Македонија
Спасовски: Има местенка на Диме Спасов од самиот Диме Спасов
Министерството за внатрешни работи поднесе три прекршочни пријави против дополнителниот заменик министер за труд и социјална политика, Диме Спасов, за инцидентот што се случи во петокот вечерта кога Спасов со службено возило на Агенцијата за вработување удри две возило и потоа со друго возило избега од местото на сообраќајката и ја остави девојката која била совозач во возилото.
Спасов по шест дена од инцидентот непосредно пред да му бидат поднесени пријавите излезе во јавноста во интервју за ТВ Нова и тврдеше дека е невин и дека целиот настан бил криминално полициска местенка. Министерот за внатрешни работи, Оливер Спасовски му порача на Спасов дека имало местенка „на Диме Спасов од самиот Диме Спасов и уште поголема местенка од оние кои го советувале да даде такви изјави.
На Спасов му се поднесени прекршочни пријави, бидејќи не се работи за кривично правен настан и материјалната штета не е на тоа ниво што се води како кривично дело. Спасов ќе одговара за напуштање на местото на сообраќајката и неизвестување на Министерството за внатрешни работи, за тоа што не постапил по знаците и наредбите на полицајците и не ја приспособил брзината на движење според условите за да може да го запре возилото ако е тоа потребно.
Увидна екипа извршила увид на местото на сообраќајката и иако имало околности коишто го попречиле увидот, „туарегот“ со којшто го возел Спасов бил изместен од местото. Но увидната екипа недвосмислено констатирала дека со возилото управувал Спасов, а тоа го потврдила неговата сопатничка Т.К. која дала изјава којашто била своерачно потпишана, а во својата изјава таа не изјавила дека некој удирал по возилото, дека некој ги бркал и заплашувал како што тврди Спасов.
Спасовски изјави дека за цела сообраќајка имало аудиоснимка, како возачот на „пасатот“ за кој Спасов тврди дека го нападнал, го пријавува случајот во 192 и а разговорот е снимен и траел цело време додека возачот на „пасатот“ возел по Спасов за да види кој го удрил неговото возило.
Исто така, Спасовски тврди дека за случајот постојат снимки од „safеty sistem“, исказ од девојката, но и службени белешки од полицајците кои биле на местото на несреќата.
Возачот вработен во министерството за труд и социјална политика, кој дошол два часа откако се случила сообраќајката и кој тврдел дека тој го возел возилото во полициска станица не знаел каде точно се движело возилото и што точно се случило.
Спасов поднел поплака до МВР во која тврди дека бил бркан, но немал поднесено кривична пријава ниту пријава до Секторот за внатрешни работи за постапувањето на полицајците.
Спасов, пак, во интервјуто тврдеше дека е невин сум и дека го нападнале.
„Во таква тензична атмосфера, каде што најпрво бев следен, потоа и на двапати по ред, во два обиди, се обидоа напаѓачите да ме извадат од возилото и физички да ме нападнат. Потоа се обидов да бегам, бев нападнат и од лице коишто примени сила врз мене и впери оружје, впери пиштол во мене. Покрај тоа, на напаѓачите коишто ме следеа, не беа преземени врз нив никакви мерки, односно следеа и ја набљудуваа ситуацијата откако застанавме. Заклучив дека се работи за криминално-полициска конструкција, за смислена местенка којашто има за цел да го наруши мојот углед и да нанесе штета врз мене, а постоеше и опасност по мојата безбедност, меѓутоа опасност и по мојот живот“, рече Спасов.
Спасов со службен џип „туарег“ во сопственост на Агенцијата за вработување во петокот вечерта удри во автомобил „пасат“ и избегал, но возачот на „пасатот“ тргнал по него и го пријавил во полиција.
Бегајќи Спасов удрил во автомобил „рено“ и пак избегал по што бил запрен од полицијата на улица „Алжирска“.
Спасов потоа не дал исказ ниту на полицајците и избегал со друго возило од местото на несреќата. /крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ковачки: Во рамките на проектот „Злетовица“, изградба на шест мали и две хидроцентрали со цевководи за водоснабдување на општините Пробиштип и на Кратово
Изминатите години се години кои се црно минато за нашата држава. Години кои ќе сакаме да ги заборавиме и никогаш повеќе да не ни се повторат. Години на тешки национални предавства, криминал и корупција од енормни размери, опасна економска катастрофа, јавен долг од 8,8 милијарди евра, најниски плати и пензии во Европа, а највисока инфлација во регионот и пошироко. СДС-ДУИ забегаа во секоја смисла на зборот, без никакви чувства, без никакви сопирачки, рече Драган Ковачки, носител на листата на пратеници во третата изборна единица од митингот во Кратово во рамките на предизборната кампања за парламентарни и претседателски избори.
Ковачки истакна дека иселувањето има земено загрижувачки размери, огромен дел од младите размислуваат за селење во странство и скоро да нема фамилија што нема свои блиски раселени по белиот свет, при што запраша каде се сега СДС да оставаат чевли пред Влада, како симбол за сите наши што се иселија.
„Устата им е полна со Европската Унија“, рече Ковачки и додаде, „ама во Европската Унија заминаа само тие што се иселија, сите останати сме тука во татковината, грчевито се бориме на парчето земја кое го населувале нашите татковци, дедовци и прадедовци и сакаме тука да останеме, да живееме нормално и да бидеме во друштво со европските народи“.
Ковачки посочи дека за тоа да се реализира треба работа, многу работа, многу напредок и љубов за сопствената земја за што ВМРО-ДПМНЕ како во минатото, така и во иднина ќе работи за интересите на сите граѓани и на граѓаните од Кратово.
Пред присутните на народниот собир во Кратово, Ковачки наброја дел од проектите предвидени во предизборната програма „Платформа 1198“ кои ќе бидат реализирани во градот во наредниот четири годишен мандат.
„Во рамките на третата фаза од проектот „Злетовица“ – Предвидуваме изградба на шест мали хидроцентрали меѓу кои и две хидроцентрали со цевководи за водоснабдување на општините Пробиштип и на Кратово;
Предвидуваме заживување на проектот „Плавица“ и отворање на Рудникот за бакар, злато и сребро;
Изградба на дом за стари лица во Кратово;
Реконструкција на детска градинка Царка Андреевска;
Реконструкција на градска сала;
Регулација на речно корито и изградба на колекторски систем за уредување на дел од Манцева река и дел од Кратовска река;
Реконструкција на патиштата до селата Близанци, Куново, Мушково и Нежилово до Каврак;
Изградба на мала пречистителна станица во село Приковци;
Реконструкција на зградата на поранешна Кристалограверница и многу други проекти кои што планираме да ги реализираме во Кратово“, рече Ковачки.
Македонија
Османи: Го институционализиравме достоинството на нашиот народ, но мисијата сè уште не е завршена
Форумот на жени и Форумот на млади на ДУИ, огранок Сарај, организираа отворена дебата со кандидатот за претседател Бујар Османи и кандидатите за пратеници од Европскиот фронт во ИЕ1 Блерим Беџети и Наим Бајрами.
Кандидатот за претседател Бујар Османи им вети на младите од Сарај дека како следен претседател ќе создаде држава во која без разлика на етничката припадност секој ќе има можност да ги оствари своите соништа.
Османи го опиша Европскиот фронт како идеја чие време е дојдено.
„Од исклучен народ сега сме народ кој го постигна првиот премиер Албанец. Го институционализиравме достоинството на нашиот народ. Почнавме да ги уриваме моноетничките тврдини: претседателот на Собранието, првиот премиер, но сè уште не сме завршиле, бидејќи сè уште имаме тврдина која за нас е забранета зона. Оваа мисија е света и не случајна. Затоа ве повикувам да ја одобрите“, рече Османи.
Кандидатите за пратеници Блерим Беџети и Наим Бајрами побараа од младите масовна поддршка за Бујар Османи и Европскиот фронт. Поканија на 24 април и на 8 мај да биде запечатена големата победа на Фронтот, со која ќе се заокружи последната мисија за етничка еднаквост и ќе се заокружи европскиот сон на младите во Северна Македонија.
Во текот на денешниот ден, караванот на Бујар Османи пристигна во Сарај и неговата околина, односно во селата Кондово, Бојане и Копаница.
Македонија
(Видео) Николовски: Пензискиот фонд повторно е стабилен, а пензиите растат
Преку одговорни политики и посветена работа, пензискиот фонд денес повторно е стабилен, а пензиите за пензионерите растат. Минималната и просечната пензија пораснаа за 50%, па денес минималната пензија изнесува 13.900 денари, а просечната пензија 20.195 денари, истакна на денешната средба со пензионерите од Пробиштип коносителот на изборната единица 3 Љупчо Николовски.
„Донесовме економска стабилност за пензионерите. Подготвивме нова Методологијата за раст на пензиите, со која на пензионерите им гарантираме постојан раст на пензиите. Сите 330.000 пензионери два пати годишно имаат гарантирано усогласување на пензиите, следејќи ги растот на трошоците за живот и порастот на просечната плата“, истакна Николовски.
Постигнатите резултати до сега, се нашиот гарант дека дадениот збор повторно ќе го исполниме, додаде тој.
„Во новиот мандат, даваме збор дека минималната пензија ќе достигне најмалку 20.000 денари, а пак просечната пензија 30.000 денари. Пензионерите два пати во годината ќе имаат усогласување на пензиите, однсно секој јануари и јуни. За оние пензионери кои живеат сами планираме енергетски пакети, во висина од 1.500 денари месечно во периодот од октомври до март“, истакна Николовски.
„Го јакнеме животниот стандард на пензионерите. Пензионерите добиваат потрошувачка картичка со попуст од 30% на прехранбени производи, како воведување новогодишен пакет за секој пензионер во висина од 6000 денари“, истакна Николовски.
„Нашата грижа за највозрасните лица ја продолжуваме и земаме обврска за изградба на најмалку 12 нови домови за стари лица, со вкупен капацитет од 2.000 лица. Имаме конкретна програма и јасен план, што гарантира европска иднина и европски стандард за секој еден граѓанин дома во својата татковина. Докажавме дека можеме да ги подобриме работите кон подобро, но имаме уште многу работи што заедно треба да ги продолжиме. Не смееме да се откажаме, сега кога тргнавме кон сигурна иднина за сите во држaвата“, истакна Николовски.