Македонија
Судењето за „Поткуп“ се одложи, во судот се појави и бизнисменот од кој Заев наводно барал пари
Судското рочиште за случајот „Пуч“, во којшто обвинет е лидерот на СДСМ, Зоран Заев, повторно се одложи, бидејќи и двајцата адвокати на Заев беа отсутни.
Заев се појави во судот, а во судницата присутен беше и струмичкиот бизнисмен, Иван Николов, од кој Заев наводно барал поткуп. Адвокатот Филип Медарски од 2 до 5-ти март бил на службен пат во Барселона, додека другиот адвокат, Ване Андреев ненадејно во четврток заминал во Грција поради здравствени причини.Судењето се одложи за на 21-ви април, а за на наредното рочиште Заев изјави дека се надева дека ќе бидат во полн состав. По одложувањето на судењето, Заев уште еднаш го повтори својот став дека овој случај е „наместен“.„Се работи за комплетно местење, никаде во светот нема поткуп без примање или давање пари. Секако ние поднесовме кривични пријави и против човекот кој се обидува да мести поткуп заедно, во организација со обвинителот, кој го прават надвор од сите законски процедури. Воспоставено е физичко следење, следење на моите телефони, никако не можеме да дојдеме до наредбите кои имаме право да ни бидат доставени“, изјави Заев.Заев досега не бил повикан ниту како сведок, ниту како осомничен кај Специјалната јавна обвинителка, Катица Јанева. Тој не сакаше да ги коментира дали овој случај ќе го преземе Специјалното јавно обвинителство, кое го побара овој случај од Јавното обвинителство, но оттаму не го предадоа предметот. Сепак, тој потенцираше дека бил прислушуван неовластено пет години.„Не можам да ги коментирам деталите во правосудните постапки што ги водат, давам свој став, само мое размислување без да навлегувам во детали. И малите деца знаат за неовластеното прислушување на опозицијата и на Зоран Заев. Ако има неовластено прислушување на телефонски разговор на кое и да е осомничено лице врзано за предметот, тоа е материја за постоењето на Специјалното јавно обвинителство, сé што е поврзано и што произлегува од неовластеното прислушување“, рече Заев.Заев, според Обвинителството, во својство на службено лице градоначалник на Општина Струмица, од струмичкиот бизнисмен Иван Николов, побарал поткуп од 163.924 евра, односно по 2 евра за еден метар квадратен градежно земјиште во Струмица, за кое Николов бил заинтересиран да го приватизира. Според обвинението, една половина од парите требале да бидат за Заев, а другата за изградба на црква во Струмица.Заев тврдеше дека цело време бил свесен дека лицето се обидува да го намести и поднесе кривична пријава против бизнисменот./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.