Контакт

Скопје

Заврши четвртото издание на Skopje Design Week

Објавено пред

Четвртото издание на Недела на дизајнот (Skopje Design Week) во Скопје заврши в недела, 28-ми септември.

dobivaj vesti na viber

Недела на дизајнот почна на 23-ти септември во Куршумли-ан, а во текот на шестте програмски денови се одржаа основачката конференција на Балканската дизајн мрежа, две панел-дискусии, четири бизнис презентации, триесетина работилници, еден поетски слем, комерцијални, самостојни и патувачки изложби, шест концерти и диџеј-сетови, додека секојдневно работеше Гастро талент лабораторијата и дизајнерската продавница на „Капка“ и „Лудус“, а се одржа и „фестивалот во фестивал“ на „Body, mind and Spirit“. 

Четвртото издание на Недела на дизајнот во Скопје ќе остане забележано по основачкката конференција на Балканската дизајн мрежа (Balkan Design Network), на која, како иницијатори, основачи и претставници на регионот од кој доаѓаат, присуствуваа Александар Велиновски од „Јавна соба“ (Скопје), Маја Лалиќ од фестивалот „Миксер“ (Белград) и Ивана Боровњак од Хрватската асоцијација на дизајнери. Целта на новата платформа ќе биде во текот на наредните две години да работи на дефинирање на балканскиот дизајн-идентитет со кој ќе се настапи во светски рамки. Во форма на регионален натпревар за дизајн на млади продукт-дизајнери платформата ќе биде отворена за сите самостојни дизајнери и студија кои ќе најдат свој интерес во заедничкиот настап на светскиот пазар. 

Бизнис и едукативните презентации ќе останат забележени по настапите на Рикардо Капузо, Никола Радељковиќ, Џејмс Келин и Марта Наумовска Грнарова. 

Пет работилници со учество на повеќе од триесет апликанти одржа Анита Гај од „Lotus design store“ и „Lotus lounge chair“. Од 24 до 28 септември во Куршумли-ан се одржаа работилниците за дизајн на поп-ап столици од рециклиран материјал, фузија на стакло, дизајн на керамички чаши, работилницата „Моден круг“ и работилница за 3Д-декорации. Ментори на работилниците, покрај Анита Гај, беа Марта Поп Антоска (М-арт), Александар Дудески (Творница) и модната дизајнерка Ирина Тошева. 

На SDW беше прогласен победникот, дизајнерот Гаспер Стерн од Словенија, на меѓународниот конкурс за креативно решение за брендирање на нов производ – гроздовиот мед на Винарската визба „Тиквеш. 

Во текот на Недела на дизајнот во Скопје се одржа третото Државно првенство на баристи, а од 20 натпреварувачи во финалето влегоа шест. Титулата Бариста на Македонија за 2014 година ја освои Филип Цанев од „Coffee Academy“.

Панел-дискусиите беа резервирани за Медиа Принт Македонија, на тема „Традиционални vs. дигитални медиуми“, и „Навигаторс“, на тема „Дизајн на комуникацијата Vol.2 – Остани Бараба, те чекам на Тараба“. 

Горниот кат во Куршумли-ан беше резервиран за изложбата на десет млади дизајнери и студија од земјата во фокус – Франција, а во Скопје дојдоа лично да се претстават Вилијам Бужон и Жулиен Бенајун од „Болд дизајн“, Зорана Јањиќ со „Жонжик“, студиото „Воло и Диевр“, студиото ГГСВ на Гаељ Габије и Стефан Вилар, продукт-дизајнерите Арно Лапјер, Силви Амар, Саар Фемури, Амодин Кор и Аиса Ложеро, Жан-Шарл Аме и студиото „Е+К“ на графичките дизајнери Елиз Гај и Кевин Доно. На истиот кат беа поставени и изложбите на млади таленти, новоформирани студија, хрватската гастро-изложба „Гладни дизајнери“, изложбата на бугарски дизајнери „Batch 4“ и патувачката изложба „Млади балкански дизајнери“, која во 2014 година е со наслов „Секојдневни херои“. 

Пред влезот на Куршумли-aн беше поставена дизајнерската продавница на „Капка“ и „Лудус“, каде публиката имаше можност да стапи во директен контакт со македонските дизајнери и да открие кои се новите дизајнерски трендови, додека во зоната на Гастро талент лабораторијата на „Барбакан“ како пријатели во готвењето дојдоа манекенката Катарина Ивановска, францускиот готвач Оливие Роше, Влатко Огненовски од „Ореов лад“ и голем број гастро-гурмани. 

Во рамките на „фестивалот во фестивал“ на Недела на дизајнот во Скопје на 27 и 28 септември се одржа фестивалот „Body, Mind and Spirit“. Во претпладневните часови се одвиваа детските работилници со наслов „Абакус магија“, на кои децата над 4-годишна возраст се запознаа со старата источна сметалка Абакус со помош на едукативниот центар „Светилник“. 

Во пладневните и попладневните часови се одржаа работилниците „Дизајнирајте го вашето тело“ со Тринити, „Тренинг, уметност, култура – Капоера“ со менторство на Бразилскиот културен центар во Скопје и Спортскиот боречки клуб „Капоера“, „Дизајнирај го својот живот – НЛП“ под менторство на Марина Анчевска, како и „Дизајнирај го својот оброк – дизајнирај го својот живот“ со нутриционистот Тања Турунџиева Станкоска. Во програмата беа застапени и боречките вештини за урбани воини развиени од Дана Силјан и работилницата на Златко Кескоски за Кендо – „Патот на мечот и самурајскиот дух“. Под менторство на Јулијана Даскалов се одржа и работилницата „Изградете го домот од соништата – Употреба на Фенг Шуи во дизајн на ентериерот“. 

Во забавниот сегмент на задоволство на бројната публика настапија „Мјустрап“, „Лејт фор кофи“, „Лорна винг“, „Луз азул“, „Заа“, „Нејкед“, диџеј Ачим и диџеј Мед Хатер од Србија и македонските диџеи Флудер, Флуид, Васо и Томи Бојаџи. 

„Неделата на дизајнот во Скопје во целост ги исполни очекувањата на комерцијалните партнери, дизајнерите и публиката. Разнообразната програма, исклучително квалитетните презентации и работилници, големиот број гости од странство и бројната домашна публика се предизвик да се продолжи со засилено темпо во развојот на креативните индустрии кај нас, но и на регионално ниво“, велат од SDW.крај/мф

Скопје

Арсовска избрана за портпарол и координатор за следење и спречување на корупција

Објавено пред

Градоначалничката на град Скопје, Данела Арсовска, денес во Совет на Европа на конгресот на локални власти едногласно е избрана за портпарол и координатор за следење и спречување корупција на локално и регионално ниво.

dobivaj vesti na viber

Арсовска минатата година беше избрана за потпретседател на Европската народна партија за локални власти, а годинава со нов мандат за портпарол и координатор за следење и спречување корупција на локално и регионално ниво ќе ги води и следи процесите на почитување на европскиот кодекс на однесување за сите лица вклучени во локалното и регионалното управување.

Нејзини надлежности, како што информираат од Град Скопје, меѓу другите, се да го координира и подобри влијанието на работата на конгресот за спречување на корупцијата во локалните власти, да известува за утврдени случаи на корупција на локални и регионални власти и да ја промовира стратегијата на конгресот за спречување на корупцијата и унапредување на јавната етика на локално и регионално ниво.

Арсовска ќе го претставува конгресот на сите значајни настани организирани од Советот на Европа и меѓувладиниот сектор за прашања на јавната етика и справување со корупцијата, организира и координира активности со групата држави против корупцијата (ГРЕКО), со цел идентификување и размена на добри практики, решенија за предизвиците и начини за промовирање на јавната етика и спречување на корупцијата.

Прикажи повеќе...

Скопје

(Видео) „Прифатена иницијативата за конфискација на дивоградби, ова е голема победа на Општината“, вели Герасимовски

Објавено пред

Општина Центар извојува победа. Една година по поднесувањето на иницијативата за регулирање, конфискација и пренамена на бесправно изградени објекти од градоначалникот на општина Центар, Горан Герасимовски, до ЗЕЛС, Собранието го донесе Законот за управување со конфискуван имот, имотна корист, одземени предмети во кривична и прекршочна постапка.

dobivaj vesti na viber

Станува збор за иницијатива со која на сите локални самоуправи во државата им се дава можност за конфискација на бесправно изградените објекти на своја територија и нивна пренамена во функција на општината.

„Општина Центар е лидер во промени, лидер во храбри и позитивни одлуки и решенија во полза на граѓаните. Прифаќањето на иницијативата за конфискација и пренамена на бесправно изградени објекти и нејзино преточување во законско решение е победа на Општина Центар но и сите други општини во државата. Собранието на 19 овој месец, го донесе Законот за управување со конфискуван имот, имот на корист, одземени предмети во кривична и прекршочна постапка, каде во членот 66 е преточена иницијативата која ја поднесов до ЗЕЛС со која се дава можност Агенцијата за конфискуван имот врз основа на одлука на Владата дивоградбата да ја предаде на Општината. Ова значи дека ние општините имаме две можности или да го легализираме објектот или доколку има услови истиот да го урнеме во рок од 6 месеци од прием. Доколку одлучиме да го легализираме, ќе можеме да го дадеме на социјално ранливи категории на граѓаните или на користење за разни културни, пензионерски, младински домови“, посочи Герасимовски денеска пред медиумите.

Герасимовски појаснува дека новото законско решение налага локалните самоуправи да не можат да го ОТУЃАТ објектот на градежни фирми или други субјекти кои се работат со недвижности, што всушност значи дека се иззема било каква можност за профит на сметка на нелегално изградените објекти. Новиот Закон за управување со конфискуван имот, имотна корист, одземени предмети во кривична и прекршочна постапка не се однесува за дивоградбите што се на приватно земјиште за кои веќе се води инспекциска постапка за рушење или се води постапка за легализација.

На прес-конференцијата Герасимовски потсети дека иако поднесувањето на иницијативата беше широко прифатена од градоначалниците, сепак мораше да ги помине институционалните процедури во Министерството за транспорт и врски, Министерството за правда и Собранието како законодавен дом.

„Во државата има речиси 100 илјади дивоградби, еве во општина Центар има дивоизградени објекти и на државно земјиште и во зелена зона. За онеспособување два такви поголеми објекта сумите се енормно високи, околу 5,5 милиони денари за две згради да ги оневозможиме да бидат функционални. Но, сега со новото законско решение, наместо дувло на бездомници, како што најчеста е реалноста, дивоградбите ќе може да се пренаменат и за други потреби, односно да бидат или пензионерски домови, креативни работилници или клубови за млади или, пак, предадени за социјално загрозени семејства“, потенцира Герасимовски.

Герасимовски напоменува дека со донесувањето на ова законско решение ќе се превенира урбанистичкиот хаос, а градежниците ќе треба да се запрашаат дали ќе градат без одобрение за градба. Воедно, градоначалникот потсетува дека средствата планирани за уривање нелегални објекти општините ќе може да ги пренаменат во други потреби за граѓаните.

Прикажи повеќе...

Скопје

„Маски, смеа, рингишпил – дојди во Шеговил!“ – голема забава под маски во Кисела Вода

Објавено пред

Со слоганот „Маски, смеа, рингишпил – дојди во Шеговил!“ општина Кисела Вода, в понеделник, на 1 април, организира голема забава под маски за најмладите.

dobivaj vesti na viber

Пред салата „Расадник“ ќе биде поставен забавен парк со разни реквизити, ќе има кловнови и аниматори, а за музичкиот дел се задолжени „Поточиња“.

Настанот почнува во 11 часот, а за изборот на најдобра маска ќе одлучи жири-комисија од Општината. Најдобрите маски ќе добијат награди, велат од Општината, и ги покануваат сите дечиња да дојдат во Шеговил и со своите насмевки, шеги и маски да поминат прекрасен ден.

Прикажи повеќе...

Најново

Македонија5 минути

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија1 час

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија2 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија4 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ5 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија5 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија5 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија8 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет8 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет8 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија9 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион9 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет9 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет9 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија24 часа

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија1 ден

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија1 ден

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија1 ден

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија1 ден

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...