Скопје
Со паметен избор на транспорт – до посилна економија
Како паметниот избор на движење низ урбаните средини влијание врз животната средина, квалитетот на воздухот, здравјето на луѓето, домашниот буџет, но и врз развојот и зајакнувањето на економијата беа темите на кои денеска во Јавна соба – Центарот за дизајн и иновации се дискутираше на отворениот Форум „Паметна мобилност.Силна економија“.
Како паметниот избор на движење низ урбаните средини влијание врз животната средина, квалитетот на воздухот, здравјето на луѓето, домашниот буџет, но и врз развојот и зајакнувањето на економијата беа темите на кои денеска во Јавна соба – Центарот за дизајн и иновации се дискутираше на отворениот Форум „Паметна мобилност.Силна економија“.
Претставници на различни општествени и стопански субјекти ги пренесоа искуствата како следејќи ги и прифаќајќи ги современите урбани транспортни трендови успеваат да ги унапредат своите компании и институции, во исто време заштитувајќи ја животната средина. Денешните дискусии беа насочени кон темите кои се фокус на Европската недела на мобилност 2016. Се зборуваше за Урбаната мобилност и практичните решенија на Градот, Развој на зелени урбани коридори, Развивање на локалната економија преку урбаната мобилност – практични примери од приватниот сектор, Зелени работни места и користење на иновативен пристап во развивање на бизнисот, Хибридни електрични возила и колку тие се навистина достапни за граѓаните, како и за улогата на медиумите и ИТ секторот во развој на паметната урбана мобилност.Беа слушнати прекрасни примери како вработените можат да се мотивираат за користење еколошки начини на транспорт, а со тоа да се постигне поголема ефективност на работното место, да се подобри здравјето на вработените и да се намали бројот на боледувања. Истражувањата покажуваат дека градовите кои промовираат одржлив транспорт се во значителна економска предност во однос на оние кои се залагаат за традиционално поттикнување на користењето на автомобили. Дека ваквиот интелегентен пристап кон урбаниот транспорт може да значи и отворање на нови работни места јасно покажаа примерите од мали компании кои нудат услуги за еколошко пренесување на пратки и кои веќе успешно функционираат во градот. Автомобилските компании кои нудат на пазарот хибридни возила укажаа дека постои се поголем интерес кај граѓаните за купување на хибридни возила кои се се подостапни. Евидентен е и примерот на големи компании кои за сопствените деловни потреби користат електрични возила. И секако информатичката технологија е важна алатка во оваа приказна бидеќи ги креира софтверските апликации со кои добиваме точни, навремени и достапни информации за поедноставно движење низ градот. На форумот, Градот Скопје во соработка со Министерството за животна средина и просторно планирање и Програмата за развој на обединетите нации го објавија предизвикот за граѓани за идеи како да поминеш поинаков „ зелен“ ден во Скопје.Идејата поттикнува на иновативен пристап во креирање на туристички рути во кои би се склопиле веќе постоечките ресурси на Градот .Предложените рути треба бидат наменети за туристички и рекреативни активности за граѓаните и посетителите на Скопје како нова туристичка понуда, со нови содржини, места до кои ќе се патува со користење и комбинирање на различни видови транспорт (пеш, велосипед, јавен превоз, електрични или хибридни возила), без користење на бензинско или дизел возило. Предлозите треба да ги вклучат можностите за развој на еко-туризмот во градот и околината. Најдобриот предлог ќе добие награда, а рутата ќе биде предложена како нова еколошка туристичка понуда на Градот. Настанот е организиран од Град Скопје, Министерството за животна средина и просторно планирање и Програмата за развој на Обединетите нации./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)
Скопје
Санкционирани 229 непрописно паркирани возила на територијата на општина Центар
ЈП Паркинзи на општина Центар и општина Центар во соработка со Сообраќајната полиција-Скопје во текот на една недела санкционираа 229 непрописно паркирани возила кои го попречувале нормалното и безбедно одвивање на сообраќајот.
„Во периодот од 15.04. до 21.04.2024 година, со помош на специјалните возила „Пајак“ на ЈП ПОЦ отстранети се 123 непрописно паркирани возила, а со поставување на механичко средство „Блокатор“ санкционирани се 106 возила кои биле затекнати на резидентни паркиралишта, а не биле корисници-резиденти на секторот во којшто биле паркирани“, велат од ПОЦ.
ЈП ПОЦ и општина Центар секојдневно водат грижа за да го доведат во ред сообраќајниот хаос настанат од непрописно паркираните возила на територијата на Општина Центар. Потсетуваме на почитување на сообраќајните правила од страна на секој учесник во сообраќајот со цел одржување на ред и безбедност на улиците, се додава во соопштението на ПОЦ.
Скопје
Неколку скопски општини денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електро дистрибутивната мрежа, без електрична енергија ќе останат делови од општините Шуто Оризари, Кисела Вода, Гази Баба и Чучер Сандево.
· од 08:00 до 10:00 часот, корисниците од улиците: Брсјачка Буна и Пелагонија. (Општина Шуто Оризари)
· од 09:00 до 12:00 часот, корисниците од село Усје. (Општина Кисела Вода)
· од 09:00 до 14:00 часот, корисниците од улиците: Пржино и Пандо Кљашев. (Општина Кисела Вода)
· од 09:00 до 15:00 часот, корисниците од ул. бр. 1 во с. Црешево, поточно објектите на патот кон с. Смиљковци. (Општина Гази Баба)
· од 10:30 до 12:30 часот, корисниците од делови од улиците: Македонско Косовска Бригада и Шуто Оризари. (Општина Шуто Оризари)
· од 12:30 до 13:30 часот, корисниците од селата: Кучевиште, Побожје, Бродец, Малино, Танушевци и Брест. (Општина Чучер Сандево)