Скопје
Отворен Центар на заедниците во општина Центар
Центарот на заедниците во општина Центар како дел од проектот “Општина по мерка на граѓаните“, беше отворен во понеделник.
Ова, рече извршниот директор на Фондацијата Отворено Општество – Македонија, Владимир Милчин, е во рамките на концептот 2014 – 2017 година, во партнерство со општините Центар, Струмица и Струга.
“Идејата се темели на уверението дека децентрализацијата и силната локална самоуправа се значајни за демократијата. Локалната власт треба да е најблиска до граѓаните. Овој проект е чекор кој ќе го овозможи ова“, рече Милчин.
Советот на општина Центар ќе биде оспособен за да можат граѓаните да присуствуваат на седниците на Советот.
Во Центарот на заедницата, кој се наоѓа во просториите на општина Центар, граѓаните ќе можат да добијат административна помош за тоа како да си ги остварат своите права. Исклучително значајно во формирањето на политиките на општината е учеството на граѓаните.
“Интерес кај граѓаните има, има интерес и кај вработените во општината и кај советниците. Македонија беше пример за развој на локалната самоуправа и децентрализацијата, но сега има застој. Не сакаат баш сите да се децентрализираат“, рече Милчин.
Градоначалникот на општина Центар, Андреј Жерновски истакна дека ова е исклучителна чест и обврска, бидејќи општина Центар е една од трите општини која е влезена во овој значаен проект.
Жерновски вети дека тој и општината ќе сторат сè за да се оправда оваа доверба.
“Секој градоначалник кога се кандидира ветува дека ќе направи општина по мерка на граѓаните. Некој успева во тоа, некој не. Сега, со помош на ФООМ, сме во можност ова и да го исполниме, бидејќи ние постоиме за граѓаните, а не тие за нас“, изјави Жерновски.
Градоначалникот на општина Центар вети дека максимално, тој и општинската администрација ќе се трудат да пружат помош на граѓаните, бидејќи не секогаш таа помош е на ниво и се очекува.
“Отсекогаш сум сакал на седниците на Советот на општината да бидат присутни и граѓаните за да се уверат како работиме и дали тоа е во интерес на истите. Сега тоа ќе можеме да го реализираме“, рече Жерновски.
Администрацијата ќе се обучува и како да ги користи средствата од ИПА фондовите.
Центарот е отворен за соработка со граѓаните и граѓанските организации и поддршка на нивните иницијативи, кои имаат за цел подобрување на животот во општина Центар, развој на демократијата и човековите права, образованието и социјалната заштита.
Веќе во декември,Центарот ќе почне со поддршка на иницијативата за движењето “Стоп за полициската бруталност“ и отворање на Центар за лекување на зависници од дроги во општина Центар. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)
Скопје
Санкционирани 229 непрописно паркирани возила на територијата на општина Центар
ЈП Паркинзи на општина Центар и општина Центар во соработка со Сообраќајната полиција-Скопје во текот на една недела санкционираа 229 непрописно паркирани возила кои го попречувале нормалното и безбедно одвивање на сообраќајот.
„Во периодот од 15.04. до 21.04.2024 година, со помош на специјалните возила „Пајак“ на ЈП ПОЦ отстранети се 123 непрописно паркирани возила, а со поставување на механичко средство „Блокатор“ санкционирани се 106 возила кои биле затекнати на резидентни паркиралишта, а не биле корисници-резиденти на секторот во којшто биле паркирани“, велат од ПОЦ.
ЈП ПОЦ и општина Центар секојдневно водат грижа за да го доведат во ред сообраќајниот хаос настанат од непрописно паркираните возила на територијата на Општина Центар. Потсетуваме на почитување на сообраќајните правила од страна на секој учесник во сообраќајот со цел одржување на ред и безбедност на улиците, се додава во соопштението на ПОЦ.
Скопје
Неколку скопски општини денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електро дистрибутивната мрежа, без електрична енергија ќе останат делови од општините Шуто Оризари, Кисела Вода, Гази Баба и Чучер Сандево.
· од 08:00 до 10:00 часот, корисниците од улиците: Брсјачка Буна и Пелагонија. (Општина Шуто Оризари)
· од 09:00 до 12:00 часот, корисниците од село Усје. (Општина Кисела Вода)
· од 09:00 до 14:00 часот, корисниците од улиците: Пржино и Пандо Кљашев. (Општина Кисела Вода)
· од 09:00 до 15:00 часот, корисниците од ул. бр. 1 во с. Црешево, поточно објектите на патот кон с. Смиљковци. (Општина Гази Баба)
· од 10:30 до 12:30 часот, корисниците од делови од улиците: Македонско Косовска Бригада и Шуто Оризари. (Општина Шуто Оризари)
· од 12:30 до 13:30 часот, корисниците од селата: Кучевиште, Побожје, Бродец, Малино, Танушевци и Брест. (Општина Чучер Сандево)