Контакт

Скопје

Жерновски: Нема да поддржам ничии бизнис интереси

Објавено пред

Градоначалникот на општина Центар, Андреј Жерновски на прес конференција во среда апелираше до советниците на седницата во петок да внимаваат како ќе гласаат за ДУП-овите Тасино Чешмиче 1, Водно-Капиштец и Мал Ринг.

 

 

„Јасно кажувам дека нема да поддржам ничии бизнис интереси и криминални планови. Затоа апелирам, сите советници два пати да размислат како ќе гласаат в петок. Јас за ова на изборите не добив доверба и нема да го поддржам. ДУП-овите намерно се предлага да се носат сред летен период, по старата и позната тактика “длабоко во ноќта“, за да има што помалку сведоци. Баравме седницата да почне во 10 часот, но закажана е за 13 часот, што значи ноќе ќе се гласа за оваа одлука“, рече Жерновски.

 

Тој додаде дека протестите пред општината не беа за црквата на плоштадот, туку за хотелот Панорама.

 

„И тоа не на четири спрата, како што беше во стариот ДУП, туку на истото место да никне десеткатница. Наивно помислив кога пред околу еден месец падна потпорниот ѕид кај детската градинка “Кочо Рацин-Клон Панорама“, кога можеше да има и жртви дека оние кои не’ убедуваат дека размислуваат за животите на граѓаните, навистина ќе се освестат. Јасно кажувам дека нема да поддржам ничии бизнис интереси и криминални планови“, порача Жерновски.

 

Според него, со неусвојувањето на ДУП-от Мал Ринг бил спасен ГТЦ, но веднаш потоа власта и ги одзеде ингеренциите на општина Центар.

 

“Евентуалното изгласување на овој ДУП, ќе значи не само барок на ГТЦ туку и можни надоградби. Власта очигледно подразбира мнозинство за да работи како што сака, затоа апелирам до сите советници, да не ги изгласаат овие три ДУП-а, бидејќи ова ќе значи сериозна штета“, рече Жерновски.

 

Одговорајќи на новинарски прашања, дали деновиве е вршен притисок врз претседавачот на Советот, Мирослав Шиповиќ да гласа за ДУП-овите, Жерновски одговори дека тој апелира до сите советници да не ги гласаат ДУП-овите.

 

“Ставањето на дневен ред на овие точки значи дека предлагачите очекуваат поддршка, не можам да предвидам што ќе се случи. Точно е дека на сите советници власта пермаментно им врши притисок. Не можам да предвидам што ќе се случи, петок ќе биде можност да разбереме која беше суштината со апсењето, притворањето и пуштањето на Шиповиќ. Има пермаментен притисок кон сите, дали некој конкретно е уценет – не знам“, одговори Жерновски.

 

Новинарите прашаа и какви се односите и дали има заладување на релацијата СДСМ – ЛДП.

 

“Апсолутно нема заладување на односите. Ова што го изнесов е заеднички став на Сојузот за иднината. Односите не се нарушени. Утре и советничката група на Сојузот за иднината ќе излезе со став, ваквите напади на власта уште повеќе не’ зближуваат. Дали некој се продал – не сакам да размислувам, но системот на власта е познат. Битката не е лесна и треба до крај да се издржи. Точно е дека евентувалното изгласување на ДУП-овите може да наштети на борбата, но ние продолжуваме“, рече Жерновски.

 

Тој додаде дека битката не завршува во петок, а доколку сепак се донесат во петок трите ДУП-а, ќе ги даде на испитување во Уставниот Суд. /крај/со/мф



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

АХВ чека резултати од мострите храна од сендвичарницата „Гранд бургер“

Објавено пред

Агенцијата за храна и ветеринарство ги чека резултатите од мострите храна земени во рамките на инспекцискиот надзор спроведен уште во понеделникот врз основа на поднесени претставки од страна на потрошувачи, кои се засегнати во овој случај, а чија истрага е во тек.

Агенцијата соопшти дека доцна попладнево добила официјално известување од Центарот за јавно здравје – Скопје дека по добиени пријави и извршени епидемиолошки анкети, утврден е извор на зараза – сендвичарницата „Гранд бургер“. Инспекциските служби на АХВ и на Државниот санитарен и здравствен инспекторат, по добиеното известување, се упатија кај операторот со храна за да извршат вонреден инспекциски надзор за утврдување на фактичката состојба кај овој оператор со храна и за одредување мерки за сузбивање на појавата.

На самото место констатирано е дека објектот не работи, односно, по изјава на соседите, тој бил затворен од страна на самиот оператор уште во текот на вчерашниот ден.

Прикажи повеќе...

Македонија

Силно невреме со дожд и ветер го зафати Скопје

Објавено пред

Силно невреме со поројни дождови го зафати Скопскиот Регион. Отежнат е сообраќајот и на автопатот Тетово – Скопје, а возилата се движат со 40 километри на час. Тоа создаде колони и делумно го закочи сообраќајот.

Инаку, невремето проследено со врнежи зафати и други градови во дражавата. Според метеролозите, ваквата временска нестабилност ќе се задржи до крајот на идната недела.

Локално процесите ќе бидат поинтензивни во форма на невреме со пообилен пороен дожд, грмежи, силен ветер и изолирана појава на град. Минималните температури ќе бидат во интервал од 13 до 21 степен, а максималните ќе достигнат до 33 степени.

Прикажи повеќе...

Македонија

(Видео) Град Скопје распиша јавен повик за субвенции на инвертер клима-уреди

Објавено пред

Град Скопје денеска го распиша јавниот повик за субвенции на инвертер клима-уреди за затоплување на домаќинствата, каде што граѓаните ќе може да аплицираат и онлајн.

Портпаролот на Град Скопје, Ваљон Салиху, денеска одржаа прес-конференција и ги објасни деталите за распишаниот повик за субвенции на инвертер клима-уреди.

„Согласно со условите на овој јавен повик се отвора можноста за над 5.000 граѓани на Скопје да им бидат целосно надоместени трошоците за набавка на инвертер-уред, но не поголема од 62.000 денари во нето-износ. Сите граѓани на територија на Град Скопје кои немаат искористено субвенции за затоплување на своето домаќинство од Градот Скопје и кои немаат приклучок или можност за приклучок на централно греење во објектот каде што ќе биде инсталиран уредот имаат право да учествуваат на повикот. Набавениот уред потребно е да биде монтиран во објектот со адреса од личната карта на барателот. Повикот ги опфаќа граѓаните кои купиле инвертер од 1.1.2020 година, до завршувањето на повикот на 30.11.2020 години или до денот на исцрпување на средствата“, изјави Салиху.

Тој додаде дека на овој повик новитет е условот граѓаните доброволно да ја достават (без надоместок) постојната печка на дрва, јаглен, нафта или на мазут на локација која дополнително ќе им биде соопштена.

„Овие субвенции се дел од мерките предвидени во Планот за подобрување на квалитетот на воздухот и Акциониот план на Стратегијата за климатски промени на Град Скопје. Согласно со многубројните истражувања за квалитетот на воздухот во Скопје, најголемо учество во емисијата на ПМ10 и ПМ2,5-честичките има затоплувањето на домовите кои немаат централно греење. Ова се јавува пред сè поради нецелосното и несоодветно согорување на огревното дрво, лошиот квалитет на дрвото, начинот на неговото чување и употребата на стари, дотраени и технички неисправни печки. Инвертерите за затоплување се економични, еколошки, не користат фосилни горива, а истовремено го постигнуваат максималното задоволство при затоплувањето на домовите. Со субвенциите за овие уреди создаваме услови за поголем број граѓани да се одлучат да инвестираат во нов начин на греење, со кој ќе се намали загадувањето на воздухот, ќе се намалат трошоците за греење, а ќе се подобри нивото на комфор и удобност во нивните домови“, нагласи Салиху.

Доколку се направи паралела во трошоците за греење на стан со 60 м2 за една грејна сезона во однос на греење со термопечка, печка на дрва и инвертер-клима уред ќе се добијат следните пресметки: термопечка која троши 10.920 kwh електрична енергија троши околу 40.000 денари годишно, печка на дрва која троши 12 м3 огревно дрво троши околу 37.000 денари годишно, инвертер клима-уредот на годишно ниво троши само 4.580 kwh електрична енергија, односно само 18.000 денари годишно.

Според анализата, на годишно ниво ќе се заштедат од околу 19.000 денари во однос на загревањето со печка на дрва или 22.000 денари во однос на загревањето со термопечка. Новитет на овој повик е и можноста граѓаните за субвенции на инвертер клима-уреди за затоплување на домаќинствата да аплицират онлајн.

Сите информации за повикот, како и формуларите за електронското пријавување ќе ги најдете на следниов ЛИНК.

Прикажи повеќе...

Најново

Свет5 часа

СЗО: Забележан нов рекорд на новозаразени во еден ден

СЗО објави дека во последните 24 часа во светот се регистрирани 212.326 нови случаи на коронавирус, што претставува рекордно зголемување...

Македонија8 часа

147 новозаразени и шестмина починати во изминатите 24 часа

Министерството за здравство информира дека во последните 24 часа се направени 1.296 тестирања за Ковид-19, а регистрирани се 147 нови...

Европа9 часа

Рација во 15 италијански региони поради снимање и споделување на детска порнографија

Три лица се уапсени во Италија, а 50 се под истрага поради порнографска злоупотреба на деца, вклучително и новороденчиња. Сликите...

Македонија11 час

Сафет Бишевац позитивен на коронавирус

Сафет Бишевац, кандидат за пратеник од листата на ВМРО-ДПМНЕ, на Фејсбук објави дека е позитивен на коронавирус. Тој вели дека...

Регион12 часа

Расте бројот на заразени туристи во Грција, на Скијатос слетала Србинка позитивна на коронавирус

По случајот со семејство од Белград кое било „депортирано“ од Грција, откако било утврдено дека мажот е позитивен на коронавирус,...

Македонија12 часа

Болницата „8 Септември“ тврди: Ова е ковид болница, нема листа на чекање за итни операции

Болницата „8 Септември“ во Скопје соопшти дека не постои листа на чекање за итни хируршки интервенции. „ЈЗУ ГОБ „8 Септември“...

Европа12 часа

Истрага против поранешниот француски премиер и министри поради Ковид-19

Францускиот специјален суд нареди да започне истрага против поранешниот премиер Едуард Филип и двајца министри за здравство во врска со...

Спорт14 часа

Поддршка за Ѓоковиќ од центарот на Загреб (Фото)

Голем транспарент со поддршка за Новак Ѓоковиќ се појави во центарот на хрватската престолнина Загреб. „Имаме право да дишеме. Стоп...

Регион14 часа

На Косово 114 новозаболени од коронавирус – жариште има на подножјето на Шар Планина

Националниот институт за јавно здравје во Приштина објави дека во Косово се регистрирани 114 нови случаи на Ковид 19, пишува...

Свет16 часа

Русија ќе подготви 70 милиони дози вакцини за Ковид-19, привичните тестови се успешни

Две недели откако започнаа клиничките тестирања врз група волонтери на руската вакцина против Ковид-19, нема никакви негативни ефекти, со што...

Свет17 часа

За коронавирус тестирани 10 милиони луѓе во Кина

Градските власти во Пекинг објавија дека 10,4 милиони луѓе, или околу половина од жителите на кинеската престолнина,се тестирани за присуство...

Свет17 часа

Четири лица загинаа, а 97 се повредени во експлозијата во Турција

Четири лица загинаа, а 97 од 186 вработени се повредени при експлозијата во фабрика за пиротехника во Турција. Фабриката е...

Свет17 часа

Првите резултати од лекот против Ковид-19 се очекуваат за две недели

Светската здравствена организација ги очекува во следните две недели првичните резултати од клиничкото тестирање на лекови кои би можеле да...

Регион1 ден

Се запали авион со 164 патници и членови на екипаж, принудно слета во Грција

Авион на ирската компанија „Рајанер“ со 164 патници и членови на екипаж принудно слета на аеродромот во Солун, бидејќи во...

Свет1 ден

Тенгел: Наместо да се смеетe на шведскиот модел, научете нешто од нас

Наместо да се смеете на нашиот модел на борба против Ковид-19, подобро би било да научите нешто од нашето искуство,...

Свет1 ден

СЗО: Засега Ковид-19 нема мутација што го прави посилен

Вирусот Ковид-19 досега нема мутации што ќе го направат посилен или ќе доведат до потешка болест, вели главниот епидемиолог на...

Топ1 ден

Во Охридското Езеро се удави 49-годишен маж

Во водите на Охридското Езеро денеска околу 14.30 часот е пронајдено безживотно тело на плажа на кејот Македонија. На местото...

Македонија1 ден

Регистрирани 165 новозаразени – починаа 7, а оздравеа 128 лица

Министерството за здравство информира дека во последните 24 часа се направени 1454 тестирања, а регистрирани се 165 нови случаи на...

Европа1 ден

Во ЕУ дозволен прв лек против Ковид-19

Европската комисија издаде условна дозвола за ставање во промет на лекот ремдесивир, кој стана првиот медикамент за лекување на Ковид-19...

Македонија1 ден

Јовановски поднесува кривични пријави за триесеттина лица, бара вклучување на меѓународните институции

Осудениот во случајот „Рекет“ Бојан Јовановски  продолжи со поднесување кривични пријави во скопското обвинителство поврзани со предметите „Рекет“ и „Меѓународен...

Досие