Скопје
Скопје во потрага по техничко-технолошко решение за третман на отпадните води
Јавна расправа за Студијата за финансирање, изградба и работа на станицата за пречистување отпадни води за градот Скопје, се одржа во петок во просториите на Град Скопје.
Во рамки на расправата, беше презентирана анализата и препорачаните решенија за третман на отпадните води и управувањето со тињата: кондиционирање, одлагање, повторна употреба и елиминација.
На расправата присуствуваа градоначалникот на Град Скопје, Коце Трајановски, министерот за животна средина и просторно планирање, Нурхан Изаири и амбасадорот на Франција во Република Македонија, Лоренс Оер, како и претставници на државни институции, експертската јавност и невладините организации.
„Оваа јавна расправа е од исклучителна важност за донесувањето на конечната одлука за избор на најповолно технички-технолошко решение за планираната пречистителна станица за отпадни води во Скопје“, рече градоначалникот Коце Трајановски.
Министерот за животна средина и просторно планирање, Нурхан Изаири, нагласи дека изградбата на пречистителната станица за Скопје е проект од исклучителна важност за заштита на животната средина, од национално и прекугранично значење.
„Очекуваме студијата што е во фаза на изработка да го даде најдоброто и најповолното решение за финансирање, изградба и работа на станицата за пречистување на отпадни води во Град Скопје“, нагласи Изаири.
Амбасадорката на Франција, Лоренс Оер, потенцира дека во овој период се работи на изнаоѓање на најдобрите техничко-технолошки решенија за третман на отпадните води и на тињата, а во иднина ќе се работи на изнаоѓањето најповолни можности за финансирање, за граѓаните на Скопје да добијат современа постројка за пречистување на водите за долг временски период.
Изработката на Студијата за финансирање, изградба и работа на пречистителна станица за отпадни води за Скопје е финансиски поддржана од Фондот за студии и помош во приватниот сектор – ФАСЕП и француската Влада во висина од 729.000 евра. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дел од општина Центар денеска без вода
Регионалниот центар за управување со кризи на Град Скопје, по добиеното известување од ЈП Водовод и канализација – Скопје, информира дека, денеска без вода ќе биде дел од општина Центар.
Поради отстранување дефект на водоводна мрежа на улицата 50-та Дивизија бр. 35, од 10:00 часот до завршување со интервенцијата, прекинато водоснабдување ќе имаат корисниците од истата улица и улицата Димче Мирчев во општина Центар.
Скопје
Дел од општина Карпош без струја
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електро дистрибутивната мрежа, без електрична енергија ќе остане дел од општина Карпош.
Од 09:00 до 11:00 часот, корисниците од улицата Никола Парапунов бр. 1 (јужната кула кај стара телевизија) и бр. 11 (зградата спроти бурекџилница Сараево) во општина Карпош ќе останат без струја.
Скопје
Град Скопје: Почна реконструкцијата на пешачкиот мост на Вардар во општина Центар
Град Скопје почна со реконструкција на пешачкиот мост на Вардар во општина Центар. Ова е еден од објектите чија реконструкција се реализира во рамките на проектот за санација на 36 моста, надвозници и пешачки натпатници, кои се во надлежност на Град Скопје, велат од таму.
Појаснуваат дека некои од мостовите и натпатниците и покрај потребата, повеќе децении не се санирани, а неопходни се реконструкции на коловози, огради, пешачки и велосипедски патеки, со што значително ќе се придонесе за зголемување на безбедноста за сите учесници во сообраќајот.
„Со системско следење на надлежностите, ќе се постигнат позитивни резултат, затоа што за овие инфраструктурни објекти неопходен е континуиран мониторинг со цел навремено санирање и редовно одржување. Реконструкцијата на пешачкиот мост се реализира на децениско барање на граѓаните, кои секојдневно го користат, а градежните работи ги изведуваат екипите на скопското јавно претпријатие ‘Улици и патишта’“, потенцираат од Град Скопје.