Скопје
Општина Аеродром набави две возила за чистење снег
Општина Аеродром набави две возила за зимско одржување улици.
Станува збор за возилата од марка „ивеко дејли“, кои се опремени со сите неопходни делови за лесно, брзо и функционално реагирање при снежни врнежи.
Имено, камионите како дополнителна опрема имаат плуг за чистење снег, соларка со распрскувач и товарен сандак, а исто така и светла за магла.
Возилата имаат вкупна дозволена носивост од седум тони, така што со двете возила одеднаш може да се покрие целата територија на општината. За оваа инвестиција Општината одвои од својот Буџет околу осум милиони денари, а фирмата од која се набавени, Карго Макс, има обврска за одржување и гаранција на возилата во наредните три години.
Исто така, набавени се и 300 тони сол за зимско одржување улици. На тој начин почнувајќи од оваа година натаму Општина Аеродром нема да мора да ангажира фирми за одржување на локалните улици и патишта во зимски услови што се во нејзина надлежност.
Акциите за расчистување на снегот ќе ги организира со сопствени ресурси, во кои покрај двете нови возила за зимско одржување улици, ќе ги организира и сезонските работници да го чистат снегот од тротоарите.
На промоцијата на соларките, покрај градоначалникот на Општина Аеродром Ивица Коневски, присуствуваше и градоначалникот на Град Скопје, Коце Трајановски, кој го поздрави проектот и рече дека примерот на Аеродром треба да го следат и другите општини. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)
Скопје
Санкционирани 229 непрописно паркирани возила на територијата на општина Центар
ЈП Паркинзи на општина Центар и општина Центар во соработка со Сообраќајната полиција-Скопје во текот на една недела санкционираа 229 непрописно паркирани возила кои го попречувале нормалното и безбедно одвивање на сообраќајот.
„Во периодот од 15.04. до 21.04.2024 година, со помош на специјалните возила „Пајак“ на ЈП ПОЦ отстранети се 123 непрописно паркирани возила, а со поставување на механичко средство „Блокатор“ санкционирани се 106 возила кои биле затекнати на резидентни паркиралишта, а не биле корисници-резиденти на секторот во којшто биле паркирани“, велат од ПОЦ.
ЈП ПОЦ и општина Центар секојдневно водат грижа за да го доведат во ред сообраќајниот хаос настанат од непрописно паркираните возила на територијата на Општина Центар. Потсетуваме на почитување на сообраќајните правила од страна на секој учесник во сообраќајот со цел одржување на ред и безбедност на улиците, се додава во соопштението на ПОЦ.