Скопје
Почна изградбата на втората фаза од плоштадот “Скендербег“
Започнаа работите за изградба на втората фаза на плоштадот “Скендербег“.
Работите за втора фаза беа најавени да започнат во почетокот на ноември, но според надлежните од Општината Чаир, затоа што ова фаза предвидува и изградба на мост над Булеварот „Гоце Делчев“ потребно е обезбедување на одобрение од Министерство за внатрешни работи.
„Бидејќи изградбата на втората фаза од плоштадот ’Скендербег’ ќе помине на булевар Гоце Делчев, па сè до зградата на Опера и Балет, во текот на времето на изведбените работи е потребно посебен режим на одбивање на сообраќајот“, информира локалната власт.
Првата фаза на Плоштадот „Скендербег“ се пушти во употреба една година порано и изнесуваше 2,8 милиони евра, и овде се опфатени реконструкција на продавниците во близина на споменикот на националниот херој и е изградена широка платформа која завршува со скали пред Споменикот.
Исто така, од Општината велат дека Плоштадот „Скендербег“ ќе се изгради во три фази и вкупно ќе изнесува 10 милиони евра кои сега веќе се обезбедени од страна на Владата и тоа според почетниот план по завршување на втората фаза ќе се изгради третата фаза, каде се предвидува подземен паркинг каде од зелениот појас ќе се премине во Општина Центар. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Едукативен мото настан утре во Кисела Вода
Утре, со почеток во 11 часот, пред салата Расадник, ќе се одржи едукативен мото настан од отворен карактер „Сите возиме, но некои знаат“.
На присутните од страна на лиценцирани инструктори, ќе им биде презентирани важноста за техничка исправност на моторното превозно средство (мопед, скутер, мотор), правилната употреба на безбедносна опрема за возење, како и справување во реални ситуации на улица.
„Низ дружење со претставници и членови од мото клубови, автошколи и здруженија ќе се изврши едукација за безбедно возење во и надвор од урбани средини, за брзината како фактор за општа безбедност и за намалувањето на загаденоста на воздухот преку користење на електрични превозни средства“, велат од општина Кисела Вода.
Скопје
Герасимовски: Конечно, Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.