Скопје
Скопје одбележува 53 години од катастрофалниот земјотрес
Скопје во вторник одбележува 53 години од катастрофалниот земјотрес, кога во 1963 година во 5:17 минути градот беше разрушен, а настрада околу 1.100 луѓе.
Во ЈУ Културно информативен центар Скопје, утре од 9 до 17 часот ќе се одржи традиционалната крводарителска акција на Црвениот крст на град Скопје и изложба на фотографии.Во ЈУ Младинскиот културен центар во 20 часот ќе почне „МКЦ за Скопје“ – настан со кој ќе ја одбележат 53 годишни од скопскиот катастрофален земјотрес, а ќе биде отворен со изложбата „Скопје 63-Хроника на една катастрофа“ на фотографот Бошко Фржоп (Хрватска), потоа ќе бидат прикажани 5 кратки филмови на скопските режисери Игор Иванов Изи, Вардан Тозија, Даријан Пејовски, Ѓорче Ставревски и Марко Ѓокович.За крај на вечерта се планирани настапите на групите СИЗ, Stuttgart Online и YOU.
По тој повод, во Музеј на град Скопје, во 20 часот, во рамките на одбележувањето на 53 години од катастрофалниот земјотрес во Скопје, градоначалникот Коце Трајановски ќе ја отвори изложбата „Скопје 63-виртуелни изложбени тури“.Откако веста за оваа катастрофа го обиколи светот, меѓународната заедница, односно сите земји во светот, ја започнаа акцијата за помош. Но, и по сета таа катастрофа, човечките вредности, хуманоста, солидарноста, меѓуетничкиот соживот дадоа импулс за интензивирана градителска посветеност и помош за развој и истите беа на највисоко ниво, во размери невидени дотогаш во историјата.Скопје стана град на Интернационалната солидарност. Во Музејот на град Скопје, кој е нем споменик на тоа време, секоја година се навраќаме и се сеќаваме на тој настан,прикажувајки пред јавноста одделни теми кои откриваат детали од Скопје пред земјотресот, за време на земјотресот и по катастрофата. Во изминатите години Музејот создаде импресивна збирка на предмети, фотографии, филмски записи, архивски документи кои беа прикажувани на годишните времени изложби организирани секој 26 јули.Имајќи во вид дека презентирањето на меморијата за настаните врзани со Скопскиот земјотрес е неопходно да биде што подостапна за генерациите млади луѓе родени после земјотресот, така што и самите имаат недостиг од сопствена меморија врзана за катастрофата, Музеј на град Скопје конципираше поинаков изложбен модел од досегашниот. Новиот концепт е моделиран базирајќи се врз дигиталните технологии кои се разбирливиот јазик на младите генерации, односно годинава Музејот започна со дигитално-виртуелно претставување на конвенционалните изложбени концепти, со што ќе им понуди на граѓаните многу поголем број информации. Виртуелниот концепт на претставување на музејскиот материјал ќе биде постојано надополнуван со нови идни концепти со што ќе се создаде база за создавање на Виртуелен музеј на 26. Јули.На тој начин сите информации и предмети кои Музејот на град Скопје ги собираше изминативе години ќе бидат достапни за граѓаните на светот еднакво како и за граѓаните на Македонија, презентирани на неколку светски јазици.Изработени се виртуелни изложбени тури со 360* приод до 4 конвенционални изложби, каде што посетителите на веб страниците на Музеј на град Скопје и на Град Скопје, ќе имаат можност интерактивно да ги одбираат и разгледуваат содржините по сопствен избор во текот на целата година. Направен е избор од 4 изложби во продукција на Музеј на град Скопје на следните теми:2006- Граѓаните на светот за граѓаните на Скопје ;2009-Скршениот град;2013-Скопје 63-одбележување на 50 години од земјотресот;2014-Скопје 63 –Филмска хроника на едно време;Изложба 1-Продукција 2006- Граѓаните на светот за граѓаните на СкопјеСкопје е град на солидарноста. По земјотресот на 26 јули во 1963 година, хуманоста и желбата да се помогне, се слеа од различни локации од целиот свет, и од тогашната татковина СФР Југославија. Од правта на земјотресот во еден кус период се подигнаа нови населби и објекти од јавен карактер, со несебична помош на народи и влади на држави од сите меридијани на светот. Се врати оптимизмот и надежта на овој град, а собраниот и обединет свет, со неизмерна верба и љубов, помогна во градењето на новото Скопје, кое стана симбол на човековата пожртвуваност, хуманост и солидарност.Изложба 2-Продукција 2009-Скршениот градПреку стари разгледници отсликано е Скопје пред 1963 година, за време на катасрофалниот земјотрес и непосредно по него, како и дел од објектите од обновеното Скопје. Преку оваа изложба претставени се последиците на катастрофата врз секојдневното живеење и граѓаните, како и врз архитеконскиот амбиент. Солидарноста од целиот свет во спасувањето на граѓаните, но и во изградбата на ново Скопје е од особено значење, што неизоставно е дел од претставувањето и на оваа изложба. Изложба 3-Продукција 2014-Скопје 63 –Филмска хроника на едно времеИзложбата е подготвена по повод одбележувањето на 26 јули – денот на скопскиот катастрофален земјотрес од 1963 година, и 50-годишнината од премиерната изведба на документарниот филм „СКОПЈЕ ’63“ во режија на Вељко Булајиќ. Изложбата содржи историски податоци за времето на настанувањето на филмот проткаени во скопската приказна за летото ’63, и проследени со избран фотографски материјал кој ни го прикажува снимањето на филмот, како и селектирани кадри од истиот, низ еден хронолошки ред на настаните- од урнатини до враќањето на животот во него.Филмот постигнал светска слава. Го нашол своето место на најреномираните филмски фестивали во 60. години на минатиот век, а на неколку од нив добил престижни награди. Изложба 4-Продукција 2013-Скопје 63-одбележување на 50 години од земјотресот;Изложбата низ предмети и фотографии ни пренесува информации за земјотресот низ неколку сегменти, почнувајќи од првите мигови по катастрофата, сè до изградбата на првите монтажни населби во коишто, пред почетокот наз имата, беа сместени бездомните скопјани до почетокот на 1964 година. Изложбената содржината е презентирана преку следните тематски целини: Први мигови по земјотресот, Културното богатство во урнатини, Спасување на затрупаните, Евакуација, Тито во Скопје (27 јули 1963), Скопје во југословенскиот и странскиот печат, Солидарност, Скопје – Град под шатори, Хрушчов во Скопје (22 август 1963), Расчистување на урнатините, Санација на објектите, Приградски населби и ООН. Во амбиентот на салата се сместени повеќе оригинални музејски експонати со историска и етнолошка содржина, од кои најголем дел биле донирани од граѓани на Скопје. Благодарение на соработката на Музејот на град Скопје со Сеизмолошката опсерваторија при Природно-математичкиот факултет – Скопје, и на соработката со Кинотеката на Македонија, Црвениот Крст на град Скопје, како и Амбасадата на Шпанија, Амбасадата на Бугарија и Генералниот конзулат на Кралството Данска, изложбата е исто така, збогатена со предмети што ги надополнуваат информациите за скопската трагедија. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Арсовска изврши увид во завршните градежни работи на реконструкција на водоводната мрежа на улицата Антон Попов
Градоначалничката на Град Скопје, Данела Арсовска заедно со претставници од Секторот за планирање и уредување при Град Скопје и скопското јавно претпријатие „Водовод и канализација“ извршија увид во завршните градежни работи на реконструкција на водоводната мрежа на улицата Антон Попов во општината Гази Баба.
Со изведбата на водоводните приклучоци на овој потег кои се поврзуваат со постојната водоводна мрежа со профил од 150 милиметри, се решава повеќедеценискиот проблем на жителите со честите прекини во водоснабдувањето поради застареноста на системот, а се решаваат загубите на вода и трошоци за поправките на дефектите на водоводната мрежа, велат од Град Скопје.
Изведбата на овој проект претставува дел од програмата на градоначалничката Данела Арсовска за обновување на градската мрежа, во децениски заборавените населени места, што претставуваше и долгогодишно барање на жителите од тој дел на градот, се додава во соопштението на Град Скопје.
Скопје
Скопје викендов со изменет режим на сообраќај поради одржување на предизборни митинзи
Поради одржување митинг од изборната кампања за претседателските избори 2024 година на 21 април (недела) во 13.00 часот пред седиштето на Европската унија на ул.„Св. Кирил и Методиј“ во Скопје, Единицата за безбедност на патниот сообраќај при СВР Скопје ќе преземе мерки за посебен режим на сообраќај на оваа улица почнувајќи од 19:00 часот на 20 април (сабота) до 21.00 часот на 21 април (недела), соопштуваат од МВР.
Притоа, за сообраќај ќе биде затворена ул.„Св.Кирил и Методиј“ на потегот од крстосница со булевар „Кочо Рацин“ до крстосница со булевар „Св. Климент Охридски“.
Исто така, на 21 април во 20.00 часот на плоштад „Македонија“ во Скопје ќе се одржи митинг од изборната кампања за претседателските избори 2024 година.
Од тие причини, Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
За таа цел, МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвиваат настаните
Скопје
Советот на Општина Центар даде зелено светло за бесплатни тренинзи на јуниорите на КК Работнички во салата на ООУ ,,Коле Неделковски’’
На денешната 35. Седница на Советот на Општина Центар е усвоен предлогот на градоначалникот Горан Герасимовски за користење на училишната спортска сала во ООУ ,,Коле Неделковски” за потребите на младите кошаркари на КК Работнички, без надоместок, додека не биде реновирана салата во Градски парк.
На советниците градоначалникот Герасимовски им појасни дека се работи за исклучителна ситуација која ќе трае само додека не се создадат услови за одржување тренинзи во реновираното здание и дека оваа одлука е наменета само за јуниорскиот тим.
,,Ова не е одлука за првиот тим на Работнички туку за младинскиот клуб на КК Работнички бидејќи во моментот кога ќе почне да се реновира салата, тие ќе немаат простор за тренинзи. Знаеме каква е финасиската ситуација на младинскиот тим. Истиот функционира и од спортскиот ваучер што го доделува Владата, кој за жал доцни. И поради тие причини и поради тоа што самиот тим е сопственост на Општината, ние мораме да се грижиме за клубот и за младинците што таму тренираат и играат. Затоа мислам дека барањето е издржано и очекувам советниците да се согласат” истакна Герасимовски.
Предлог одлуката за користење на спортската сала во ООУ ,,Коле Неделковски” без надоместок од страна на КК Работнички за 2024 година е усвоен со 21 гласа ЗА, ниеден глас против и без воздржани.
Одлуката беше донесена откако КК Работнички-Скопје побара од Општината, како акционер, да добие тренинг термини во основните училишта за својот младински тим, поради реновирање на салата.
,,Како наш единствен акционер, сопственик и воедно сопственик на основните училишта во општината ве замолуваме да ни дозволите нашите младинци да тренираат во една од салите на школите кои се во ваша надлежност, стои во дописот на КК Работнички-Скопје испратен до Општина Центар.