 април (недела) во 13.00 часот пред седиштето на Европската унија на ул.„Св. Кирил и Методиј“ во Скопје, Единицата за безбедност на патниот сообраќај при СВР Скопје ќе преземе мерки за посебен режим на сообраќај на оваа улица почнувајќи од 19:00 часот на 20 април (сабота) до 21.00 часот на 21 април (недела), соопштуваат од МВР.
Притоа, за сообраќај ќе биде затворена ул.„Св.Кирил и Методиј“ на потегот од крстосница со булевар „Кочо Рацин“ до крстосница со булевар „Св. Климент Охридски“.
Исто така, на 21 април во 20.00 часот на плоштад „Македонија“ во Скопје ќе се одржи митинг од изборната кампања за претседателските избори 2024 година.
Од тие причини, Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
За таа цел, МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвиваат настаните
Скопје
Советот на Општина Центар даде зелено светло за бесплатни тренинзи на јуниорите на КК Работнички во салата на ООУ ,,Коле Неделковски’’
На денешната 35. Седница на Советот на Општина Центар е усвоен предлогот на градоначалникот Горан Герасимовски за користење на училишната спортска сала во ООУ ,,Коле Неделковски” за потребите на младите кошаркари на КК Работнички, без надоместок, додека не биде реновирана салата во Градски парк.
На советниците градоначалникот Герасимовски им појасни дека се работи за исклучителна ситуација која ќе трае само додека не се создадат услови за одржување тренинзи во реновираното здание и дека оваа одлука е наменета само за јуниорскиот тим.
,,Ова не е одлука за првиот тим на Работнички туку за младинскиот клуб на КК Работнички бидејќи во моментот кога ќе почне да се реновира салата, тие ќе немаат простор за тренинзи. Знаеме каква е финасиската ситуација на младинскиот тим. Истиот функционира и од спортскиот ваучер што го доделува Владата, кој за жал доцни. И поради тие причини и поради тоа што самиот тим е сопственост на Општината, ние мораме да се грижиме за клубот и за младинците што таму тренираат и играат. Затоа мислам дека барањето е издржано и очекувам советниците да се согласат” истакна Герасимовски.
Предлог одлуката за користење на спортската сала во ООУ ,,Коле Неделковски” без надоместок од страна на КК Работнички за 2024 година е усвоен со 21 гласа ЗА, ниеден глас против и без воздржани.
Одлуката беше донесена откако КК Работнички-Скопје побара од Општината, како акционер, да добие тренинг термини во основните училишта за својот младински тим, поради реновирање на салата.
,,Како наш единствен акционер, сопственик и воедно сопственик на основните училишта во општината ве замолуваме да ни дозволите нашите младинци да тренираат во една од салите на школите кои се во ваша надлежност, стои во дописот на КК Работнички-Скопје испратен до Општина Центар.