Скопје
Манчевски: Трајановски ги расфрла народните пари за раскош и луксуз
Градоначалникот Коце Трајановски се крие и не одговара што работи Здружението за духовно обединување на Сетинци, Попадинци и Крушоради од Лерин од Скопје – Македонија, коешто наводно донира пет нови споменици во Скопје.
Ова во средата го истакна потпретседателот на СДСМ, Дамјан Манчевски, на прес – конференција за медиуми барајќи при тоа од Трајановски да каже како се финансира ова здружение, кое што има моќ да донира пет споменици од по 10 метри.
„Не се знае ни кој е автор на спомениците, ниту дали се тие изработени. Одлука на Советот на општина Центар за овие споменици е донесена на 28.12.2012 година, во време кога на власт во оваа општина беше ВМРО-ДПМНЕ. Четири од спомениците се идентични и според одлуките треба да се постават на исти локации со што уште повеќе се зголемува сомнежот во кредибилноста на ова здружение. Се поставува прашањето, зошто здружението досега не ги донирало овие споменици на Центар и тие не се поставени и дали здружението ќе донира идентични споменици и на Центар и на Скопје“, истакна Манчевски во своето обраќање.
Тој нагласи дека доколку ова здружение сака и има можност да донира, тогаш нека донира средства за изградба на новото средно училиште во Шуто Оризари или за надградба на канализацискиот систем на Скопје, за да не се случуваат поплави.
„Поставувањето на петте нови споменици од Скопје 2014 во центарот на Скопје е под директна наредба на Никола Груевски. Дали поради тоа, по губењето на власта, раководителот на Секторот за урбанизам, Александар Јанакиески, од Центар го преместија во Скопје – за да ја дозаврши работата со Скопје 2014“, праша Манчевски.
Според него Коце Трајановски нема визија за развој на Скопје и продолжува да ги расфрла народните пари за раскош и луксуз, додека граѓаните се соочуваат со рекордна сиромаштија./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)
Скопје
Санкционирани 229 непрописно паркирани возила на територијата на општина Центар
ЈП Паркинзи на општина Центар и општина Центар во соработка со Сообраќајната полиција-Скопје во текот на една недела санкционираа 229 непрописно паркирани возила кои го попречувале нормалното и безбедно одвивање на сообраќајот.
„Во периодот од 15.04. до 21.04.2024 година, со помош на специјалните возила „Пајак“ на ЈП ПОЦ отстранети се 123 непрописно паркирани возила, а со поставување на механичко средство „Блокатор“ санкционирани се 106 возила кои биле затекнати на резидентни паркиралишта, а не биле корисници-резиденти на секторот во којшто биле паркирани“, велат од ПОЦ.
ЈП ПОЦ и општина Центар секојдневно водат грижа за да го доведат во ред сообраќајниот хаос настанат од непрописно паркираните возила на територијата на Општина Центар. Потсетуваме на почитување на сообраќајните правила од страна на секој учесник во сообраќајот со цел одржување на ред и безбедност на улиците, се додава во соопштението на ПОЦ.
Скопје
Неколку скопски општини денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електро дистрибутивната мрежа, без електрична енергија ќе останат делови од општините Шуто Оризари, Кисела Вода, Гази Баба и Чучер Сандево.
· од 08:00 до 10:00 часот, корисниците од улиците: Брсјачка Буна и Пелагонија. (Општина Шуто Оризари)
· од 09:00 до 12:00 часот, корисниците од село Усје. (Општина Кисела Вода)
· од 09:00 до 14:00 часот, корисниците од улиците: Пржино и Пандо Кљашев. (Општина Кисела Вода)
· од 09:00 до 15:00 часот, корисниците од ул. бр. 1 во с. Црешево, поточно објектите на патот кон с. Смиљковци. (Општина Гази Баба)
· од 10:30 до 12:30 часот, корисниците од делови од улиците: Македонско Косовска Бригада и Шуто Оризари. (Општина Шуто Оризари)
· од 12:30 до 13:30 часот, корисниците од селата: Кучевиште, Побожје, Бродец, Малино, Танушевци и Брест. (Општина Чучер Сандево)