Македонија
Спасовски повикан да поднесе оставка од функцијата министер или од генерален секретар на СДСМ
Пратеникот од редовите на владејачката партија ВМРО-ДПМНЕ, Александар Николовски, го повика во понеделникот актуелниот технички министер за внатрешни работи од редовите на СДСМ, Оливер Спасовски, да поднесе оставка на функцијата министер за внатрешни или на функцијата генерален секретар на СДСМ, на денешната седница за пратенички прашања.
Имено, како што појасни Николовски во своето образложение на прашањето до министерот, во Статутот на СДСМ стои дека функцијата генерален секретар е неспоива со која и да е функција во извршната власт.Пред воопшто министерот да одговори на ова прашање, неговиот сопартиец Горан Сугарески, процедурално му забележа на претседателот на Собранието, Трајко Вељаноски, зошто не реагирал, како претходно во случајот кога премиерот Никола Груевски бил прашан како лидер на ВМРО-ДПМНЕ, дека тој тука е во улога на премиер, и сега да изреагира дека Спасовски во Собранието е во улога на министер, а не на генерален секретар на партија.Вељаноски, по укажаното, пред да биде одговарано прашањето, го потсети Спасовски дека ако не сака не мора да одговара на ова прашање.Но сепак Спасовски реши да одговори, велејќи дека да се одвои државата од партијата било барање на Европската комисија преку Извештајот, и оти тоа треба да се направи.„Но, знаете кога има мешање на државата и паритјата, тогаш кога вашиот генерален секретар Емил Димитриев има лично обезбедување од МВР(О), тој и уште неколкумина други, на кои во наредниот период ќе им биде одземено. Мешање има и кога имате една сала за централниот одбор на Центар во МВР, а друга за прием на странците“, рече Спасовски, додвајќи дека дали ќе поднесе оставка на некоја од функциите ќе му одговорел на Николовски тогаш кога тој ќе бил дел од Централниот одбор на СДСМ. Првото прашање до министерот за внатрешни од Николовски, се однесуваше на истрагата за фалсификуваните лични карти, кои биле издавани на граѓани, и кога министерот очекува да има конкретни информации од истрагата. „Истрагата ја води Обвинителството а не МВР, имаше 105 лични карти. Во првичното вештачења се утврди дека направените лични карти се фалсификувани, а на 90 луѓе им е украден идентиетот. Се работи за лични карти издавани во Куманово, Скопје, Кичево, Штип, Гостивар… Се вршат проверки во ДИК којшто го има Избирачкиот список, дали биле употребувани за гласање“, рече Спасовски.Тој очекува истрагата да даде одговор на прашањето дали има некој во Македонија, којшто фалсификува лични карти или други документи. „Имаше најава од поранешниот министер дека тоа може за пет дена да се заврши. Кога ќе имам информации кој го направил и зошто ќе биде информирана македонската јавност“, рече Спасовски и појасни дека истрагата не почнала по пријавата дека има фалсификувани лични карти, туку по прислушуваните разговори објавени во „Вистината за Македонија“, каде во неколку од разговорите се вели дека се издаваат лични карти за некои цели./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.