Скопје
Се проширува улицата „Васил Чакаларов“ пред крстосницата со улица „Московска“
Почна проширувањето на улицата „Васил Чакаларов“ во делот пред крстосницата со улицата „Московска“, а на почетокот од градежните работи присуствуваа градоначалникот на Град Скопје, Коце Трајановски, градоначалникот на Општина Карпош, Стевчо Јакимовски и директорот на ЈП „Улици и патишта“.
Со реализацијата на овој проект, на кој ќе работат екипите на ЈП „Улици и патишта“, ќе се овозможи растоварување на сообраќајниот метеж што се создава на оваа раскрсница. „Наредниов период улицата „Васил Чакаларов“ ќе се прошири за една сообраќајна лента во должина од 100 метри, од страната на Студентскиот дом „Гоце Делчев“, односно од крстосницата со улицата „Московска“ во насока кон Ѓорче Петров. Исто така, улицата „Васил Чакаларов“ ќе се прошири за една сообраќајна лента во должина од 200 метри, во правец од Ѓорче Петров до крстосницата со улицата „Московска“. Со проширувањето, ќе се овозможи непречено вртење во десно во посебна лента на возилата што сега чекаат на крстосницата и прво ги пропуштаат возилата што се движат право, па поради што се создава метеж. Овој проект ќе придонесе за побрзо и побезбедно одвивање на сообраќајот по оваа улица која е продолжение на булеварот „Митропотил Теодосиј Гологанов“ и претставува една од најважните сообраќајни артерии во овој дел на Скопје“, рече градоначалникот Трајановски.Градоначалникот на Општина Карпош Јакимовски кажа дека овој проект е важен за подобрување на проточноста на сообраќајот по овој важен булевар и ќе придонесе за подобрување на животната средина во овој дел на градот.По проширувањето на улицата „Васил Чакаларов“ со по една сообраќајна лента од двете страни, ќе се оформат и пешачка и велосипедска патека.За овој градежен зафат Градот Скопје одвои околу 3,5 милиони денари./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Едукативен мото-настан утре во Кисела Вода
Утре, со почеток во 11 часот, пред салата Расадник, ќе се одржи едукативен мото-настан од отворен карактер „Сите возиме, но некои знаат“.
На присутните од страна на лиценцирани инструктори ќе им бидат презентирани важноста за техничка исправност на моторното превозно средство (мопед, скутер, мотор), правилната употреба на безбедносна опрема за возење, како и справување во реални ситуации на улица.
„Преку дружење со претставници и членови од мото-клубови, автошколи и здруженија ќе се изврши едукација за безбедно возење во и надвор од урбани средини, за брзината како фактор за општа безбедност и за намалувањето на загаденоста на воздухот преку користење електрични превозни средства“, велат од Општина Кисела Вода.
Скопје
Герасимовски: Конечно, Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.