Скопје
Одржана завршна конференција од Неделата на енергетика 2014
Централниот настан на десеттата Недела на енергетика 2014 се одржа во вторник во салата на Советот на Град Скопје.
Конференцијата со наслов „Придобивки и стекнати искуства преку меѓународна соработка“, чија придобивка е зачувување на животната средина и природата, е целосно поддржана од RE-SEEties, проект со траење од две години, со буџет од 2.249.000 евра, кој се фокусира на проблемот на неефикасно искористување на ресурсите во градовите.
Проектот е поддржан од Европската унија и Транснационалната програма за соработка во Југоисточна Европа. Учествуваат осум општини од Југоисточна Европа (Будимпешта – Унгарија, Аигалиео – Грција, Потенца – Италија, Нитра – Словачка, Скопје – Македонија, Птуј – Словенија, Иванич Град – Хрватска, Харгита – Романија) и неколку професионални институции како партнери.
Целта е да им се помогне на општините да развијат интегрирано решение за отпад и енергија, за да се создадат урбани заедници кои ефикасно ќе ги искористуваат ресурсите.
На конференцијата се обрати градоначалникот на Град Скопје, Коце Трајановски, кој рече дека Градот реализира повеќе проекти во насока за зачувување на животната средина.
„Свесни за сè повисоките трошоци за енергија, за важноста на сигурното снабдување со енeргија, како и климатските промени предизвикани од ирационалното користење на енергијата, Градот Скопје придонесува за намалување на потрошувачката на фосилни горива за затоплување, намалување на емисиите на стакленички гасови и промоција за користење обновливи извори на енергија“, рече Трајановски.
„Проекти на кои Градот Скопје веќе работи, а придонесуваат кон зачувување на животната средина и природата се: тригодишната програма за енергетска ефикасност на објектите кои се под ингеренции на Град Скопје, промена на над 95% на уличните светилки на улиците кои се под ингеренција на Град Скопје со натриумови светилки (енергетски ефикасни), економично регулирање на топлински станици (систем со второстепена регулација), гасификација на две средни училишта, направени проекти за гасификација за уште две средни училишта и моментално е во тек почеток на изведба на системите, извршена е промена на ПВЦ прозорци во речиси сите средни училишта на Град Скопје, направена е целосна реконструкција на фасадата (изолација со стиропор со дебелина од 10 сантиметри), промена на старите прозорци со нови ПВЦ и промена на покривот на СУГС „Јосип Броз Тито“, како мерки за енергетска ефикасност на објектот, градот Скопје е еден од првите градови во Југоисточна Европа кој има централно регулирање на сообраќајот, преку донацијата на Владата на Р.Македонија, во сообраќај се веќе вклучени 100% нови автобуси во Јавното соообраќајно претпријатие со кои ќе се заштеди големо количество гориво и ќе се намали емисијата на штетни гасови за подобрување на квалитетот на воздухот во градот, се работи на проект за реконструкција на семафорите и илуминација на фасадите во центарот на Градот со лед светилки, преку многубројни проекти се развива свеста кај граѓаните за користање на велосипедите како превозни средства, а се организираат и различни манифестации во овој контекст, проширување на постојните велосипедски патеки и изградба на нови, проширување на старите сообраќајници во нови современи булевари, изградба на нови современи сообраќајници и изготвување проекти за нови сообраќајници со кружни токови на раскрсниците, се со цел за континуирано движење на возилата, а со тоа нивно економично трошење на горивото и помала емисија на издувните гасови“, велат од Град Скопје.
Настанот беше организиран со цел споделување позитивни искуства од меѓународна соработка кои вродиле со плод, а се од значење за граѓаните и заедницата, да ги сплоти стекнатите искуства и позитивните примери од успешни практики, како и продлабочување на соработката во меѓународни проекти од областа на животната средина и ефикасното искористување на ресурсите.
Настанот го организираше Центарот за енергетска ефикасност на Македонија – МАЦЕФ и Град Скопје, а финансиран е од меѓународниот проект „РЕ –СЕЕтиес“, дел од ЈИЕ програмата на ЕУ.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)
Скопје
Санкционирани 229 непрописно паркирани возила на територијата на општина Центар
ЈП Паркинзи на општина Центар и општина Центар во соработка со Сообраќајната полиција-Скопје во текот на една недела санкционираа 229 непрописно паркирани возила кои го попречувале нормалното и безбедно одвивање на сообраќајот.
„Во периодот од 15.04. до 21.04.2024 година, со помош на специјалните возила „Пајак“ на ЈП ПОЦ отстранети се 123 непрописно паркирани возила, а со поставување на механичко средство „Блокатор“ санкционирани се 106 возила кои биле затекнати на резидентни паркиралишта, а не биле корисници-резиденти на секторот во којшто биле паркирани“, велат од ПОЦ.
ЈП ПОЦ и општина Центар секојдневно водат грижа за да го доведат во ред сообраќајниот хаос настанат од непрописно паркираните возила на територијата на Општина Центар. Потсетуваме на почитување на сообраќајните правила од страна на секој учесник во сообраќајот со цел одржување на ред и безбедност на улиците, се додава во соопштението на ПОЦ.
Скопје
Неколку скопски општини денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електро дистрибутивната мрежа, без електрична енергија ќе останат делови од општините Шуто Оризари, Кисела Вода, Гази Баба и Чучер Сандево.
· од 08:00 до 10:00 часот, корисниците од улиците: Брсјачка Буна и Пелагонија. (Општина Шуто Оризари)
· од 09:00 до 12:00 часот, корисниците од село Усје. (Општина Кисела Вода)
· од 09:00 до 14:00 часот, корисниците од улиците: Пржино и Пандо Кљашев. (Општина Кисела Вода)
· од 09:00 до 15:00 часот, корисниците од ул. бр. 1 во с. Црешево, поточно објектите на патот кон с. Смиљковци. (Општина Гази Баба)
· од 10:30 до 12:30 часот, корисниците од делови од улиците: Македонско Косовска Бригада и Шуто Оризари. (Општина Шуто Оризари)
· од 12:30 до 13:30 часот, корисниците од селата: Кучевиште, Побожје, Бродец, Малино, Танушевци и Брест. (Општина Чучер Сандево)