Скопје
Скопјани појадуваа на мост
Манифестацијата „Појадок на мост“ во недела се одржа на Камениот мост и Мостот на цивилизациите во Република Македонија, под покровителство на Град Скопје, во организација на Секторот за локален економски развој, а во соработка со Средното угостителско училиште на Град Скопје „Лазар Танев“.
Манифестацијата „Појадок на мост“ во недела се одржа на Камениот мост и Мостот на цивилизациите во Република Македонија, под покровителство на Град Скопје, во организација на Секторот за локален економски развој, а во соработка со Средното угостителско училиште на Град Скопје „Лазар Танев“.
На двата моста, појадуваа повеќе од две илјади граѓани, а со нив беше и градоначалникот на Град Скопје, Коце Трајановски.
„Почитувани граѓани, чест ми е што по петти пат имам можност да ја отворам и на сите вас да ви посакам добредојде на петтата традиционална манифестација “Појадок на Мост”. Ми претставува задоволство што гледам дека оваа манифестација е прифатена од граѓаните, па и оваа година на двата моста има голем број посетители и консументи, кои заеднички ќе појадуваат, ќе се дружат, но и ќе го почувствуваат гостопримството на овој град. Градот Скопје со организирањето на оваа манифестација, има за цел да ги обедини и зближи сите граѓани на Скопје и заедно да уживаат во уште еден несекојдневен заеднички појадок на симболот на градот Скопје, Камениот мост, а од минатата година и на популарно наречениот мост Око, којшто е доказ за сплотеноста на македонскиот народ со сите националности коишто живеат на овие простори. Поради својата уникатност овој настан стана препознатлив за Градот Скопје и ќе продолжи да привлекува голем број на посетители кои би уживале во убавините на нашиот град. Имено, Град Скопје континуирано работи и ќе работи во насока на збогатување на културно- забавниот живот на граѓаните и посетителите на Градот Скопје“, истакна градоначалникот Трајановски.
Манифестацијата се одржа во организација на СУГС „Лазар Танев“, а храната и ланч-пакетите ги подготвуваа 600 лица и тоа според сите светски и европски стандарди за подготовка на храна. Ланч-пакетите содржеа 14 до 15 различни продукти, а благодарение на донаторите коишто секако доаѓаат од угостителскиот сектор, секоја година има се повеќе избор на продукти кои влегуваат во ланч пакетите.
За реализација на настанот “Појадок на мост”, во Буџетот на Град Скопје за 2014 година издвоени се средства во износ од 600.000,00 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)