Скопје
Одржани повеќе активности на манифестацијата „Вечери на женски права"
Во рамките на шестото издание на манифестацијата „Вечери на женски права” во петокот вечерта се одржаа поголем број на настани, каде централни беа изложба во Културно информативниот центар и прикажувањето на проекција на документарен филмови и одржаната дебата во градското кино Милениум.
Во Културно информативниот центар се одржа изложбата на уметнички дела „Нераскажаните приказни на суперхероините 2”, каде беа изложени 20 уметнички дела, на 20 уметнички по повод 20 години од усвојувањето на Пекингшката декларација и Платформа за акција (Пекинг +20). На оваа изложба присутните имаа можност да ги видат уметничките дела на Марија Сотировска, Христина Хаџиева, Ана Ивановска, Маја Кировска, Зорица Зафировска, Христина Зафировска, Ана Петрушевска, Мирослава Микица Трујкановиќ, Јасмина Новковска, Кристина Божурска, Дијана Богдановска, Инес Ефремова, Дијана Томиќ Радевска, Вана Урошевиќ, Ирена Паскали, Алма Идризи, Шкипе Мехмети, Лидија Петковска, Петра Јовановска и Маријета Сидовски.
Централниот настан се одржа во градското кино Милениум, каде присутните ги поздравија дел од организаторите на „Вечери на женски права”, претставници од UN Women во Скопје, како и проф. Слободанка Марковска и Јордан Плевнеш, ректор на универзитетот за Аудиовизуелни уметности – Европска филмска академија ЕСРА Париз-Скопје-Њујорк.
Во Милениум се прикажа проекција од документарниот филм „Кисмет”, кој е во режија на Нина Мариа Паскалиду, кој зборува за феноменот на турските сапунски опери кои ги гледаат милиони гледачи во целиот свет, како и како овие серии им помагаат на жените во одредени региони да ги надминат табуата, да ги бараат своите права и да ги трансформираат сопствените животи.
По проекцијата на документарниот филм „Кисмет”, се одржа тематска дискусија на тема „Како турските серии ја менуваат Македонија”.
Активностите од шестото издание на манифестацијата „Вечери на женски права” продолжуваат и во сабота, каде што во Кинотека на Македонија во 20 часот ќе биде прикажан документарниот филм „Маската во која живееш” (The Mask You Live In), кој е ви режија на Џенифер Сибел Њусом. По проекцијата на овој филм, ќе се одржи тематска дискусија на темата “Мажите и Балканот”.
Во недела /08.03.2015 година/ во 12 часот ќе се одржи велосипедска тура по повод глобалната кампања “Планета 50:50 до 2030 – Сите за родова еднаквост”.
Шестото издание на Вечерите на Женски Права ќе биде затворено со проекција во Кинотека на Македонија во 20 часот, на документарниот филм “Среќни засекогаш” (Happily Ever After), по што ќе следува тематска дискусија на тема “Вечна љубов – мит или реалност”.
Градот Скопје и оваа година финансиски го поддржува одржувањето на манифестацијата Вечери на Женски Права. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Советот на Општина Центар даде зелено светло за бесплатни тренинзи на јуниорите на КК Работнички во салата на ООУ ,,Коле Неделковски’’
На денешната 35. Седница на Советот на Општина Центар е усвоен предлогот на градоначалникот Горан Герасимовски за користење на училишната спортска сала во ООУ ,,Коле Неделковски” за потребите на младите кошаркари на КК Работнички, без надоместок, додека не биде реновирана салата во Градски парк.
На советниците градоначалникот Герасимовски им појасни дека се работи за исклучителна ситуација која ќе трае само додека не се создадат услови за одржување тренинзи во реновираното здание и дека оваа одлука е наменета само за јуниорскиот тим.
,,Ова не е одлука за првиот тим на Работнички туку за младинскиот клуб на КК Работнички бидејќи во моментот кога ќе почне да се реновира салата, тие ќе немаат простор за тренинзи. Знаеме каква е финасиската ситуација на младинскиот тим. Истиот функционира и од спортскиот ваучер што го доделува Владата, кој за жал доцни. И поради тие причини и поради тоа што самиот тим е сопственост на Општината, ние мораме да се грижиме за клубот и за младинците што таму тренираат и играат. Затоа мислам дека барањето е издржано и очекувам советниците да се согласат” истакна Герасимовски.
Предлог одлуката за користење на спортската сала во ООУ ,,Коле Неделковски” без надоместок од страна на КК Работнички за 2024 година е усвоен со 21 гласа ЗА, ниеден глас против и без воздржани.
Одлуката беше донесена откако КК Работнички-Скопје побара од Општината, како акционер, да добие тренинг термини во основните училишта за својот младински тим, поради реновирање на салата.
,,Како наш единствен акционер, сопственик и воедно сопственик на основните училишта во општината ве замолуваме да ни дозволите нашите младинци да тренираат во една од салите на школите кои се во ваша надлежност, стои во дописот на КК Работнички-Скопје испратен до Општина Центар.
Скопје
Герасимовски: Решен децениски проблем со безбедноста на сообраќајот на улицата Наум Наумовски-Борче
Општина Центар ја отстрани рампата на улицата „Наум Наумовски Борче” кај хотел Дувет, на раскрсницата помеѓу „Ленинова” и „Партизанска” која претставуваше проблем и пречка за функционирање на сите учесници во сообраќајот.
Со овој потег општината го реши деценискиот проблем на барање на жителите, по поднесена петиција во која се потпишаа 327 граѓани. Ова е направено во согласност со ДУП-от и за овој зафат се добиени потребните дозволи од сите надлежни институции.
На улицата се поставени столпчиња за безбедност во сообраќајот и за влегувањето на возилата во подземните гаражи. Со овој зафат се обезбедува пристапна зона која ќе биде проодна и безбедна за граѓаните.
,,Конечно го решаваме долгогодишниот проблем на ваше барање. Улицата станува безбедна за пешаците и за вас жителите. На овој потег постојано се случуваа сообраќајни незгоди и затоа ова моравме да го направиме. Со вадењето на рампата воедно и ја ослободивме улицата од сите пречки поради кои имаше проблеми”, им се обрати Герасимовски на собраните жители.
Општина Центар известува дека улицата ќе биде двонасочна, во широчина од 7 метри, по 3.5 од секоја страна, ќе се отстрани страничната урбана опрема и ќе се намалат надворешните тераси на угостителските објекти долж улицата „Наум Наумовски Борче”.
Со ова исто така ќе се оневозможи дивото паркирање на улицата што претходно претставуваше проблем за пешаците.
Скопје
Дел од неколку скопски населби без струја
Поради планирани прекини во електродистрибутивната мрежа без електрична енергија ќе останат следните корисници:
· Во период од 09,00ч до 16,00ч дел од корисниците во с. Волково и с. Кучково ( о. Ѓ. Петров);
· Од 09,00ч до 14,00ч корисниците од ул. Банско, ул. Баница, ул. Наум Охридски и ул. Жванска (о. К. Вода);
· Од 07,00ч до 15,00ч новите згради спроти Мерцедес ул. 852 (о. Г. Баба) и
· Во период од 09,00ч до 15,00ч дел од ул. Милан Мијалковиќ, ул.Пржино, ул.Кавалска (о. К. Вода).