Скопје
Промовирана монографијата 70 години градска библиотека „Браќа Миладиновци“
Во рамки на активностите за одбележување на 70 годишнината од постоењето на библиотеката „Браќа Миладиновци“, во четврток беше промовирана монографијата „70 години Градска библиотека Браќа Миладиновци- Скопје”.
Во рамки на активностите за одбележување на 70 годишнината од постоењето на библиотеката „Браќа Миладиновци“, во четврток беше промовирана монографијата „70 години Градска библиотека Браќа Миладиновци- Скопје”.
На промоцијата на монографијата присуствуваа градоначалникот на Град Скопје, Коце Трајановски и директорката на Градска библиотека „Браќа Миладиновци“ Гордана Петревска, додека монографијата ја презентираше проф. д-р Виолета Мартиновска.„Долгата историја на библиотеката со многу емоции е пренесена во монографијата. Авторите прават обид да ги претстават состојбите и активностите во библиотеката во изминатите 70 години, со изразит акцент на првата половина од историскиот развој, претставувајќи детали кои немале можност да ги запознаат посетителите. Во тој контекст оваа монографија претставува еден печат во времето и просторот, значаен едукативен материјал за сите генерации, читатели и сведок за активното учество при преведувачката и издавачката дејност и сведок за големиот библиотечен фонд и архива која ја има оваа институција“, рече градоначалникот Трајановски.Директорката Петревска направи ретроспектива на создавањето, развојот и работата на Градска библиотека „Браќа Миладиновци“ изминативе 70 години.„Во 1950 година Градска библиотека „Браќа Миладиновци“ имала 9. 520 книги на располагање, додека денес бројката е над 1.200.000 книги и публикации. Денес, Градска библиотека „Браќа Миладиновци“ е современа библиотека и едукативен центар која извршува дејности од јавен интерес и наша цел е да продолжиме да работиме во насока на задоволување на потребите на нашите чататели“, рече Петревска.Беа доделени пофалници на истакнати работници за особен придонес во работата и развој на Библиотеката и плакети на Град Скопје и Министерството за култура. Посебна плакета за особен придонес во развојот и унапредувањето на Библиотеката беше доделена и на градоначалникот на Град Скопје, Коце Трајановски./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
(Видео) „Прифатена Иницијативата за конфискација на дивоградби, ова е голема победа на општината“, вели Герасимовски
Општина Центар извојува победа. Една година по поднесувањето на Иницијативата за регулирање, конфискација и пренамена на бесправно изградени објекти од градоначалникот на Општина Центар Горан Герасимовски до ЗЕЛС, Собранието го донесе Законот за управување со конфискуван имот, имотна корист, одземени предмети во кривична и прекршочна постапка.
Станува збор за Иницијатива со која на сите локални самоуправи во државата им се дава можност за конфискација на бесправно изградените објекти на нивна територија и нивна пренамена во функција на општината.
„Општина Центар е лидер во промени, лидер во храбри и позитивни одлуки и решенија во полза на граѓаните. Прифаќањето на Иницијативата за конфискација и пренамена на бесправно изградени објекти и нејзино преточување во Законско решение е победа на Општина Центар но и сите други општини во државата. Собранието на 19 овој месец, го донесе Законот за управување со конфискуван имот, имот на корист, одземени предмети во кривична и прекршочна постапка, каде во Членот 66 е преточена Иницијативата која ја поднесов до ЗЕЛС со која се дава можност Агенцијата за конфискуван имот врз основа на одлука на Владата дивоградбата да ја предаде на општината. Ова значи дека ние општините имаме две можности или да го легализираме објектот или доколку има услови истиот да го урнеме во рок од 6 месеци од прием. Доколку одлучиме да го легализираме, ќе можеме да го дадеме на социјално ранливи категории на граѓаните или на користење за разни културни, пензионерски, младински домови“, посочи Герасимовски денеска пред медиумите.
Герасимовски појаснува дека новото Законско решение налага локалните самоуправи да не можат да го ОТУЃАТ објектот на градежни фирми или други субјекти кои се работат со недвижности, што всушност значи дека се иззема било каква можност за профит на сметка на нелегално изградените објекти. Новиот Закон за управување со конфискуван имот, имотна корист, одземени предмети во кривична и прекршочна постапка не се однесува за дивоградбите кои се на приватно земјиште, за кои веќе се води инспекциска постапка за рушење или се води постапка за легализација.
На прес-конференцијата Герасимовски потсети дека иако поднесувањето на Иницијативата беше широко прифатена од градоначалниците сепак мораше да ги помине институционалните процедури во Министерството за транспорт и врски, Министерството за правда и Собранието како законодавен дом.
„Во државата има близу 100 илјади дивоградби, еве во Општина Центар има дивоизградени објекти и на државно земјиште и во зелена зона. За онеспособување на два такви поголеми објекти сумите се енормно високи, околу 5,5 милиони денари за две згради да ги оневозможиме да бидат функционални. Но сега со новото законско решение наместо дувло на бездомници како што најчеста е реалноста дивоградбите ќе можат да се пренаменат и за други потреби односно да бидат или пензионерски домови, креативни работилници или клубови за млади или пак предадени за социјално загрозени семејства“, потенцира Герасимовски.
Герасимовски напоменува дека со донесувањето на ова законско решение ќе се превенира урбанистичкиот хаос, а градежниците ќе треба да се запрашаат дали ќе градат без одобрение за градба. Воедно потсетува градоначалникот дека средствата планирани за уривање на нелегални објекти општините ќе може да ги пренаменат во други потреби за граѓаните.
Скопје
„Маски, смеа, рингишпил- дојди во Шеговил!“ – голема забава под маски во Кисела Вода
Под слоганот „Маски, смеа, рингишпил- дојди во Шеговил!“ општина Кисела Вода, в понеделник, на први април, организира голема забава под маски за најмладите.
Пред салата Расадник ќе биде поставен забавен парк со најразлични реквизити, ќе има кловнови и аниматори, а за музичкиот дел се задолжени „Поточиња”.
Настанот започнува во 11 часот, а за изборот на најдобра маска ќе одлучи жири комисија од општината. Најдобрите маски ќе добијат награди, велат од општината и ги покануваат сите дечиња да дојдат во Шеговил и со своите насмевки, шеги и маски да поминат еден прекрасен ден.
Скопје
Дел од општина Центар денеска без вода
Регионалниот центар за управување со кризи на Град Скопје, по добиеното известување од ЈП Водовод и канализација – Скопје, информира дека, денеска без вода ќе биде дел од општина Центар.
Поради отстранување дефект на водоводна мрежа на улицата 50-та Дивизија бр. 35, од 10:00 часот до завршување со интервенцијата, прекинато водоснабдување ќе имаат корисниците од истата улица и улицата Димче Мирчев во општина Центар.