Македонија
Судот реагира на новинарските прашања за „Тендери“, со постапките на СЈО се прават спектакли
Со постапките на Специјалното јавно обвинителство се прават спетакли, реагира Основниот суд Скопје 1 по прашањата од медиумите до Судот кога ќе биде сослушани двете осомничени лица во случајот „Тендери“ за кои СЈО побара да им се одземат пасошите, предмет во којшто првоосомничена е министерката за култура Елизабета Канческа-Милевска.
„Со оглед да со постапките на СЈО се прават спектакли со кои секојдневно се занимава јавноста преку прес – конференции и телевизиски излагања, а истовремено не се води сметка за пресумпцијата на невиност и законитоста на постапките, судот, респектирајќи го дигнитетот на судската власт, нема да учествува во ваков вид на спектакли туку наместо тоа отсега благовремено и прецизно ќе ја информира јавноста за сите донесени одлуки преку соопштенија“, се вели во соопштението на Основниот суд Скопје 1.Судот ги упатува новинарите за сите информации поврзани со истражни и предистражни постапки на некое од обвинителствата да се обратат до странките во постапките, бидејќи, како што велат, судот ги почитува уставно загарантираните права на сите страни во постапките.Ниту од Основниот суд Скопје 1, ниту од Специјалното јавно обвинителство не соопштуваат официјално дали за Министерката за култура, Елизабета Канческа – Милевска се бараат мерки за претпазливост. Осомничените за коишто се бараат мерки за претпазливост треба да се јавуваат еднаш неделно, секој вторник во 10 часот кај определено службено лице во Основниот суд Скопје 1 Скопје.Освен тоа СЈО бара да им се одземе патната исправа поради постоење на околности кои упатуваат на опасност од бегство. Случајот „Тендери“ се однесува на изведување на градежни работи на Музејот за македонска борба и државност, од страна на градежното претпријатие „Бетон“, кое било фаворизирано, осомничена е Канческа – Милевска и тројца членови на Комисија за јавни набавки од министерството.За случајот „Топлик“, односно за продажбата на земјиштето за „Сончев град“ во кој е осомничен поранешниот министер за транспорт и врски, Миле Јанакиески и пет лица членови на комисијата од ова Министерство за спроведување јавни набавки не се побарани мерки за претпазливост.Последната информација од Основниот суд Скопје 1 беше дека мерките за претпазливост се распоредени кај Судија на претходна постапка и дека тој треба да ги викне лицата за да се произнесат по предлогот за да донесе одлука дали ќе ги прифати мерките кои ги бара СЈО.Инволвираните сториле кривични дела со што грубо ги повредиле јавните набавки и го оштетиле Буџетот на Македонија за по над еден милион евра./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Приведен охриѓанец кој го фотографирал гласачкото ливче
Полицијата во Охрид го приведе А. И. (48) затоа што го фотографирал гласачкото ливче на избирачкото место 1271 во Охрид.
По целосно документирање на настанот, против него ќе биде поднесена соодветна пријава, информираа од СВР Охрид.
Македонија
ОЈО Делчево истражува обид за изборен поткуп со бесплатно вградување водомери
Основното јавно обвинителство Делчево истражува предмет за изборен поткуп со бесплатно поставување водомери. Обвинителот Џељаљ Бајрами, претседател на комисијата на Јавното обвинителство за следење евентуални кривични дела поврзани со изборите, извести дека се издадени наредби за увид во службената документација на Јавното претпријатие „Комуналец“ во Делчево.
„Во текот на вчерашниот ден во Основното јавно обвинителство Делчево е заведен предмет по барање на Министерството за внатрешни работи за кој се побрани наредби за вршење увид во службената документација на Јавното претпријатие ’Комуналец’, со цел да се проверат наводите за евентуално сторено кривично дело поткуп при избори и гласање. Се работи за наводно поставување водомери во поголем број населени места во таа општина. Дадена е наредба за проверка на службената документација во претпријатието. Доколку се утврди дека има елементи за сторено кривично дело поткуп при избори и гласање, предметот ќе се процесира понатака“, рече обвинителот Бајрами.
Во Основното јавно обвинителство Радовиш денес е пријавено дека во село Бучим еден од гласачите наводно го покажал гласачкото ливче кон еден од набљудувачите од една политичка партија. И за овој настан обвинителот Бајрами рече дека се дадени насоки за проверка на наводите и доколку постојат елементи за сторено кривично дело, и овој предмет ќе се процесира.
Обвинителот Бајрами рече дека од аспект на Јавното обвинителство на Република Северна Македонија денешниот изборен ден се одвива без поголеми нарушувања и нерегуларности.
Македонија
Одѕивот до 13 часот е 26,35 отсто – најмногу гласале во Новаци, а намалку во Врапчиште
Процентот на избирачите што гласале до 13 часот е 26,35 отсто, информира претседателот на Државната изборна комисија, Александар Даштевски.
Според податоците, најголем е одѕивот во Новаци – 42,87, а најмал во Врапчиште – 10,18 отсто.
Заклучокот е дека досега гласањето се одвива мирно на сите избирачки места.
До ДИК се доставени 140 приговори за заштита на избирачко право, од нив 16 се усвоени и на избирачите им е овозможено да остварат право на глас, 8 се отфрлени како неуредни, а 9 одбиени. Другите се во обработка.