Скопје
Труењето на учениците во ООУ “11-ти Октомври“ – вонредна точка на седницата на Советот на општина Центар
Општина Центар ќе ги преземе сите неопходни мерки за расчистување на случајот со групно труење на ученици во ООУ “11-ти Октомври“, најави во четврток градоначалникот на Центар Андреј Жерновски.
Според него, за состојбата, како вонредна точка, ќе расправа и Советот на општината на седницата во вторник, 22 септември.
Жерновски, по јавувањата од загрижени родители во средата, реагираше до училишниот одбор и ја посочи директорката како главен виновник за состојбите во училиштето.
Тој додаде дека директорката не доставила доставна книга за излезни фактури на училиштето, избрала несоодветен кандидат за професор по англиски јазик, отпуштила од работа наставници со долгогодишно искуство и најдобри резултати, лошо ги менаџира средствата, училишната менза не работи, заради што децата носат храна од дома, а хигиената во тоалетите е на најниско ниво.
„Директорката направила низа повреди од одредбите на Законот за основното образование, како: неостварување на Програмата за работа, нереализирање на плановите и програмите за воспитно-образовната работа, со што се нанесува штета на учениците, на нивните родители и на училиштето“, вели Жерновски. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)
Скопје
Санкционирани 229 непрописно паркирани возила на територијата на општина Центар
ЈП Паркинзи на општина Центар и општина Центар во соработка со Сообраќајната полиција-Скопје во текот на една недела санкционираа 229 непрописно паркирани возила кои го попречувале нормалното и безбедно одвивање на сообраќајот.
„Во периодот од 15.04. до 21.04.2024 година, со помош на специјалните возила „Пајак“ на ЈП ПОЦ отстранети се 123 непрописно паркирани возила, а со поставување на механичко средство „Блокатор“ санкционирани се 106 возила кои биле затекнати на резидентни паркиралишта, а не биле корисници-резиденти на секторот во којшто биле паркирани“, велат од ПОЦ.
ЈП ПОЦ и општина Центар секојдневно водат грижа за да го доведат во ред сообраќајниот хаос настанат од непрописно паркираните возила на територијата на Општина Центар. Потсетуваме на почитување на сообраќајните правила од страна на секој учесник во сообраќајот со цел одржување на ред и безбедност на улиците, се додава во соопштението на ПОЦ.