Скопје
Пуштена во употреба реконструираната улица број 5 во Сарај
Реконструираната улица број 5 во Сарај во среда свечено беше пуштена во употреба.
„Реконструкцијата на оваа улица беше од висок приоритет бидејќи станува збор за една од најфреквентните улици во Сарај, улица на која се сместени поголем број институции, како што се училиштето и градинката. Коловозот на оваа улица беше многу оштетен и на места раскопан по поставувањето на фекалната канализација. Сега, со овој зафат, улицата број 5 е реконструирана на должина од 600 метри и со ширина од 5 метри, на вкупна површина од 3.000 квадратни метри. Во текот на градежните работи стариот и оштетен асфалтен слој на оваа улица е отстранет, нанесен е тампонски слој и нов асфалтен слој“, рече Градоначалникот на Град Скопје, Коце Трајановски.Градоначалникот на Општина Сарај, Беким Мурати изјави дека ова е уште еден проект којшто се реализира на територијата на Општина Сарај и е резултат на одличната соработка помеѓу градот и општината. Тој наведе дека како резултат на оваа соработка на почетокот на оваа година се реконструираше и главната улица во Шишево и изрази надеж дека ќе продолжи реализацијата на заедничките инфраструктурни проекти со кои ќе се подобри животот на жителите.За реконструкцијата на улица број 5 во Сарај Градот Скопје одвои околу 3 милиони денари.„Обновата на улицата 5 ќе придонесе да се подобрат условите за жителите во овој дел од општината Сарај и да се зголеми безбедноста за сите учесници во сообраќајот“, информираат од Град Скопје. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)
Скопје
Санкционирани 229 непрописно паркирани возила на територијата на општина Центар
ЈП Паркинзи на општина Центар и општина Центар во соработка со Сообраќајната полиција-Скопје во текот на една недела санкционираа 229 непрописно паркирани возила кои го попречувале нормалното и безбедно одвивање на сообраќајот.
„Во периодот од 15.04. до 21.04.2024 година, со помош на специјалните возила „Пајак“ на ЈП ПОЦ отстранети се 123 непрописно паркирани возила, а со поставување на механичко средство „Блокатор“ санкционирани се 106 возила кои биле затекнати на резидентни паркиралишта, а не биле корисници-резиденти на секторот во којшто биле паркирани“, велат од ПОЦ.
ЈП ПОЦ и општина Центар секојдневно водат грижа за да го доведат во ред сообраќајниот хаос настанат од непрописно паркираните возила на територијата на Општина Центар. Потсетуваме на почитување на сообраќајните правила од страна на секој учесник во сообраќајот со цел одржување на ред и безбедност на улиците, се додава во соопштението на ПОЦ.
Скопје
Неколку скопски општини денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електро дистрибутивната мрежа, без електрична енергија ќе останат делови од општините Шуто Оризари, Кисела Вода, Гази Баба и Чучер Сандево.
· од 08:00 до 10:00 часот, корисниците од улиците: Брсјачка Буна и Пелагонија. (Општина Шуто Оризари)
· од 09:00 до 12:00 часот, корисниците од село Усје. (Општина Кисела Вода)
· од 09:00 до 14:00 часот, корисниците од улиците: Пржино и Пандо Кљашев. (Општина Кисела Вода)
· од 09:00 до 15:00 часот, корисниците од ул. бр. 1 во с. Црешево, поточно објектите на патот кон с. Смиљковци. (Општина Гази Баба)
· од 10:30 до 12:30 часот, корисниците од делови од улиците: Македонско Косовска Бригада и Шуто Оризари. (Општина Шуто Оризари)
· од 12:30 до 13:30 часот, корисниците од селата: Кучевиште, Побожје, Бродец, Малино, Танушевци и Брест. (Општина Чучер Сандево)