Скопје
Првпат годинава се организира и Виз Ер Скопје маратон експо
„Виз Ер Скопски маратон“ кој ќе се оддржи на 10-ти мај, е под покровителство на Град Скопје, Европската унија и Агенцијата за млади и спорт, а годинава главниот спознор „Виз Ер“, доделува бесплатен ваучер на сите учесници на маратонот во износ од 20 евра кој може да се искористи преку wizzair.com
„Виз Ер Скопски маратон“ кој ќе се оддржи на 10-ти мај, е под покровителство на Град Скопје, Европската унија и Агенцијата за млади и спорт, а годинава главниот спознор „Виз Ер“, доделува бесплатен ваучер на сите учесници на маратонот во износ од 20 евра кој може да се искористи преку wizzair.com
За што подобра промоција и информираност за маратонот, „Виз Ер Скопје маратон експо“ е саемот кој првпат годинава ќе се оддржи од 7-ми до 9-ти мај, три дена пред „Виз Ер Скопски маратон“. Ваков вид саем традиционално се оддржува во секоја светска метропола каде што се трча Маратонот.
Претпоследниот, односно втор рок за пријавување и плаќање за „Виз Ер Скопски маратон“ е до 10-ти април. Цените за пријавување кои важат до 10-ти април се: 300 денари за трката на 5 километри, 850 денари за маратонската и полумаратонската трка, 3.000 денари за екипа на учество на штафетниот маратон. По овој датум цените се зголемуваат, а поради пополнување на предвидениот број учесници, пријавувањето може да биде и затворено пред последниот предвиден рок за тоа, 4-ти мај. Пријавувањето се врши преку веб страната на маратонот www.skopskimaraton.com.mk
Во склоп на „Виз Ер Скопски маратон“ ќе се оддржи државното првенство на Македонија во маратон. Новитет е штафетниот маратон за кој постои голем интерес. Интересно е да се спомене дека по пат на лотарија, двајца македонски натпреварувачи/ки ќе имаат можност да трчаат на „Њујорк маратонот“, кој ќе се оддржи на 11-ти ноември годинава, со кој „Виз Ер Скопски маратон“ оствари соработка.
Популаризација на спортот како начин на водење здрав живот, поголема свест кај луѓето за спортување- во здраво тело, здрав дух, се дел од причините зошто маратоните се популарни, а саемите се едни од најпосетените низ светските метрополи. „Виз Ер Скопје маратон експо“, саемот по повод „Виз Ер Скопски маратон“ има тенденција да стане традиција и саем кој ќе биде центар за сите учесници, спонзори, светски спортисти и познати личности.
Оваа година подигнувањето на стартните пакети за учесниците во сите трки на „Виз Ер Скопски маратон ќе биде на „Виз Ер Скопје маратон експо“. Во периодот на оддржување на саемот влезот на саемот ќе биде бесплатен./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)
Скопје
Санкционирани 229 непрописно паркирани возила на територијата на општина Центар
ЈП Паркинзи на општина Центар и општина Центар во соработка со Сообраќајната полиција-Скопје во текот на една недела санкционираа 229 непрописно паркирани возила кои го попречувале нормалното и безбедно одвивање на сообраќајот.
„Во периодот од 15.04. до 21.04.2024 година, со помош на специјалните возила „Пајак“ на ЈП ПОЦ отстранети се 123 непрописно паркирани возила, а со поставување на механичко средство „Блокатор“ санкционирани се 106 возила кои биле затекнати на резидентни паркиралишта, а не биле корисници-резиденти на секторот во којшто биле паркирани“, велат од ПОЦ.
ЈП ПОЦ и општина Центар секојдневно водат грижа за да го доведат во ред сообраќајниот хаос настанат од непрописно паркираните возила на територијата на Општина Центар. Потсетуваме на почитување на сообраќајните правила од страна на секој учесник во сообраќајот со цел одржување на ред и безбедност на улиците, се додава во соопштението на ПОЦ.
Скопје
Неколку скопски општини денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електро дистрибутивната мрежа, без електрична енергија ќе останат делови од општините Шуто Оризари, Кисела Вода, Гази Баба и Чучер Сандево.
· од 08:00 до 10:00 часот, корисниците од улиците: Брсјачка Буна и Пелагонија. (Општина Шуто Оризари)
· од 09:00 до 12:00 часот, корисниците од село Усје. (Општина Кисела Вода)
· од 09:00 до 14:00 часот, корисниците од улиците: Пржино и Пандо Кљашев. (Општина Кисела Вода)
· од 09:00 до 15:00 часот, корисниците од ул. бр. 1 во с. Црешево, поточно објектите на патот кон с. Смиљковци. (Општина Гази Баба)
· од 10:30 до 12:30 часот, корисниците од делови од улиците: Македонско Косовска Бригада и Шуто Оризари. (Општина Шуто Оризари)
· од 12:30 до 13:30 часот, корисниците од селата: Кучевиште, Побожје, Бродец, Малино, Танушевци и Брест. (Општина Чучер Сандево)