Македонија
Со поворка на факели Шарената револуција го одбројува ултиматумот
Со поворка од факели во петокот ноќта во Скопје приврзаниците на граѓанското двежење „Протестирам“ и на ткн „Шарената револиција“ го завршија одбројувањето за ултиматумот што го истакнаа претходно седмицава, но според последните информации, Уставниот суд и за нардната седмица не ја стави инцијативата за уставноста на Специјалнот ојавно обвинителство, па спомеантите движење за во понеделник го презакажаа претходно за во саботата најавениот масовен протест.
До 18-ти јуни од „Шарената револуција“, побараа првенствено Уставниот суд да се изјасни за уставноста на Специјалното јавно обвинителство и да престане прогонот на демонстрантите.
Активистите во меѓувреме тврдат дека власта уште ги гони граѓаните што протестираат. За нив ова претставува продлабочување на кризата. Поради неисполнетите барања, Шарената револуција за во понеделник најави и протест, кој, според активистите, се очекува да биде најмасовен.
„На оваа корумпирана и криминална власт ѝ дадовме и повеќе од доволно време да реагира и да ги слушне нашите барања. Тие се глуви пред своите граѓани. Единственото нешто на што тие мислат е како побрзо да избегаат од правдата. Нашите ултимативни барања не беа исполнети. Тврдината на правдата, која граѓаните силно ја поддржуваат изминативе два месеца, сега е под сериозна закана. Груевски се плаши од затворот што го чека!“, се наведува во објавата на социјалните мрежи на маршот кој вообичаено ќе започне пред Специјалното обвинителство.
Покрај двата услова, кои не се исполнија во ултимативно дадениот рок, граѓанските активисти потсетуваат дека нивната „револуција“ постави уште неколку повеќе политички барања. Демонстрантите испорачувајќи го крајниот рок до 18-ти јуни, бараат и оставка на актуелната влада на ВМРО-ДПМНЕ и ДУИ и формирање преодна влада, потоа формирање специјално одделение во Кривичниот суд за предметите на СЈО , вклучување на граѓанските организации во преговорите, оставка на Ѓорге Иванов од функцијата Претседател на Република Македонија
Во прогласот објавен пред речиси две седмици на официјалната Facebook страница на Шарената револуција на валдата ѝ се порачува „да ги сфати многу сериозно“ и „итно да ги исполни“ нејзините ултиматуми „за оваа криза да не се продлабочи уште повеќе“.
Според нивниот план сега треба многу брзо да бидат исполенти два од нивните услови, а тоа се Уставниот суд да се произнесе за уставноста на Специјалното јавно обвинителство и да запре прогонот врз демонстрантите, кој според нив продолжил и во изминатиот период во текот на блокадите на мостовите на Вардар во Скопје./крај/мф/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски: Цунамито се крена, на 8 мај ќе ги потопи целосно, победуваме со над 170.000 разлика
Денеска народот во Македонија покажа дека си ја сака Македонија и дека секој оној кој го потценува народот прваи голема грешка, рече лидерот на ВМРО-ДПМНЕ, Христијан Мицкоски.
„Ветив дека ќе победиме со најмалку 100 илјади гласови разлика, победуваме со повеќе од 170 илјади гласови. Зборувавме дека многу работи ќе се случат не ни веруваа, не потценуваа, мислеа дека си имаат работа со мали деца. Но ние благодарение на народот покажавме и докажавме дека Македонија ја има и ќе ја има уште многу долго време. Ветував многу работи и сите работи се случија, не напаѓаа и од внатре, ни се закануваа, се обидуваа да не делат, се обидуваа да ја делат Македонија, користеа структури од минатото на ВМРО-ДПМНЕ, но ние издржавме. Ви благодарам од срце народе на Македонија. Ветував дека ќе се случи народ и денеска се случи народ. Ова е голема победа за македонскиот народ. Пораката е јасна, Македонија не се плаши и се враќа во рацете на народот. Ние заедно со вас наспроти стотина трговци од ДУИ и СДСМ се причина за целото страдање сиромаштија и криминал во Македонија. Нашата сила сте вие народот“, кажа Мицкоски.
„Резултатите кои ги постигнавме оставаат простор да бидеме задоволни, имаме огромна историска победа на многу избирачки места. Оваа власт паѓа. Ова е најдобриот резултат што ВМРО-ДПМНЕ го имала од позиција на опозиција. Над 600 илјади луѓе гласаа против власта, ова е победа на народот, цунамито се крена, а на 8 мај ќе ги потопи целосно. Имаме обврска да им ги срушиме сите идеи за калкулации и предавство. Ова е револуција на народот на Македонија. Работата не е завршена, а власта не е нималку наивна. На осми мај е потребен убедлив резултат, јасна победа врз оваа криминална и корумпирана власт“, додаде лидерот на ВМРО-ДПМНЕ.
Тој упати порака до оние кои излегле и гласале за власта дека нема да има освета кон било кој.
„Ги почитувам вашите уверувања, повеќе никој не смее да ве плаши. Единствено треба да се плашат тие што се огрешиле кон законите, а со тоа се огрешиле кон народот. Е тие ќе одговараат“, кажа Мицкоски
Македонија
Пендаровски: Резултатите не се такви какви што ги очекувавме, но нема предавање, утре е нов ден
Резултатите не се такви какви што ги очекувавме истакна вечерва на прес-конференција кандидатот за претседател поддржан од СДСМ, Стево Пендаровски.
„Од утре продолжуваме со средби со граѓаните и тргнуваме од нула. Имаше 7 кандидати и тоа е причината што се поделија гласовите. Мојата задача ќе биде како и изминатите 20 дена, да го промовирам концептот во кој верувам. Ги охрабрувам граѓаните да излезат во втoриот круг“, кажа Пендаровски.
Додаде дека во вториот круг очекува повеќе граѓани да го прифатат концептот во кој длабоко верува.
„Очекувам уште поголем одзив. Нема да барам договор со другите кандиати за механичко префрлување на гласовите. Никогаш не сум го правел тоа, ниту сега планирам, за да механички преземам од било кого. Едноставно на сите граѓани ќе им го презентирам мојот концепт. Ќе одбијам било каков обид за нудење на квантум на гласови – тоа би било големо понижување на граѓаните“, кажа тој.
Анализите, како што рече, ќе покажат „дали граѓаните го казнија него поради СДСМ“.
Потенцира дека нема да има пауза, ниту одмор за него до вториот круг од изборите.
„Од утре се гледаме на терен“, порача Пендаровски.
Македонија
(Видео) Османи: Европскиот фронт станува една голема локомотива за европската иднина на нашата држава
Претседателскиот кандидат на Европскиот фронт, Бујар Османи по завршување на првиот круг гласање од изборот за претседател на државата кажа дека прелиминарните резултати покажуваат длабока победа на Фронтот, наспроти албанската опозиција со над 40 илјади гласа и со победа во речиси сите општини во земјата.
„Дозволете да објавам во име на Фронтот една длабока победа наспроти албанската опозиција со над 40 илјади гласа и со победа во речиси сите општини во земјата и победа во сите поголеми градови и општини. Ова е заедничка победа што покажува дека фронтот за Европа станува една голема локомотива за европската иднина за нашата држава. Денешниот глас е аманет за нас и ќе биде одлука за идните политики на оваа држава. Денеска Албанците, Турците, Бошњаците, Ромите докажаа дека сами одлучуваат за својата судбина и никогаш нема да дозволат некој да одлучува за нив. Волјата на народот е јасна и треба да се почитува од сите“, кажа Османи.
Тој додаде дека се уште има впечаток дека граѓаните не излегле целосно од етничката бариера помеѓу Македонците и другите етнички заедници што зборува за едно поделено општество.