Македонија
Собраниска седница за состојбата во поплавените подрачја
Собранието во неделата напладне со едноминутен молк за жртвите од поплавите ја започна итната и вонредна седница посветена на ситуацијата што ја предизвика невремто и поплавите од 6-т август, на барање на пратеничката група од опозициската СДСМ.
Во образложението, пратеникот Благоја Стојановски од СДСМ истакна дека осум дена по невремето сé уште не може да се зборува дека постојат елементарни услови за живот во погодените области. Оцени дека прогнозата е дека ќе бидат потребно уште неколку месеци за реконструкција, откако прво темелно ќе бидат исчистени домовите.
Пратеничката група на СДСМ побара државата да обезбеди првична парична помош и целосно обештетување на жителите од скопскиот и тетовскиот регион и секаква одговорност, вклучувајќи и кривична за оној што ја сноси директната одговорност за катастрофата.
Предлогот е сега жителите првично да добијат ендократна помош по метар квадратен поплавена површина, а следниот месец, повторно парична помош за купување покуќнина.
Стојановски истакна дека реакцијата на институциите била задоцнета додавајќи дека секоја сериозна држава која има Дирекција за заштита и спасување и Центар за управување со кризи со над 600 вработени, треба да има план и процедури за елементарни непогоди, кои може да бидат активирани веднаш. Мора да постои и спосок на мехнаизација што поседува државата.
Според Стојановски, поплавите можеби не можеле да се избегнат, но можеле да се спречат жртвите. Затоа тој побара кривична одговорност.
Никола Тодоров, како вицепремиер и министер за здравство рече дека сега не е време за политички поени туку за конкретна работа на теренот. Предочи дека на теренот има силен активизам и ангажираност на институциите кои заеднички работат на теренот.
Тодоров инфромираш дека досега 40 тимови за проценка направиле 3.000 увиди на домаќинства и ќе се обезбеди авансно плаќање за почеток, а на крајот ќе следи и целосно обештетување. 10 тмови извршиле и проценки на 600 автомобили, а направени се увиди и на земјоделските површини. На теренот се присутни и 2.000 припадници на полицијата за евакуација, како и 564 припадници на АРМ. За здравствената состојба на населението се ангажирани лекарски тимови во два пункта во Стајковци и Сингелиќ, кои освен основната здравствена заштита нудат и специјалистичка, додаде.
Министерот за одбрана, Зоран Јолевски, зборуваше за помошта која ја пружа АРМ на терен, директно помагајќи им на лицата погодени од поплавите. Ангажираниот персонал од составот на армијата во кризните региони е распореден во пет сектори. Првиот сектор е Стајковци, каде има потреба од 150 до 300 лица, војници. Вториот сектор е Сингелиќ и Арачиново, третиот сектор е село Црешево, Смилковци, Раштански пат и Булачани. Четвртиот сектор е Инџиково, а петтиот Шипковица и тетовско, каде се ангажирани одреден број на воојници за да се спречат евентуални дополнителни штети на тој терен.
„Покрај директните активности на армијата за расчистување на теренот, ние како армија дадовме поддршка и на ЦУК, Црвениот крст и локалната самоуправа во повеќе области. Има одреден број машини и камиони за да се реализира расчистувањето на теренот и дадена е соодветна логистичка помош во транспорт на намирници за потребите на месното население“, рече Јолевски.
АРМ целосно беше посветена кон извршување на задачите. Покрај класичните задачи, упативме соодветни медицински тимови и припадници на единицата за биолошка и хемиска заштита за дезинфекција на куќите. Припадниците на АРМ заедно со локалното население преземаат и ќе продолжат да преземаат активности со цел побрзо да се надминат проблемите од оваа голема природна непогода. Бројот на ангажирани лица се движи помеѓу 400 и 650 лица, а припадниците на АРМ деноноќно 24 часа се на терен за да помогнат на населението. Директно работат со жителите, помагаат во расчистување на домовите, додаде министерот за одбрана
Од страна на МВР за ефикасно справување со последиците од невремето, а согласно упатството за оперативни постапки во услови на кризна состојба, беа преземени активности на брзо излегување на местото и за таа цел од страна на СВР Скопје изготвен е план за мерки на превенција, рано спречување и справување во услови со кризни состојби, рече министерот за внатрешни работи, Митко Чавков, информирајќи за активностите преземени од страна на МВР за помош и расчистување на подрачјата погодени од поплавите.
„Беше формиран штаб кој ги координираше работите на терен. Министерството ги стави во функција сите човечки и материјално-технички ресурси со коишто располага. За спасување на лица и пронаоѓање на исчезнати лица ангажирани се припадници на СВР Скопје, единиците за специјални операции и хеликоптерската единица. Од одделот за специјални операции од периодот од 6 до 12 .08.2016 година, ангажирани се над 2000 припадници со моторни возила, специјални оклопни возила, механизација и хеликоптери, кои учествуваа во спасување на лица, евакуирање, укажување на медицинска помош, извлекување на возила, чистење на поплавени куќи, испумпување на вода, чистење на јами, речни корита и одводни канали. МВР на дневна основа ангажира 200-300 полициски службеници и 24-часовно покривање на кризното подрачје. За поефикасно следење на активностите беше формиран оперативен штаб. По утврдената динамика на работење согласно насоките од дежурен јавен обвинител, екипи од МВР и тим од погребално претпријатие „Бутел“ беа пронајдени, идентификувани и документирани 22 случаи на починати лица, сите македонски државјани. 18 од нив се со живеалиште во општина Гази Баба, две од Крива Паланка и по едно лице од Тетово и Куманово. Како исчезнато лице во моментов е евидентирано 16-месечно бебе, истакна Чавков.
Евакуирани се повеќе од 2.500 лица и укажана е медицинска помош на над 500 лица во исклучително опасни услови по живот. Припадниците на МВР вршат 24-часовно полициско патролирање на целиот простор, а преземаат координирани мерки и активности за контролирање на сообраќајот во и надвор од подрачјето. Целокупниот простор е пребаран, а биле идентификувани сопствениците на патничките и товарните моторни возила зафатени од невремето, а возилата биле дислоцирани до нивните сопственици, ги информираше пратенциите мибистерот за внатрешни работи.
Министерството за транспорт и врски заедно со Јавното претпријатие за државни патишта со сите нивни ресурси успеа да обезбеди дополнителна механизација, алат и работна сила во сите населени места и обиколницата од преку 50 приватни фирми, локалните самоуправи, јавните претпријатија, државните институции и други, рече министерот за транспорт и врски Владо Мисајловски на собраниската седница. Нагласи притоа дека на постојана основа се комуницира со лицата определени за одговорни од страна на компаниите кои отстапија механизација, се со цел навремено извршување на работите на критичните места и полесна координација.
„По интезивното невреме со пороен дожд, кој што предизвика поплавување и оштетување на делници на обиколницата на Скопје, на 06 август 2016 година, Јавното претпријатие за државни патишта веќе наредниот ден излезе на терен за да изврши увид во направените штети и да предложи План со градежни работи за фазно санирање на најоштетените делници на обиколницата на Скопје, а со оглед на големината на оштетувањата и потребните средства за санација. Со оглед на обемот на оштетувањата, обиколницата мораше да се затвори за сообраќај. Така, прв приоритет беше истата да се оспособи за сообраќај. Македонија Пат со помош од градежната оператива во Република Македонија, пристапи кон преземање најпотребни активности за ставање во функција на обиколницата на Скопје“, рече Мисајловски.
По излагањето на ресорните министери и консултацијата на координаторите на пратеничките групи со претседателот на Собранието Трајко Вељаноски, во тек е парламентарната дебата.
Софија Куновска од опзоициската СДСМ му се обрати директно на Тодоров, посочувајќи дека оваа земја страда од тоа што оние за што се платени не го работат тоа.
„ Дали имате претстава во колкава нова опасност ги внесувате граѓаните, со тоа што ги повикувате граѓаните да волонтираат без да бидат обучени и ги изложувате на опасностите од епидемии? Не кажавте дека три дена не можеа граѓаните да ги подигнат телата на починатите од Бутел. Ќе побарате ли одговорност од МТВ која до 2 по полноќ немаше информација што се случуваше во скопско? Ќе кажете ли колкава е бројката на жртвите? Македонските институции се карикатури од институции. Ниту една институција не си ја знае работата,. Сите беа занемени дури Груевски не се врати од годишен одмор“, рече Куновска.
Спроед неа, институциите служеле само за вработување на партиски кадри и запраша дали е нормално да затаи Управата за Хидрметеоролошки работи. „Полицијата и војската затаија. Груевски издава наредби, но во кое својство? Како може тој да дава задачи да се одржи седница на Влада. Време е за одговроност, и тоа политичка и кривична Фактурата за секоја бесправна градба, лоповлук, партизираност, исечени дрвја, ја плаќаме со животи. Сета помош да биде јавно достапен документ за да нема сомнежи за злоупотреби. Во колку часот беше затворена обиколницата? Евакуацијата на жените и децата беше дури вчера“, рече Куновска.
Реплицираше Тодоров, кој забележа на Куновска дека прави партиски маркетинг. Оцени дека е некоректно да се каже дека МВР „спиело два дена“, бидејќи МВР и АРМ веднаш се вклучиле во остварување на нивните задачи.
Куновска, пак, праша кога ја прекинале обиколницата за возила и истакна дека евакуацијата на најранливите категории на граѓаните се случува речиси една недела по поплавата./крај/мф/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.