Скопје
Обуки за млади говорници во средните училишта
Здружението за развој на претприемништвото и туризмот – Концепт плус започна со реализации на обуки за т.н. меки вештини во средните училишта на територија на општина Гази Баба – Средно училиште „Михајло Пупин“, Средно училиште „Боро Петрушевски“, Средно училиште „Панче Арсовски“ и Средно училиште „8 Септември“ во рамките на проектот „Инвестираме во вештините на нашите млади граѓани, инвестираме во нашата општина“ финансиран од општина Гази Баба.
Основна цел на проектот е да се унапредат и развијат т.н. „меки“ вештини кај младите и невработени лица од општината со цел нивен поуспешен влез на пазарот на трудот или во високото академско образование. Со подготовката на младите, учениците преку обуките од областа на „меки“ вештините, ќе се зголеми на нивната самодоверба, ќе се подобри сопствената презентацијата и успешно ќе ги презентираат своите квалитети пред идните потенцијалните работодавци или академската заедница. Потребата од ваков вид на обуки е заради затворениот и изолиран начин на живот претежно само преку социјалните медиуми, младите луѓе се оградени од можноста постепено да ги стекнуваат овие вештини во својот живот и затоа овие обуки претставуваат можност со која тие би ги стекнале потребните вештини. Со напуштањето на средното училиште, и нивното продолжување понатаму во високите образовни институции или пазарот на трудот, младите се среќаваат себе си со недостаток на вештини кои се понекогаш и предуслов за напредок во кариерата или образованието. „Преку реализација на овој проект ќе се надмине недостатокот од директна интеракција на младите со нивното опкружување и ќе се унапредат нивните вештини во областа на комуникациите, јавното говорење, тимско работење и презентирање. Истовремено активностите кои се реализираат во овој проект е и да се промовира и да се поттикне поголемо учество на младите во општеството“, вели Пекевски Синиша – претседател на Концепт плус.Со обуките кои ќе бидат реализирание, младите луѓе ќе го надминат својот страв од јавното говорење и презентирање, ќе можат без страв да го преземаат водството во свои раце секогаш кога тоа се бара од нив и ќе научат како да бидат добри соработници, колеги и пријатели. Проектот „Инвестираме во вештините на нашите млади граѓани, инвестираме во нашата општина“е финансиски поддржан од општина Гази Баба, а го имплементира Здружението на граѓани КОНЦЕПТ Плус во 2016 година./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)