Скопје
Трајановски: Поплавите не беа предизвикани заради попуштање на браните на Смилковското и Стајковското езеро
Градоначалникот на Град Скопје, Коце Трајановски во четврток изврши увид на поголем број на локации во населеното место Сингелиќ каде се извршуваат активности за расчистување на теренот.
Трајановски, заедно со министерот за животна средина и просторно планирање, Башким Амети, посетија повеќе локации каде се работи на санација на оштетената инфраструктура, односно каде пред два дена започна санацијата на цевките во отворените канали и премините. На терен се констатира дека каналите на повеќето премини се целосно санирани и истите се целосно оспособени за одвивање на сообраќај.Во рамките на теренските посети, градоначалникот Трајановски, придружуван од градоначалникот на Општина Гази Баба, Тони Трајковски, го посетија Стајковското езеро, со цел да направат увид во состојбата на браната и коритото на езерото и евентуалните претрпени штети од поплавите. „Водата од Стајковското езеро не е излеана и браната ја задржала водата во рамките на коритото. Како што може да видите, коритото не е пробиено, со што се побиваат дел од шпекулациите дека поплавите се надојдени со попуштањето на браните на Смилковското и Стајковското езеро“, кажа градоначалникот Трајановски. Градоначалниците Трајковски и Трајановски подоцна посетија поголем број на локации каде екипи на јавните претпријатија и волонтери чистеа на терен во населеното место Сингелиќ. Едно од локациите каде се одвиваше голема акција за чистење е дворот на црквата „Свети Ѓорѓија“, каде работеа претставници од јавните претпријатија, Армијата на Република Македонија и доброволци од Општина Кривогаштани.Во рамките на теренските посети, градоначалниците ја посетија и привремената депонија во основното училиште во Сингелиќ, каде се собираше сметот од поплавените куќи. Во моментов се работи на целосно расчистување на оваа депонија и во наредниве неколку дена истата ќе биде целосно расчистена, ќе биде целосно дезинфицирана и ќе се врати во првобитната состојба за време на почетокот на училишната година. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Арсовска изврши увид во завршните градежни работи на реконструкција на водоводната мрежа на улицата Антон Попов
Градоначалничката на Град Скопје, Данела Арсовска заедно со претставници од Секторот за планирање и уредување при Град Скопје и скопското јавно претпријатие „Водовод и канализација“ извршија увид во завршните градежни работи на реконструкција на водоводната мрежа на улицата Антон Попов во општината Гази Баба.
Со изведбата на водоводните приклучоци на овој потег кои се поврзуваат со постојната водоводна мрежа со профил од 150 милиметри, се решава повеќедеценискиот проблем на жителите со честите прекини во водоснабдувањето поради застареноста на системот, а се решаваат загубите на вода и трошоци за поправките на дефектите на водоводната мрежа, велат од Град Скопје.
Изведбата на овој проект претставува дел од програмата на градоначалничката Данела Арсовска за обновување на градската мрежа, во децениски заборавените населени места, што претставуваше и долгогодишно барање на жителите од тој дел на градот, се додава во соопштението на Град Скопје.
Скопје
Скопје викендов со изменет режим на сообраќај поради одржување на предизборни митинзи
Поради одржување митинг од изборната кампања за претседателските избори 2024 година на 21 април (недела) во 13.00 часот пред седиштето на Европската унија на ул.„Св. Кирил и Методиј“ во Скопје, Единицата за безбедност на патниот сообраќај при СВР Скопје ќе преземе мерки за посебен режим на сообраќај на оваа улица почнувајќи од 19:00 часот на 20 април (сабота) до 21.00 часот на 21 април (недела), соопштуваат од МВР.
Притоа, за сообраќај ќе биде затворена ул.„Св.Кирил и Методиј“ на потегот од крстосница со булевар „Кочо Рацин“ до крстосница со булевар „Св. Климент Охридски“.
Исто така, на 21 април во 20.00 часот на плоштад „Македонија“ во Скопје ќе се одржи митинг од изборната кампања за претседателските избори 2024 година.
Од тие причини, Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
За таа цел, МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвиваат настаните
Скопје
Советот на Општина Центар даде зелено светло за бесплатни тренинзи на јуниорите на КК Работнички во салата на ООУ ,,Коле Неделковски’’
На денешната 35. Седница на Советот на Општина Центар е усвоен предлогот на градоначалникот Горан Герасимовски за користење на училишната спортска сала во ООУ ,,Коле Неделковски” за потребите на младите кошаркари на КК Работнички, без надоместок, додека не биде реновирана салата во Градски парк.
На советниците градоначалникот Герасимовски им појасни дека се работи за исклучителна ситуација која ќе трае само додека не се создадат услови за одржување тренинзи во реновираното здание и дека оваа одлука е наменета само за јуниорскиот тим.
,,Ова не е одлука за првиот тим на Работнички туку за младинскиот клуб на КК Работнички бидејќи во моментот кога ќе почне да се реновира салата, тие ќе немаат простор за тренинзи. Знаеме каква е финасиската ситуација на младинскиот тим. Истиот функционира и од спортскиот ваучер што го доделува Владата, кој за жал доцни. И поради тие причини и поради тоа што самиот тим е сопственост на Општината, ние мораме да се грижиме за клубот и за младинците што таму тренираат и играат. Затоа мислам дека барањето е издржано и очекувам советниците да се согласат” истакна Герасимовски.
Предлог одлуката за користење на спортската сала во ООУ ,,Коле Неделковски” без надоместок од страна на КК Работнички за 2024 година е усвоен со 21 гласа ЗА, ниеден глас против и без воздржани.
Одлуката беше донесена откако КК Работнички-Скопје побара од Општината, како акционер, да добие тренинг термини во основните училишта за својот младински тим, поради реновирање на салата.
,,Како наш единствен акционер, сопственик и воедно сопственик на основните училишта во општината ве замолуваме да ни дозволите нашите младинци да тренираат во една од салите на школите кои се во ваша надлежност, стои во дописот на КК Работнички-Скопје испратен до Општина Центар.