Македонија
Старите системи се уништени, СЈО проверува злоупотреби во новиот систем за прислушување
Старите системи за прислушување се уништени, а за нивното уништување, Специјалното јавно обвинителство започна и истраги, сега специјалните јавни обвинители проверуваат дали има злоупотреби со новиот систем за следење на комуникациите којшто е официјално во употреба од март 2015 година.
Обвинителката Ленче Ристоска на денешната прес- конференција одговараше на новинарски прашања и соопшти детали за влегувањето на СЈО во Управата за безбедност и контраразнување каде што обвинителите се наоѓаат речиси 24 часа.Како што е предвидено во Законот за Специјалното јавно обвинителство, тоа треба да ги истражува прислушуваните материјали во периодот од 2008 до 2015 година, па сега се проверува дали се злоупотребувале системите за прислушување од март до крајот на 2015 година. „Се работи за нов систем кој е во употреба во Управата за безбедност и контраразузнавање од март 2015 година, официјално, со оглед на тоа што нашиот мандат се протега повеќе, ние мора да го покриеме и другиот дел кој ја подразбира употребата на новиот систем за следење на комуникациите. Сега гледаме она што е веќе во употреба да видиме дали во периодот во кој функционира се настанати или не се настанати злоупотреби, како што кажав тоа е предистражна постапка во која тие податоци ни се неопходни“, изјави Ристоска.Специјалното јавно обвинителство во средата со две судски наредби влезе во Управата за безбедност и контраразузнавање, првата наредба е за проверка на Посебните истражни мерки и листите за евиденција на Посебните истражни мерки, а втората наредба е за претрес на компјутерски системи и компјутерски податоци. Првата наредба, како што рече Ристоска, веќе се спроведува и обвинителите и истражителите веќе правеле увид во Посебните истражни мерки, додека втората наредба не може да се спроведе.Обвинителите не можеле да направат претрес на компјутерскиот систем бидејќи двајцата вработени кои единствено можат да влезат во системот за следење на комуникациите се надвор од државата и треба да се вратат во текот на денот.За СЈО неизвршувањето на судската наредба од страна на УБК е преседан и Ристоска уште еднаш повтори дека обвинителите и истражителите од Специјалното јавно обвинителство остануваат во Управата се додека не ја извршат судската наредба.Клучната порака на Специјалното обвинителство е дека во Управата немало волја да се спроведе и да се изврши судската наредба, а обвинителите кои утрово дошле да ги сменат нивните колеги кои ја минале цела ноќ во Управата чекале еден час да влезат, бидејќи Министерството вовело нова процедура за влегување. „Загрижени сме каква порака се праќа на граѓаните, како е можно државна институција да не дозволи да биде спроведена судска наредба“, рече Ристоска.Во Управата во средата беа присутни освен директорот, Владимир Атанасовски, беа присутни и дополнителниот заменик Министер за внатрешни работи и директорот на Бирото за јавна безбедност, Митко Чавков кои го обвинија СЈО дека може да го наруши безбедносниот систем во државата со претресите. /крај/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одѕивот до 17 часот изнесува 44,18 отсто – за околу 9 проценти повеќе во споредба со претходните претседателски избори
До 17 часот во првиот круг од претседателските избори, своето право на глас го оствариле 397.612 избирачи, или 44,18 отсто.
Како што соопшти претседателот на Државната изборна комисија (ДИК), Александар Даштевски, засега најголема е излезноста во Новаци, каде гласале 67,19 отсто, а најмала во Пласница – 15,5 отсто.
Засклучокот е дека гласањето се одвива мирно.
Во споредба со првиот круг од претседателските избори во 2019 година, до 17 часот, излезноста е поголема за околу 9 отсто.
Досега до ДИК се доставени 308 приговори, од кои 85 се усвоени, 27 отфрлени како нецелосни, а 38 се одбиени. Останатите се во процес на обработка.
Македонија
Петмина си ги фотографирале гласачките ливчиња, полицијата ги фати
Пет лица во периодот од 11 до 14 часот, биле фатени од страна на полицијата оти ги фотографирале своите гласачки ливчиња додека го остварувале своето право на глас, објави МВР.
-Во 11.10 часот е пријавено дека во село Коџалија, општина Радовиш на избирачко место број 1602 С.А. од с.Коџалија го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок.
-Околу 12.15 часот е пријавено дека на избирачко место број 2683/1 во Скопје А.С. (40) од Скопје го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок.
-Околу 12.15 часот е пријавено дека А.И.(48) од Охрид на избирачко место број 1271 во Охрид го фотографирал гласачкото ливче. А.И. е приведен во полициска станица и по документирање на на случајот ќе биде поднесен соодветен поднесок.
-Во 12.35 часот е пријавено дека на избирачко место бр.0006 во Берово, Д.Т.(42) го фотографирал гласачкото ливче. Д.Т. е приведен во полициска станица и по документирање на на случајот ќе биде поднесен соодветен поднесок.
-Во 13.57 часот е пријавено дека на избирачко место 2555 во Скопје С.С. го фотографирала гласачкото ливче. Се преземаат мерки за расчистување на случајот, по што ќе биде поднесен соодветен поднесок, се наведува во извештајот на МВР.
Македонија
Одѕивот до 15 часот е 35,89 отсто, најмалку гласале во Центар Жупа, а најмногу во Новаци
До 15 часот до Државната изборна комисија пристигнати се податоци за одѕив на гласачите од 2.110 избирачки места.
Од вкупно запишани 1.092.341 гласач на овие избирачки места, гласале 392.066, односно 35,89 проценти.
Според податоците што се пристигнати досега, најголем одѕив е забележана во Новаци со 57,69 % а најмал во Центар Жупа, 13,11 %.
Гласањето досега се одвива мирно на сите избирачки места.
До овој момент до ДИК се доставени вкупно 233 приговори за заштита на личното избирачко право. Од нив, 38 приговори се усвоени и на избирачите им е овозможено да го остварат своето право на глас, 21 приговор се отфрлени како неуредни, а 22 се одбиени. Другите приговори се во обработка.
На страницата rezultati.sec.mk може да се следи во живо одѕивот на гласачите, вкупен и по општини.