Контакт

Македонија

Соопштенијата на ОНА и униформирани лица-дефокусирање на јавноста или политички притисок?

Објавено пред

Соопштение на Ослободителната народна армија (ОНА) со коешто оваа организација ја презема одговорноста за пукањето кон Владата на Македонија, униформирани лица, членови на гардата на т.н. „Република Илирида“ кои патролираат во Скопје и Тетово, се информации кои деновиве ја преокупираат домашната јавноста.

dobivaj vesti na viber

Овие информации коишто деновиве излегоа во јавноста, ги збунуваат граѓаните бидејќи не се знае кој точно стои зад соопштението, коешто може да го прати секој, а за униформираните лица сè уште нема сигурна потврда дали се работи за лажни пријави или вакви лица навистина патролираат, иако пред неколку дена заменик министерот за внатрешни работи Земри Ќамили рече дека се забележани лица со црни униформи во Тетово. Дали се работи за дефокусирање на јавноста или политички притисок?Аналитичарот, Алберт Муслиу вели дека за шпекулации секогаш има место кога нема доволно информации од институциите.„Сè додека Владата и институциите немаат став за инцидентот во Влада, секогаш постои простор јавноста да шпекулира и да се појавуваат вакви информации. Институциите треба да бидат потранспарентни за инцидентот. Тие даваат изјави за многу мали работи, а кога е во прашање ваков инцидент, немаат информации. За унформираните лица, навистина не знам. Јас секој ден патувам од Тетово во Скопје и не сум сретнал досега“, вели Муслиу. Тој додава дека полицијата треба да провери дали станува збор за лажни пријави, и ако се лажни, да ги гони тие што лажно пријавуваат или станува збор за вистинити пријави.За пукањето кон Влада, кога два проектила завршија во фасадата на Владата, официјално не е познат типот на оружјето од кое е пукано, ниту местото од каде што е пукано.Министерството за внатрешни работи, пак, интензивно работи на расветлување на инцидентот за да обезбеди докази за откривање на сторителот или сторителите во координација со јавното обвинителство, за откривање на нивниот идентитет и за нивно лишување од слобода. „Се проверуваат сите оперативни информации и сознанија“, велат од МВР. За нив не е соодветен доказ коминикето испратено до телевизијата Алсат – М, бидејќи вакво соопштение може да прати секој.До Jавното обвинителство каде што се води истражната постапка за нападот врз зградата на Владата не е пристигнато никакво известување за преземање на одговорноста за настанот што се случи на 28 октомври.„Извршено е вештачење на проектилите, побарани се снимки од околните објекти“, велат од Обвинителството.Во денешното соопштение испратено до телевизијата Алсат-М на коешто се наоѓа амблемот на ОНА, се вели дека нападот го извршила нивната елитна единица „Хасан Приштина“ на 28 октомври, а како што се додава натаму во текстот, цели биле зградата на Владата, на Судот, а биле предвидени акции и врз полициски станици.„Вечерта на 28 октомври, од 20:30 часот до 21:00 специјалните единици ’Хасан Приштина’ координирано ја нападнаа зградата на Владата, Судот и во фокусот беше напад врз една полициска станица во Скопје. Нападот врз ПС во Скопје не се случи за да не дојде до човечки жртви“, се вели во соопштението на ОНА потпишано од страна на извесен Куштрими.Во соопштението се наведува дека не се задоволни од спроведувањето на Охридскиот рамковен договор и ги повикуваат да реагираат меѓународните институции. Ова не е првпат ОНА да презема одговорност за инциденти што се случиле во Македонија. Слично вакво соопштение беше испратено и пред четири години кога имаше престрелка меѓу полицијата и униформирани лица кои чуваа огромно количество на оружје на Блаце.„Се информира албанската јавност во БЈРМ дека на ден 28.04.2010 кај месноста Студен на Скопска Црна Гора каде се наоѓал пункт за снабдување на ОНА, нашите војници наидоа на заседа на вооружените сили на славомакедонците“, се вели во едно од соопштенијата.Во соопштението имаше неточна информација дека во престрелката бил убиен полициски специјалец, информација што МВР експресно ја демантираше. Полицијата тогаш откри дека Авни Селими и неговото соопштение на ОНА со кое ја презема одговорноста за Блаце е испратено преку сервер од Швајцарија.По коминикето со партиски став се огласи владејачката ДУИ која ги повика граѓаните да не подлегнуваат на провокации. Според ДУИ, ОНА има еден легитимен командант. „Лидерот на војната во Македонија беше и засекогаш ќе остане Али Ахмети“, стоеше во реакцијата на ДУИ.По неколку дена имаше уште една престрелка меѓу полицијата и криминална група во реонот на Радуша и Рашче, додека полицијата вршеше контрола на возилата кои поминувале на патот. Комбе „мерцедес спринтер“ не ја послушало наредбата на полицијата да застане и отвориле оган кон полицајците. Убиени беа сите лица во комбето, во обид да пренесат оружје од Косово во Македонија.Тогаш беше убиен и Харун Алиу, кој беше осуден на доживотен затвор за убиство на специјалецот Зоран Марковски, припадник на групата на Лирим Јакупи – Нацист, како и обвинет во хашкиот случај „Мавровски работници“.Тогаш коминикето се покажа како нерелевантно, сега полицијата треба да испита кој стои зад денеска испратеното соопштение./крај/мф/ффс

Скопје

(Видео) „Прифатена Иницијативата за конфискација на дивоградби, ова е голема победа на општината“, вели Герасимовски

Објавено пред

Општина Центар извојува победа. Една година по поднесувањето на Иницијативата за регулирање, конфискација и пренамена на бесправно изградени објекти од градоначалникот на Општина Центар Горан Герасимовски до ЗЕЛС, Собранието го донесе Законот за управување со конфискуван имот, имотна корист, одземени предмети во кривична и прекршочна постапка.

dobivaj vesti na viber

Станува збор за Иницијатива со која на сите локални самоуправи во државата им се дава можност за конфискација на бесправно изградените објекти на нивна територија и нивна пренамена во функција на општината.

„Општина Центар е лидер во промени, лидер во храбри и позитивни одлуки и решенија во полза на граѓаните. Прифаќањето на Иницијативата за конфискација и пренамена на бесправно изградени објекти и нејзино преточување во Законско решение е победа на Општина Центар но и сите други општини во државата. Собранието на 19 овој месец, го донесе Законот за управување со конфискуван имот, имот на корист, одземени предмети во кривична и прекршочна постапка, каде во Членот 66 е преточена Иницијативата која ја поднесов до ЗЕЛС со која се дава можност Агенцијата за конфискуван имот врз основа на одлука на Владата дивоградбата да ја предаде на општината. Ова значи дека ние општините имаме две можности или да го легализираме објектот или доколку има услови истиот да го урнеме во рок од 6 месеци од прием. Доколку одлучиме да го легализираме, ќе можеме да го дадеме на социјално ранливи категории на граѓаните или на користење за разни културни, пензионерски, младински домови“, посочи Герасимовски денеска пред медиумите.

Герасимовски појаснува дека новото Законско решение налага локалните самоуправи да не можат да го ОТУЃАТ објектот на градежни фирми или други субјекти кои се работат со недвижности, што всушност значи дека се иззема било каква можност за профит на сметка на нелегално изградените објекти. Новиот Закон за управување со конфискуван имот, имотна корист, одземени предмети во кривична и прекршочна постапка не се однесува за дивоградбите кои се на приватно земјиште, за кои веќе се води инспекциска постапка за рушење или се води постапка за легализација.

На прес-конференцијата Герасимовски потсети дека иако поднесувањето на Иницијативата беше широко прифатена од градоначалниците сепак мораше да ги помине институционалните процедури во Министерството за транспорт и врски, Министерството за правда и Собранието како законодавен дом.

„Во државата има близу 100 илјади дивоградби, еве во Општина Центар има дивоизградени објекти и на државно земјиште и во зелена зона. За онеспособување на два такви поголеми објекти сумите се енормно високи, околу 5,5 милиони денари за две згради да ги оневозможиме да бидат функционални. Но сега со новото законско решение наместо дувло на бездомници како што најчеста е реалноста дивоградбите ќе можат да се пренаменат и за други потреби односно да бидат или пензионерски домови, креативни работилници или клубови за млади или пак предадени за социјално загрозени семејства“, потенцира Герасимовски.

Герасимовски напоменува дека со донесувањето на ова законско решение ќе се превенира урбанистичкиот хаос, а градежниците ќе треба да се запрашаат дали ќе градат без одобрение за градба. Воедно потсетува градоначалникот дека средствата планирани за уривање на нелегални објекти општините ќе може да ги пренаменат во други потреби за граѓаните.

Прикажи повеќе...

Македонија

ЛДП в петок организира „Pet Friendly“ ден во канцеларијата „Либерално ќоше“

Објавено пред

Во новоотворената канцеларија на ЛДП „Либерално ќоше“ во срцето на Скопје в петок од 18:00 часот ќе се одржи „Pet Friendly“ ден за дружење, разговори и идеи на граѓаните со претседателката на Либерално-демократската партија Моника Зајкова.

dobivaj vesti na viber

– Водејќи се од нашата совесност, свесност и одговорност, покренавме иницијатива за носење на нов закон за благосостојба на животните. Милениците, се семејство, не потрошен предмет и затоа секој сопственик кој го остава својот миленик на улица треба да сноси одговорност и да се обезбеди регулиран систем на одговорно одгледување и размножување. Воедно да се обезбедат соодветни услови за бездомните кучиња и мачки и при тоа да ги заштити граѓаните од несакани повреди, е пораката на Зајкова.

Граѓаните се добредојдени на петочното дружење заедно со своите миленици, а своите идеи и предлози може да ги споделат и во писмена форма.

На полето на заштита на животните, ЛДП до Собранието поднесе и предлог за изменување и дополнување на Законот за заштита и благосостојба на животните, којшто ќе воведе построги мерки против оставање животни на улица, поодговорно сопствеништво и ќе ги подобри нивните услови.

Прикажи повеќе...

Скопје

„Маски, смеа, рингишпил- дојди во Шеговил!“ – голема забава под маски во Кисела Вода

Објавено пред

Под слоганот „Маски, смеа, рингишпил- дојди во Шеговил!“ општина Кисела Вода, в понеделник, на први април, организира голема забава под маски за најмладите.

dobivaj vesti na viber

Пред салата Расадник ќе биде поставен забавен парк со најразлични реквизити, ќе има кловнови и аниматори, а за музичкиот дел се задолжени „Поточиња”.

Настанот започнува во 11 часот, а за изборот на најдобра маска ќе одлучи жири комисија од општината. Најдобрите маски ќе добијат награди, велат од општината и ги покануваат сите дечиња да дојдат во Шеговил и со своите насмевки, шеги и маски да поминат еден прекрасен ден.

Прикажи повеќе...

Најново

Македонија3 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет3 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет3 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија3 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион4 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет4 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет4 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија19 часа

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија20 часа

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија21 час

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија22 часа

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија23 часа

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...

Свет1 ден

Бајден: Да ja ​​заштитиме Украина од месарот Путин

Американскиот претседател Џозеф Бајден уште еднаш го навреди рускиот претседател Владимир Путин говорејќи пред гласачите во американската сојузна држава Северна...

Регион1 ден

Вучиќ: Следуваат тешки денови за Србија, не ми е лесно да кажам какви вести добивме

Српскиот претседател Александар Вучиќ синоќа изјави дека пред Србија претстојат тешки денови, пренесува „Нова.рс“. Вучиќ најави дека во наредните денови...

Македонија1 ден

СДСМ: Скопје е запустен град, граѓаните се изневерени, ДПМНЕ нема план за иднината

Платформа од минатиот век се новите лажни ветувања на ДПМНЕ по примерот на Скопје. Откако ги изневерија граѓаните на Скопје,...

Регион1 ден

Трае потрагата по исчезнатото двегодишно девојче во Србија

Трае потрагата по двегодишното девојче, кое исчезна вчера околу 13.45 часот во приградската населба Бањско Поле, недалеку од Бор во...

Свет1 ден

Израел во текот на ноќта жестоко го бомбардира јужниот дел на Газа: „Луѓето умираат само за да добијат конзерва туна“

Израел во текот на ноќта интензивно го бомбардираше јужниот дел на Појасот Газа, и покрај меѓународниот притисок за итен прекин...

Свет1 ден

„Не веруваме дека ќе ги пронајдеме живи“: Запрена потрагата по исчезнатите лица по уривањето на мостот во Балтимор

Спасувачките екипи ја прекинаа потрагата по шест лица исчезнати по уривањето на мостот во Балтимор, бидејќи се претпоставува дека се...

Македонија1 ден

Османи со дипломатскиот кор за четвртата годишнина од членството на Македонија во НАТО

Со цел одбележување на 4-та годишнина од членството на Северна Македонија во НАТО, министерот за надворешни работи, Бујар Османи, денеска...