Скопје
Започна проектот ’Мобилни полициски станици’ во скопските села
Проектот ’Мобилни полициски станици’ во руралните места во скопскиот регион почна со реализација во четврток во село Стајковци. Тоа значи постојано присуство на полицијата со возило, ткн мобилна полициска станица, каде граѓаните ќе можат да побараат совет, одредена помош или информација која им е потребна, а исто така возилото ќе биде опремено со сите потребни обрасци и документи, потребни за функционирање на овие мобилни полициски станици.
Денеска во текот на работниот ден мобилни полициски станици освен во Стајковци ќе бидат присутни и во 17 други рурални населени места.
Министерката за внатрешни работи, Гордана Јанкулоска, појасни дека проектот значи организирање на посебни мотопатроли составени од водич на безбедносен реон и двајца полициски службеници коишто ќе вршат општи полициски работи, односно остварување на контакти со локалната самоуправа, локалното население, со претседатели на месни заедници, претставници на верските заедници, контакти со локални приватни стопанственици.
„Намерата е заеднички да се детектираат проблемите на заедницата, да се воспостави меѓусебно информирање, заедничко решавање на локални безбедносни проблеми, упатување на граѓаните во соодветни институции, преземање на мерки и активности по конкретни пријави од страна на граѓаните. Односно да се зајакне и зголеми меѓусебната доверба и подобрување на општата безбедносна состојба во тие средини“, истакна министерката Јанкулоска.
На промоција на проектот присуствуваше и градоначалникот на Општина Гази Баба, Тони Трајковски, кој потенцираше дека едно од барањата на граѓаните било токму формирањето мобилни полициски патроли, во насока на зголемување на комуникацијата на вработените во МВР и граѓаните, а исто така и подобрување на квалитетот на извршувањето на услугите, во интерес на граѓаните.
За реализација на проектот во полициските станици на подрачјето на СВР Скопје веќе се формирани дваесетина полициски тимови во функција на мобилни полициски станици кои што во наредниот период до декември ќе бидат обврзани да партолираат во околу 140 рурални места на подрачјето на скопско.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)