Скопје
Нови покриви за 100 индивидуални и колективни објекти во Карпош
Општина Карпош од среда започна со испорака на материјали за покривна конструкција за индивидуални и колективни објекти.
Локалната самоуправа им помага на граѓаните кои аплицирале за промена на старите со нови покриви, со бел пластифициран ребрест лим, штафни и парна брана, како и комплет штрафови со капички и гуми за колективните станбени објекти.
Општината обезбедува исти материјали, но без штафни и парна брана и за индивидуалните објекти на територија на Карпош. Одлуката за фирмата која ќе го обновува покривот, е обврска на станарите. Досега пристигнати се околу 100 барања за промена на покривите, но, одобрение добија 21 индивидуален објект, како и 12 колективни станбени објекти. За останатите се чека комплетирање на целосната документација.
Градоначалникот Стевчо Јакимовски беше присутен меѓу граѓаните во Карпош 4, од каде што и започна испораката на материјалите за обнова на покривите.
„Општина Карпош започна со испораката на лимот за менување, односно за покривање на колективните станбени згради и индивидуалните објекти. Испорачан е материјал за една куќа на улицата Прашка 16, а исто така, во моментов, се врши испорака и на улицата Волгоградска број 8 за колективна станбена зграда. Имајќи во предвид дека истата зграда е земена за реконструкција со термичка фасада, тоа значи дека оваа зграда ќе биде подготвена и заштитена за наредните 30 години. Лимот е исклучиво бел, бидејќи се намалува топлината за одреден степен којшто се создава во текот на летниот период“, рече Јакимовски.
Тој апелираше до сите граѓани на Карпош да аплицираат во наредниот конкурс за обнова на покривите.
„Ги повикувам сите оние граѓани и куќни совети, по јануари, откако ќе го распишеме новиот конкурс за реконструкција на покриви и за поставување на нови, да аплицираат во локалната самоуправа. За овие се уплатени средствата во фирмата, за сите објекти кои треба да се реконструираат и истата започна со вршење испорака. Очекуваме од граѓаните совесно да се однесуваат кон доделениот материјал и тоа да се заврши во најбрз временски период. За овој проект имаме одвоено околу 17 милиони денари, или околу 300 илјади евра. Продолжуваме и наредната година, сакаме сите покриви кои се азбестни во период од шест до седум години да се променат и да нема ниту еден азбестен покрив, без разлика дали станува збор за колективна или индивидуална зграда“, изјави првиот човек на локалната самоуправа. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)