Скопје
Нов портал, visitskopje.mk, за поголема и подобра промоција на Скопје
Преку слоганот „Доживетеј го Скопје“ (Feel Skopje), во четврток беше промовиран новиот портал visitskopje.mk, што има за цел да ги промовира убавините на главниот град, како и туристичките капацитети на Скопје.
Преку слоганот „Доживетеј го Скопје“ (Feel Skopje), во четврток беше промовиран новиот портал visitskopje.mk, што има за цел да ги промовира убавините на главниот град, како и туристичките капацитети на Скопје.
Feel Skopje e движечкиот слоган со кој ќе почне целата кампања за промоција на веб порталот.
„Порталот ги има сите оние податоцои кои му требаат на еден турист да се информира пред да дојде во Скопје. Порталот е прегледен и едноставен, така да веруваме во позитивен фидбек од корисниците. Во иднина покрај англискиот јазик, порталот ке биде достапен и на други јазици“, вели, Ненад Фидановски – менаџер на проектот visitskopje.mk.
Креирањето на идентитетот на Скопје како главен град на Република Македонија, грижата за културното наследство и неговото вреднување, поддршка на развојот на културните разноликости, отворањето на институции и други субјекти во областа на културата и промовирање на туризмот во престолнината се само некои од целите на овој веб портал.
Скопје заслужува да има свој промотер како VisitSkopje.mk со што ќе им овозможи на странските посетители да уживаат во магичноста и убавината на главниот град.
Во Скопје се кријат приказните на сите генерации. Сите во него имаат свое катче, омилено место, идила во која уживаат. На различен начин, поради различна причина, сите го сакаат ова Скопје, кој има своја посебна убавина. Се сака кога мириса на липи и цути во пролет и кога во студените зимски ноќи снегот натежнува на гранките. Скопје има свој шарм со кој плени. Горди сме на градот со неисцрплива енергија. Градот што речиси и не спие.
И кога сите градови одмораат, некаде после полноќ, Скопје и тогаш пулсира со посебна убавина. Скопје има прекрасен плоштад, горди сме на Воинот на коњ, Скопје ја има партизанска, го има градскиот парк, за убава прошетка го има Водно со преубавата жичара или пак Матка како негова алтернатива.. Скопје има и убави и насмеани ликови.
Скопје има убаво сонце кое неминовно влијае на расположението. Ја има улицата Македонија на која може да го испиеш најубавото кафе со пријателите. Ги има старата Скопска Чаршија, Калето и многуте споменици кои сведочат за неговата богата историја. Сите овие нешто го прават Скопје поинаков град, а visitskopje.mk постои за да го презентира тоа на најдобар можен начин.
„Со сите свои мани и доблести, Скопје е град како ниеден друг. Скопје заслужува да си го најде свое место на туристичката мапа, затоа што има што да понуди. Со овој портал сакаме да му помогнеме на Скопје и да ги испромовираме сите убавини кои овој град ги има. Покрај тоа, сакаме и како бизнис сектор да допринесеме за развој на економијата и креирање на нови бизнис и работни можности“, вели Синиша Пекевски, менаџер на проектот visitskopje.mk./крај/с/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Советот на Општина Центар даде зелено светло за бесплатни тренинзи на јуниорите на КК Работнички во салата на ООУ ,,Коле Неделковски’’
На денешната 35. Седница на Советот на Општина Центар е усвоен предлогот на градоначалникот Горан Герасимовски за користење на училишната спортска сала во ООУ ,,Коле Неделковски” за потребите на младите кошаркари на КК Работнички, без надоместок, додека не биде реновирана салата во Градски парк.
На советниците градоначалникот Герасимовски им појасни дека се работи за исклучителна ситуација која ќе трае само додека не се создадат услови за одржување тренинзи во реновираното здание и дека оваа одлука е наменета само за јуниорскиот тим.
,,Ова не е одлука за првиот тим на Работнички туку за младинскиот клуб на КК Работнички бидејќи во моментот кога ќе почне да се реновира салата, тие ќе немаат простор за тренинзи. Знаеме каква е финасиската ситуација на младинскиот тим. Истиот функционира и од спортскиот ваучер што го доделува Владата, кој за жал доцни. И поради тие причини и поради тоа што самиот тим е сопственост на Општината, ние мораме да се грижиме за клубот и за младинците што таму тренираат и играат. Затоа мислам дека барањето е издржано и очекувам советниците да се согласат” истакна Герасимовски.
Предлог одлуката за користење на спортската сала во ООУ ,,Коле Неделковски” без надоместок од страна на КК Работнички за 2024 година е усвоен со 21 гласа ЗА, ниеден глас против и без воздржани.
Одлуката беше донесена откако КК Работнички-Скопје побара од Општината, како акционер, да добие тренинг термини во основните училишта за својот младински тим, поради реновирање на салата.
,,Како наш единствен акционер, сопственик и воедно сопственик на основните училишта во општината ве замолуваме да ни дозволите нашите младинци да тренираат во една од салите на школите кои се во ваша надлежност, стои во дописот на КК Работнички-Скопје испратен до Општина Центар.
Скопје
Герасимовски: Решен децениски проблем со безбедноста на сообраќајот на улицата Наум Наумовски-Борче
Општина Центар ја отстрани рампата на улицата „Наум Наумовски Борче” кај хотел Дувет, на раскрсницата помеѓу „Ленинова” и „Партизанска” која претставуваше проблем и пречка за функционирање на сите учесници во сообраќајот.
Со овој потег општината го реши деценискиот проблем на барање на жителите, по поднесена петиција во која се потпишаа 327 граѓани. Ова е направено во согласност со ДУП-от и за овој зафат се добиени потребните дозволи од сите надлежни институции.
На улицата се поставени столпчиња за безбедност во сообраќајот и за влегувањето на возилата во подземните гаражи. Со овој зафат се обезбедува пристапна зона која ќе биде проодна и безбедна за граѓаните.
,,Конечно го решаваме долгогодишниот проблем на ваше барање. Улицата станува безбедна за пешаците и за вас жителите. На овој потег постојано се случуваа сообраќајни незгоди и затоа ова моравме да го направиме. Со вадењето на рампата воедно и ја ослободивме улицата од сите пречки поради кои имаше проблеми”, им се обрати Герасимовски на собраните жители.
Општина Центар известува дека улицата ќе биде двонасочна, во широчина од 7 метри, по 3.5 од секоја страна, ќе се отстрани страничната урбана опрема и ќе се намалат надворешните тераси на угостителските објекти долж улицата „Наум Наумовски Борче”.
Со ова исто така ќе се оневозможи дивото паркирање на улицата што претходно претставуваше проблем за пешаците.
Скопје
Дел од неколку скопски населби без струја
Поради планирани прекини во електродистрибутивната мрежа без електрична енергија ќе останат следните корисници:
· Во период од 09,00ч до 16,00ч дел од корисниците во с. Волково и с. Кучково ( о. Ѓ. Петров);
· Од 09,00ч до 14,00ч корисниците од ул. Банско, ул. Баница, ул. Наум Охридски и ул. Жванска (о. К. Вода);
· Од 07,00ч до 15,00ч новите згради спроти Мерцедес ул. 852 (о. Г. Баба) и
· Во период од 09,00ч до 15,00ч дел од ул. Милан Мијалковиќ, ул.Пржино, ул.Кавалска (о. К. Вода).