Скопје
Новогодишната прослава во „Центар“ почнува од 30-ти декември
Манифестацијата која ќе се одвива на локацијата на сквер „Јадран“ во Скопје ќе биде официјално отворена на 30. декември со децата од градинките во општина Центар и големата предновогодишна прослава со целовечерни концерти на најдоброто од Македонија, соопштуваат од општината. Граѓаните ќе имаат прилика да уживаат во специјално уредениот простор во срцето на градот, да се забавуваат и да ги проследат настапите на ѕвездите на македонската музичка сцена, меѓу кои и поп-рок групата „Ареа“.
„Ние посебно се радуваме на настапите на отворено и тогаш го даваме нашиот максимум. Оваа година програмата на општина Центар е одлична и очекуваме да има добра публика . ’Ареа’ како и секогаш ќе настапи комплетно во живо со 90 минутен концерт. Ги повикуваме сите кои ја сакаат нашата музика да дојдат на 30. декември во 20:45 часот на сквер ’Јадран’, да поминеме заедно една убава предновогодишна вечер.“ – порачуваат членовите на „Ареа“.
Покрај нив, оваа вечер, со нас ќе биде и секогаш одличниот шоумен, музичар, актер и веќе со години омилен лик од забавната сцена, Игор Џамбазов кој ќе настапи во добро познатиот тандем со Гуру Харе, во засилување на неговиот бенд, но и со во моментов најуспешната македонска пејачка Тамара Тодевска.
„Многу ги сакам манифестациите од овој тип. Имам свирено скоро на сите најзначајни фестивали на отворено, а супер е пак кога настанот е слободен за сите посетители. Тоа е шанса за мене да свирам пред публика која никогаш до сега ме нема гледано на концерт. Нивните реакции ми се најдрагоцени. Од друга страна, ова е можеби најдобрата новогодишна понуда, по мој вкус. Чест ми е што ќе свирам во иста вечер со ’Ареа’, на сцена на која утредента ќе свират и ’ДНК’, ’С.А.Р.С.’, а особено им се радувам на ’Ван Гог’“ – вели Игор.
Тој им порача на граѓаните добро да се наоблечат. „Сите што ќе дојдат, да не се појавуваат без шал, капа, ракавици, џемпери, монтки, ѕиври и два пара зимски чорапи. Нè чека дебел минус. Дојдте на 30-ти, од минусот да направиме плус“.
Новогодишната вечер ќе биде отворена со настапот на македонската група „ДНК“, која за овој повод најавува гостин на својот настап,На посетителите им порачува:
„Мило ни е што оваа година ќе бидеме дел од новогодишната забава ’Град во Градот’, организирана од страна на општина Центар и се надеваме дека исто како и минатата година ќе има голема посетеност, а ние заедно со нашиот Диџеј ’Ајри Скреч’ (DJ IRIE SCRATCH) ќе направиме сè да ја опуштиме публиката уживајќи во нашите песни и се надеваме дека ќе ги ’внесеме’ сите во наредната 2015. година среќни и весели… 🙂 “.
Врвот на забавата за оваа голема прослава нè очекува со новогодишните концерти на најпозитивната дружина „С.А.Р.С.“ кои подготвуваат специјален настап за скопјани и секако групата која се покажа дека граѓаните најмногу ја посакуваат за дочекот на Новата година, балканскиот рок состав на денешницата „ВАН ГОГ“. Тие ја најавуваат журката преку видео поставено на Youtube поздравувајќи ги граѓаните на македонски „Скопје те сакаме!“./крај/со
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
В недела посебен сообраќаен режим во Скопје
Министерството за внатрешни работи известува дека на 31.3.2024 (недела), со почеток во 9 часот, поради одржување атлетска трка на 10 км, со траса на движење од долниот паркинг на Средно Водно по регионалниот пат (Р2138) до паркингот на манастирот „Св. Пантелејмон“ и обратно, Единицата за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.
Министерството за внатрешни работи апелира до граѓаните да ги почитуваат наредбите што ги издаваат полициските службеници на сообраќајниците на кои ќе се одвива настанот.
Скопје
Герасимовски: Центар со стратешки план ќе ги дефинира приоритетите за енергетска транзиција
Потребна е стратегија и патоказ за да имаме одржлив процес за енергетска транзиција во Општина Центар, ова е заклучокот од денешната работилница што се одржа во Енергетската канцеларија во локалната самоуправа. На работилницата на која учествуваа експерти, претставници на невладини организации, преставници на Општината и општинското претпријатие Енергија центар, соговорниците дискутираа за актуелните проекти во доменот на енергетиката, зелената агенда, животна средина и др.
Градоначалникот Герасимовски презентираше до каде е Општината во процесот на енергетска трансформација и транзиција. Тој потенцираше дека фотоволтаичната централа поставена на градинката Пепелашка минатото лето дава одлични резултати во намалување на трошоците за електрична енергија, а следно е поставување на централа врз покривот на ООУ ,,Киро Глигоров”. Наша цел е да поставиме фотоволтаични системи на сите основни училишта, но засега почнуваме прво со ООУ „Киро Глигоров“. Мораме да бидеме претпазливи и внимаваме на секој детаљ. Засега сме во процес на јавен тендер и фирмите учесници треба да ги исполнат критериумите.
Вангел Андрески, директор на Енергија Центар ја потенцираше улогата на првото вакво претпријатие во државата за производство и продажба на електрична енергија од обновливи извори.
„Со поддршка на Фондацијата „Фридрих Еберт“ успеавме да формираме вакво претпријатие, а процесот беше макотрпен и понекогаш фрустрирачки, со многу докуменатција, барања за куп дозволи по разни институции. Сега кога веќе започнавме со работа се соочивме со нов проблем, а тоа е потреба од едукација и подигање на свеста на граѓаните за придобивките на фотоволтаиците и нивната безбедност за корисниците, истакна Андрески, зборувајки за проектот кој се планира за ООУ ,,Киро Глигоров”.
Експерите се согласија дека иднината е токму во енергетската транзиција и трансформација која треба да почне од локално за да се прошири на национално ниво. Заштедите, но и бенефитите за животната средина се од непроценлива важност за воведување на вакви „зелени“ енергетски системи, но за разлика од другите држави во ЕУ и регионот, ние сме се уште во пионерска фаза.
Сите заштедени средства, велат експерите, по теркот на европските држави, понатаму треба да се влеваат во проектите од доменот на животната средина, преку субвенции за здрав и еколошки начин на живот на граѓаните.
Денешната работилница ,,Патоказ за енергетска транзиција – дефинирање на стратешки пристап кон одржлива иднина на Општина Центар” се организираше под покровителство и соработка со Фондација Фридрих Еберт, невладината Гринер и Општина Центар.
Скопје
Едукативен мото-настан утре во Кисела Вода
Утре, со почеток во 11 часот, пред салата Расадник, ќе се одржи едукативен мото-настан од отворен карактер „Сите возиме, но некои знаат“.
На присутните од страна на лиценцирани инструктори ќе им бидат презентирани важноста за техничка исправност на моторното превозно средство (мопед, скутер, мотор), правилната употреба на безбедносна опрема за возење, како и справување во реални ситуации на улица.
„Преку дружење со претставници и членови од мото-клубови, автошколи и здруженија ќе се изврши едукација за безбедно возење во и надвор од урбани средини, за брзината како фактор за општа безбедност и за намалувањето на загаденоста на воздухот преку користење електрични превозни средства“, велат од Општина Кисела Вода.