Скопје
Започна проектот Растеме здраво, едукативни работилници за здрава храна за деца
Во вторникот Започна кампањата под името „Растеме здраво“ која е проект на шеф Огненовски во соработка со скопската општина Карпош и се состои од едукативни работилници за подигнување на свеста кај родителите за значењето на здравата исхрана и доближување на можностите за приготвување здрава храна за своите дечиња.
Со првата фаза ќе се опфатат сите градинки во Општина Карпош, а потоа проектот продолжува во основните училишта. Работилниците ќе ги предводи шеф Влатко Огненовски, кој е познат гастроном и готвач.
Во Форца кафе бар и ресторан, Шеф Огненовски и градоначалникот на општина Карпош, Стевчо Јакимовски официјално ја претставија кампањата Растеме Здраво пред медиумите. Присутните имаа можност да се запознаат со проектот и воедно да ја дегустираат здравата храна приготвена од шеф Огненовски.
Сашо Лазаровски, претседател на Советот на Општина Карпош на прес-конференцијата изјави „На огромно задоволство на општина Карпош, овој проект ‘Растеме здраво’ започнува токму кај нас. Општината Карпош ги поддржува сите настани кои се однесуваат на најмладите категории и со овој проект ќе ги научиме како да го чуваат своето здравје и здраво да се хранат“.
,,Македонија изобилува со сезонски овошја и зеленчуци. Нашата земја има се што ќе посакате. Потребно е сите заедно да ја реставрираме традиционалната македонска кујна која содржи сезонски домашни состојки. На овие работилници ќе разговараме, ќе готвиме, ќе дегустираме вкусна и здрава храна“, рече познатиот шеф Влатко Огненовски на средбата со новинарите.
Првата работилница е во градинката „Мајски цвет“ во населбата Тафталиџе и продолжува во другите градинки во целата општина. Родителите кои ќе ги посетат овие работилници ќе добијат директни насоки за начинот на кој треба да ја приготват храната за своите деца, а ќе добијат прилика и да ја дегустираат истата. На крајот на секоја презентација, тие ќе добијат брошура со неделни рецепти, изготвена од шеф Огненовски. /крај/мф/вп
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)